Lv 10:11 - Chuj San Sebastian Bible

¹¹ Yowlal tze cuy pax eb' eyit israelal 'a jun tzo'n̈ ley xwac' yal Moisés 'ayex, xchi 'a Aarón.

Chuj San Mateo Bible

¹¹ Yovalil tze c'ayb'ejpax eb' eyetchon̈ab' d'a juntzan̈ ley ix in chec yal vin̈aj Moisés d'ayex tic, xchi d'a vin̈.

Lv 10:11 ပူးပေါင်းရင်းမြစ်များ

2 Cr 15:3

An̈ chon̈b' israel on̈ec tic, niwn tiempo 'ix b'ey coti to man̈xoc jun Dios caw yel 'aych quet'ec, man̈x 'a eb' ya'mal 'och qui ti 'a Dios tzcuywji, man̈x 'a pax cuynb'il.

2 Cr 17:9

'Ix checx 'at eb' tic yet' ch'an̈ libro yic sley Jehová, yic tz'at cuyxc eb' 'anma 'a smasnil chon̈b' 'a yol yic Judá cha.

2 Cr 30:22

A Ezequías, 'ix yal yuj diosal 'a smasnil eb' levita, to caw xya'ch eb' 'a snab'en ya'n servil Jehová. 'Ix chi eb' no xajmb'al tz'ajx xajmb'al-l 'a jun q'uin̈ to niwn yel'ch 'a uque c'u. 'Ix yac' eb' xajmb'al yic junc'ojlal, 'ix ya'n eb' yuj diosal 'a Jehová qui Diosalec, atn sDiosal eb' qui mam quichmec.

Nehemías 8:2

A win Esdras cha, ya'mal 'och sti eb' 'anma yaj win 'a Dios. 'Ix yi'n cot win ch'an̈ ley 'a sat eb' 'anma yamn yaj cha, 'a b'ab'l c'u yic yucl 'uj. Ata syam sb'a smasnil eb' winac, smasnil eb' 'ix 'ix, yet' smasnil eb' 'unn tzax nachj 'el yu'uj.

Nehemías 8:8

Caw wach' xyutj eb' yawtn ch'an̈ un̈ yic ley cha, xyaln 'elt eb' 'a sti' eb' 'anma cha, tas wal yel'chi, sec wach' tznachj 'el yuj eb' tas tzyal ch'an̈.

Jeremías 18:18

'Ix yaln eb' chon̈b' chi 'ixtic: Qui na'ec tas 'oj cutquec jun Jeremías tic. 'Ay xon eb' ya'mal 'och qui ti 'a Dios 'oj qui cuynec, 'ay xon eb' 'a'm nab'en 'oj 'a'nc qui nab'enec, 'ay xon eb' schecb' Dios 'oj alnc spaxti Dios 'ayn̈ec. Yuj cha, qui pitzc chan̈ 'es paxti 'a spatic, sec tzmilx chamoc, man̈ qui yiclquec xon tas tzyal cha, xchi eb'.

Jeremías 2:8

A eb' ya'mal 'och e ti 'ayin, man̈x 'ic jaw eb' 'a wojltac. Ax eb' e cuywmal, man̈x 'ic in yojquej 'el eb'. A eb' yajl yaj 'a e chon̈ab', 'ix meltzj 'och eb' 'ajc'ojlal 'ayin, ax eb' in checb' cob'i', a 'a sb'i Baal, ata xpaxtin 'el eb'. 'Ix 'och tza'n eb' yuj jun tzo'n̈ comn dios to may jac yopiso, xchi Dios.

Malaquías 2:7

A wal yopiso eb' ya'mal 'och sti eb' 'anma 'ayin, to tzcuyx eb' 'anma yuj eb', sec tzin yojquej 'el eb'. Smoj ton wal sc'och smasnil eb' 'anma 'a eb', sec tzchaj eb' cuynb'il 'a eb', yujto a eb' cha, in checb' yaj eb' an Jehová in, tztac' wuj smasnil.

Mt 28:20

Tz'ec' laj e cuy eb', sec wach' jantcn̈ej tas waljnac can 'ayex, 'oj laj syiclc eb'. An tic 'ayn 'ec' eyet' 'a smasnil tiempo, masnto 'oj lajwc 'ec' yolyib'n̈q'uinl tic, xchi Jesús 'a eb'. [B'o cab' 'ixta']

A Tas Sc'ulejnac Eb' Schecab' Jesús Hechos 20:27

Yujto c'uxn xwalcn 'el jun tzo'n̈ cuynb'il yic Dios 'ayex. May junc xin c'ub'j 'el 'ayex.

Dt 17:10

Ax xo tzeyac' 'ejm sb'omb'il chi 'a scal eb'. 'Icha tzyutj eb' 'ay yopiso chi yaln 'ayex, 'ixta tzeyutej.

Dt 17:11

'Icha wal tzyutj eb' yaln cha, 'ixta tzeyutj eya'n 'ejm jun ley cha, may wal jac tze jel-l 'a 'a.

Dt 24:8

Toto 'ay mach 'aj tzpitzw jun yab'il tzcuch lepra, yowlal tzeyiclj sleyl tzyal eb' ya'mal 'och sti eb' 'anma 'a Dios, atn eb' yin̈tl Leví. Tzeyiclj smasnil jun tzo'n̈ checnb'il 'ix walcn 'ayex, yet' pax 'a eb' levita cha.

Dt 33:10

Tzyac' eb' cuyxoc a ley 'a scal eb' yit chon̈ab', atn eb' yin̈tl Jacob, ax yaln pax eb' 'a scal eb' yit israelal. A eb' tz'a'n tz'a incienso 'a ojltac, ax ya'n pax tz'a eb' no xajmb'al to tz'a smasnil 'a yib'n̈ yet'l xajmb'al.

1 Ts 4:2

Eyojc xo jun tzo'n̈ schecnb'il Cajlil Jesús 'ec' caljnac 'ayx on̈.