Lm 4:20 - Chuj San Sebastian Bible

²⁰ A jun qui reyl cob' yipc'ojlal yaj cuj on̈, atn jun sic'b'il 'el yuj Jehová, tox 'ix yamchj win yuj eb' 'ajc'ojol. An̈ tic on̈, xqui na cob'i', to 'oj on̈ scol win 'a jun tzo'n̈ xo nacion̈.

Chuj San Mateo Bible

²⁰ A vin̈ co reyal ayoch yipoc co c'ool, vin̈ sic'b'ilel yuj Jehová, toxo ix yamchaj vin̈ yuj eb'. A sco naani to a vin̈ ol on̈ colan d'a juntzan̈xo nación.

Lm 4:20 ပူးပေါင်းရင်းမြစ်များ

Gn 2:7

'Ix sb'on Dios jun 'anma'. A yet' spoccal lum lum 'ix b'o'i. 'Ix yutz'n 'och Dios yic' 'a sn̈i', 'ixta wal x'aj yel yich spitzw 'el 'anma'.

Gn 44:30

Yuj cha, 'icha wal to stzatzl in mam yajch ni quelm tic; toto man̈xtzac pax ni ticnec quet' on̈,

A Ch'an̈ Schab'l Libro Samuel 1:14

—¿Tas yuj 'ix a te'wtzej a b'a a miln cham win rey sic'b'il 'och yuj Jehová? xchi David.

A Ch'an̈ Schab'l Libro Samuel 1:21

Man̈x cab' 'em n̈ab' yet' chicb'chan̈ 'a yib'n̈ eb' lum switzl Gilboa, man̈x 'a tas 'oj 'awxoc yic tz'ajx ofrendail. Man̈x 'oj stac' yawx eb' lu'um yujto ata x'och chamel. Ata xte'x can 'ejm jun tzo'n̈ tas tzmacn sat jul-lab' 'a eb' syajlil chon̈b' Israel. Ata 'ix can stzictznil jun q'uen tzmacn sat jul-lab' tzc'anlb'ej Saúl.

A Ch'an̈ Schab'l Libro Samuel 18:3

Palta 'ix ta'w ewin 'ixtc 'a winac. —Ma'ay, matz tac' a 'ati, yujto a eb' 'ajc'ojl cha, may yel'ch 'a eb' toxn̈ej tzon̈ 'at 'elc on̈ mto tzon̈ chamcn nan̈loc on̈, palta ach tic, 'ec'b'al el'ch 'a yib'n̈ lajn̈e'oc mil soldado 'icha on̈ tic on̈. Yuj cha, wach' tzach can 'a yol chon̈b' tic, sec ach xo tza't qui colmal 'a tic on̈, xchi eb'.

A Ch'an̈ Schab'l Libro Samuel 19:21

Yuj cha, 'ix yaln Abisai, win yune 'ix Sarvia 'ixtic: —A Simei tic caw smoj schami, yujto caw maysch'olnil 'ix yal 'a win rey sic'b'il 'el yuj Jehová, xchi.

2 Cr 35:25

Ax Jeremías 'ix sb'o jun poesía yuj snax cot schamlil Josías, yic tzb'itnaxi. Smasnil eb' winc tzb'itni yet' eb' 'ix 'ix tzb'itni, tzna cot eb' jun b'it yic schamlil rey Josías, yic tzb'itnan eb' jun tzo'n̈ b'it yic cusc'ojlal yuj eb' tzlaj chami. Ax x'aji, x'och jun tic sb'eyb'alc eb' israel. A jun tzo'n̈ tic ata tz'ib'b'il can 'a ch'an̈ libro yic b'it yic cusc'ojlal.

Is 32:2

A junjn eb', 'icha to qui colnb'il yaj eb' 'a junc 'ic' caw ow, mto 'a niwc yaxn̈ab'. 'Icha sb'e a yaj eb' 'a lum tacn̈ lu'um, 'icha wal pax yen̈l junc niwquil q'uen 'a lum cusltac lu'um, 'ixta yaj eb'.

Jeremías 39:5

Palta ax eb' soldado Babilonia cha, 'ix 'ochn̈j tza'n eb' yuj eb', axta xyamchj Sedequías yuj eb' 'a ya'lical Jericó. 'Ix yi'n 'at eb' 'a win rey Nabucodonosor. Ata 'ayc' win 'a chon̈b' Ribla 'a yol yic Hamat. Ata 'ix yal winac tas tz'aj winac. Wal 'a sat Sedequías cha, 'ix ya'n win rey chi milxoc cham eb' yunnal Sedequías cha, yet' pax smasnil eb' niwc winc yaj 'a Judá.

Jeremías 52:8

Palta 'ix pechx win rey Sedequías yuj eb' soldado yic Babilonia cha. Ata 'ix yamchj win yuj eb' 'a ya'lical Jericó. 'Ix 'actx can win yuj smasnil eb' soldado, 'ix sactzic can 'at eb'.

Jeremías 52:9

'Ix yamchj win rey Sedequías chi yuj eb' soldado yic Babilonia, xyi'n 'at eb' win 'a win sreyl Babilonia 'ayc' 'a Ribla 'a yol yic Hamat. Ata 'ix yal Nabucodonosor tas tz'aj Sedequías.

