Lm 5:2 - Chuj San Sebastian Bible

² Smasnil tas 'ay 'ayn̈ on̈, yol sc'ab' eb' chuc chon̈b'al xo 'aj 'ayq'ui. A catut on̈, yic xo eb' chuc 'anmal yaji.

Chuj San Mateo Bible

² Masanil co macb'en, ix yiquej eb' ch'oc chon̈ab'il, axo co pat yicxo eb' yaji.

Lm 5:2 ပူးပေါင်းရင်းမြစ်များ

Salmos 109:11

A win tz'a'n q'uen tumn majnil, a cab' win tz'i'n can smasnil tas 'ay 'a eb', ax eb' chuc 'anma'il, a cab' eb' tz'i'n can 'ec' smasnil jac tas tz'el-l 'a smunljel eb'.

Is 1:7

A qui nacion̈ec tic, tox xcan 'a cusltaquil, 'ayx 'och sc'a'l qui chon̈b'ec. Ax smasnil sat cawb'enec, q'ueln on̈ wal 'ochi sc'uxn eb' chuc chon̈b'al. Xlajw can 'ejm smasnil yuj eb', cusltac xoj yilx x'ajcni.

Is 5:17

A eb' lum chon̈b' 'oj sat 'ejm cha, swalab' calnelu, swalab' chiwo xoj 'oj 'ajcn eb' lu'um.

Is 63:18

An̈ a chon̈b' on̈ tic on̈, jayen̈ej ab'il xquique'ej a cajnub', ax ticnec, a eb' 'ajc'ojl yajch 'ayn̈ on̈, a eb' xma'n 'ejm lan̈chjoc.

Jeremías 17:4

Yowlal 'oj eyactc can jun lum tic, atn lum wa'jnac e macl lumoc. 'Oj ex wa'cn 'och schecb'oc eb' 'ajc'ojl yajch 'ayex, atn eb' cajn 'a lum lum man̈ 'ojcab'ilc eyu'uj. Tox 'ix jaw yowl in c'ojl 'a eyib'an̈, lajn wal 'icha junc niwquil c'ac' may xon b'a'n̈ tztupi, xchi Dios.

Jeremías 6:12

A yatut eb', slum eb', yet' yistzil eb', chucx mach 'oj 'ica'anoc. An Jehová in, an tzwala, to 'oj wi' chan̈ in c'ab', ax wa'n 'och syailal eb' 'anma cajn 'a jun chon̈b' tic.

Ez 7:21

'Oj cot eb' 'anma yel xo tu 'a chuc chon̈b'al, ax wul sto'nc 'ec' eb' jun tzo'n̈ chi 'a eb'. A yic 'oj yi'noc 'ec' eb' chuc chon̈b'al jun tzo'n̈ chi 'a eb', man̈x 'a yel'ch 'oj yutc eb' jun tzo'n̈ cha.

Ez 7:24

Yuj cha, 'oj wi' cot eb' 'anma yel xo maysch'olnil 'a jun tzo'n̈ xo nacion̈, ax yica'an eb' jun tzo'n̈ tas 'ay 'a jun nacion̈ tic. 'Ixta 'oj 'aj wi'n 'ejm eb' tzb'an̈ sb'a yet' tas 'ay 'a 'a; man̈x 'a yel'ch 'oj 'ajcn jun tzo'n̈ 'aj tzyal sb'a eb' cha.

Os 8:7

Yuj maysch'olnil xlaj sb'o eb', yuj cha, caw niwn jun yailal 'oj jawc 'a yib'n̈ eb'. Toxn may jac tas 'oj yic' eb' 'a tas 'awb'il yu'uj, may harina 'oj yac' sat strigo eb'. Toxn̈ej 'ay jac 'oj smol eb' jun, palta a eb' chuc chon̈b'al 'oj wanoc 'a eb'.

Os 8:8

A chon̈b' Israel, 'oj lajwc 'ejmi. Man̈x xon jac yel'ch 'oj 'ajcn 'a sat jun tzo'n̈ xo nacion̈ 'aj sactzicnac yajcn 'ati.

Sofonías 1:13

Yuj cha, a smasnil sricoal eb', 'oj 'ijxoc 'eq'ui, ax sma'x lan̈chjoc can yatut eb'. 'Oj cob' sb'o chan̈ eb' yatut, palta man̈xtoc a eb' 'oj cajnoc. 'Ojt cob' yawc eb' te uva, palta man̈xtoc a eb' 'oj 'u'nc yalil te', xchi Dios.