Lm 3:7 - Chuj San Sebastian Bible

⁷ 'Icha to in smacch 'a yol col-l 'aj man̈xtzac stac' weli; 'icha to in sjal yet' niwc cadena.

Chuj San Mateo Bible

⁷ Ix in smacchej b'aj man̈xa b'aj syal veli. Yed' val q'uen nivac cadena ix in stzec'a'.

Lm 3:7 ပူးပေါင်းရင်းမြစ်များ

Job 19:8

A Dios a 'ix macn yol in b'e, yuj cha, man̈xtzac stac' in b'eyq'ui, 'icha wal to scal q'uic'q'uinl tzin b'eyc' yu'uj.

Job 3:23

¿Tasm yuj an̈ja ya'n Dios sq'uinl junc 'anma man̈ yojcoc 'aj tzc'ochi, 'icha to macb'il yol sb'e chi yuj Dios?

Salmos 88:8

'Ix ej 'el snab'en eb' in wach'c'ojl 'ayin, in schacn can 'el eb'. Lajn wal in 'aj 'icha junc win 'aych 'a preso, matz tac' yeli.

Salmos 88:9

Caw wal tzin 'oc' si'mb'il, tzmal yol in sat woc' yuj in cusc'ojlal. Mamin Jehová, 'a junjn c'u tzwaln in b'a 'ayach, a 'aych tzin moj q'ue in c'ab'.

Jeremías 38:6

Yuj cha, in syamn cot ewinac. Xlajw cha, in ya'n 'ejm ewin yet' lasu 'a yojl jun xab' 'a 'aj tzyam sb'a a a'. A jun xab' cha, yic Malquías yunnal win rey cha. Ata 'ay 'a jun 'amc' 'a 'aj 'ayc' eb' tztan̈wni despacho. A jun xab' cha, man̈x a 'a yojol, cojxn b'i'ch 'ay, yuj cha, ax yic in 'emch 'a yich, in 'atcn 'a scal b'i'ch cha.

Jeremías 40:4

A ticnec, 'oj wi'l q'uen cadena tic 'ayach. Toto tza nib'j tzach 'at wet' 'a Babilonia, tztac' a 'ati, an 'oj ach in ya'ilc ta'. Toto matz a nib'j tz'ach 'at jun, tztac' tzach can 'a tic. Libre yaj smasnil lum lum tic 'a yol a c'ab', tztac' 'a si'lni 'aj wach' tzach cani, xchi win 'ayin.

Lm 1:14

'Ix yil Dios to caw x'och qui mul on̈, yuj cha, mun a qui mul chi on̈ jaln 'ejm on̈. A jun cha, caw wal 'al yaj q'ue quiln 'a quib'n̈ 'icha junc 'icatz, caw wal tz'el quip yuj on̈. Tox on̈ ya'ch Cajlil 'a yol sc'ab' eb' 'ajc'ojl yajch 'ayn̈ on̈. Caw wal man̈x 'ic stac' qui coln qui b'a 'a eb' on̈.

Lm 3:9

'Icha to smac in b'e yet' q'uen q'ue'en, yic tzin jeln in b'e 'aj tzin b'eyi.

Lm 5:5

'Ayn̈j 'och eb' 'ajc'ojl on̈ spechn b'eyc'oc on̈, caw tzon̈ c'unb' quec' on̈, palta matz nib'j eb' tzon̈ 'ilj xon jab'oc.

Dn 9:12

Tox 'ix 'el'ch tas aljnac cani, chajtlto 'oj jawc yailal 'a quib'n̈ on̈, yet' 'a yib'n̈ eb' qui yajlil on̈. Yel xo niwquil 'ix otj a'n 'och syailal Jerusalén 'a yib'n̈ junc xo chon̈ab'.

Os 2:6

Yuj cha, an xo 'oj in mac yol sb'e yet' te q'ui'ix, 'oj woych col-l 'a spatquil, man̈x 'oj 'ilchjoc sb'e 'aj 'oj 'atoc.