Lm 2:9

A jun chon̈b' cha, man̈x 'a spuertail, wecchjnacx yijl 'aychi. Choc' x'ajcn smasnil, toxn̈ej tzicn can 'at 'a sat lu'um. Ax win rey yet' smasnil eb' 'ay yopiso yet' winac, scal eb' chuc chon̈b'al 'aj 'ayx 'ec' eb'; ata' man̈x 'a sley Dios 'a sat eb' 'anma cha. Ax eb' schecb' Jehová, man̈x 'a xon tas tz'ajx yojcoc 'el eb' yu'uj.

Ez 12:13

An xo 'oj wa't in ch'an̈ yal 'a yib'an̈, ax scan 'a yojol, ax yijx cot 'icha presoal 'a Babilonia tic, atn lum slum ewin caldeo. Palta ma'oj yil xon jun chon̈b' tic, a pax a tic 'oj chamoc.

Ez 17:18

Yujto ma'ix yac' 'el'choc win rey tas xyal yet' sti', 'ix yac' win 'es 'a strato, xcob' yala' to yiclum tzyutj sb'a. Yujn̈ej cha, ma'oj stac' xon scoln sb'a.

Ez 31:17

An̈jtona', a eb' cob' cajn 'ec' 'a yaln̈ yen̈l jun te cha, eb' cob' xcolwj yet'oc, 'ix c'och pax eb' 'aj 'ay eb' chamnc cha, junxn̈ej 'ix 'aj eb' yet' eb' chamnc yuj owal.

Dn 4:12

Caw wach' yilx xil te', man̈x jantcoc sat te', tztechj swatzan te smasnil 'anma yet' sat cha. A 'a yen̈l yich te', ata tzmol sb'a e no calte'al noc'. Ax 'a scal sc'ab' te', ata tzb'o e no ch'ic so', smasnil tas pitzn 'a yolyib'n̈q'uinl tic, tztechj te swatzani.

Os 13:10

Ax tic, e c'anjnac e reyal, yet' eb' tzex jucb'tzani, palta ¿tom a eb' tztac' stan̈wni e chon̈b' tic?

Jueces 9:15

Xta'w te snun q'uix chi 'ixtic: Toto yel tzeyala to tze nib'j tzin 'och e reyloc, cotn̈ec, c'ub'jec 'el e b'a 'a yaln̈ wen̈ul. Toto matz e nib'j an tzin 'och e reyloc jun, 'elt cab' n̈iln̈joc c'ac' 'ayin, ax stz'acn eb' te c'ute 'a Líbano wu'uj, xchi te'.

A Ch'an̈ B'ab'el Libro Samuel 12:3

A ticnec waj 'a yojltac Jehová, yet' 'a yojltac jun rey si'ch qui reyloc tic. Alc b'i'an toto 'ay mach xwixtej, mto 'ay 'aj xwij 'ec' swacax, mto sb'uru, mto 'ay 'aj x'och in mul 'a 'a, mto 'ay 'aj in chajnac q'uen c'ultac tumn 'a junc mach. Toto 'ixta', tztac' in tojn can 'a ticnec, xchi Samuel cha.

A Ch'an̈ B'ab'el Libro Samuel 12:5

A Jehová yet' win xya'cn 'och qui reyloc tic, a tz'ochcn e testigooc 'a jun c'u tic, chajtlto may in mul x'ilchj eyu'uj, xchi Samuel. —'Ixtnta', xchi eb' chon̈b' cha.

A Ch'an̈ B'ab'el Libro Samuel 16:6

Ax yic xc'och Isaí yet' eb' yunnal 'a 'aj 'ayq'ui, 'ix yiln 'och Samuel win Eliab, snan 'ixtic: Wal yel a jun winc 'ayc' 'a yojltac Jehová tic, a sic'b'il 'och reyl yu'uj, xchi.

A Ch'an̈ B'ab'el Libro Samuel 24:10

¡'Ilto, na a b'a! A Jehová ach 'a'n 'och 'a yol in c'ab' 'a yojl q'uen n̈aq'ue'en. 'Ix yal eb' winc ajun wet'oc, to ata tzach in mil chamoc, palta ma'ix yal in c'ojol. 'Ix wac' niwnc'ojlal 'a eb'an̈. 'Ix in na coti to rey ach, yujto a Jehová si'jnacch 'och reyal.

A Ch'an̈ B'ab'el Libro Samuel 24:6

'ix yaln 'ixtc 'a eb' winc ajun yet' cha: —¡A cab' Jehová matz chan in b'o tas tu 'a win rey tic, yujto a 'a'jnac 'och win reyal! xchi.

A Ch'an̈ B'ab'el Libro Samuel 26:16

Caw maysch'olnil tas chi tza b'o cha. 'A yojltac Jehová tzwalni to smoj wal tzex cham e masnil, yujto matz e tan̈wj win cajlil, win sic'b'il 'el yuj Jehová. Say el q'uen slanza win rey, yet' jun tzu a a 'ayc' 'a sjolmtac winac, 'ixta to b'i'an ax elni, toto 'oj 'ilchjoc to o'oj, xchi David.

A Ch'an̈ B'ab'el Libro Samuel 26:9

—Man̈ a mil chamoc, yujto tzann̈j mach tzmiln cham win rey to sic'b'il 'el yuj Jehová, tzjaw yailal 'a yib'an̈.