Lm 3:32 - Chuj San Sebastian Bible

³² Wach'xam tzya'ch wal qui yailalec, palta tz'o'ch pax sc'ojl 'ayn̈ec, yujto caw wal niwn schamc'ojlal.

Chuj San Mateo Bible

³² Vach'chom syac'och co yaelal, palta tz'oc'pax sc'ool d'ayon̈, yujto te nivan svach'c'olal.

Lm 3:32 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 13:23

Palta ax Jehová caw 'ix 'o'ch sc'ojl yiln 'och eb', yujn̈ej to 'ay strato yet' Abraham, Isaac, yet' Jacob, ma'ix yal sc'ojl xlajw 'ejm eb'. Ma'ix yal sc'ojl to tzsatl eb' 'a yojltac, 'ayc'n̈ej cab' eb' masnto ticnec.

Salmos 103:11

Yel xo wal niwn schamc'ojlal 'a eb' yiclum 'a 'a, 'icha wal schan̈il yajb't satchan̈ 'a yib'n̈ lum lum tic, 'ixta schamc'ojlal chi 'a eb'.

Salmos 30:5

Yujto jun wal rato tzcot yowal, palta ax swach'c'ojlal, 'ayc'n̈ej 'a smasnil tiempo. Wach'xam tzon̈ 'o'c 'a 'ac'wal, ax 'a yic tzsa'cb' pax 'eli, tzjapx qui tzaljc'ojlalec jun 'ejm xo.

Salmos 78:38

Palta a Dios, caw tz'o'ch sc'ojl 'a eb', tzyac' lajwc smul eb', matz satx 'el eb' yu'uj. Til wal 'ejm tzyij 'ec' yowl sc'ojl 'a yib'n̈ eb', matz yac' 'el'choc yowl sc'ojl 'a eb'.

Ex 2:23

Niwn xo tiempo x'eq'ui, 'ix cham win sreyl Egipto cha. Ax eb' israel an̈j 'ijnoc yab'n eb' sya'il, mosoaln̈ej yajch eb', man̈ yico'oc sb'a eb', caw tz'el yaw eb'. 'Ix yiln Dios scusc'ojlal eb' yet' syailal eb',

Ex 3:7

'Ix yaln Jehová 'ixtic: —Wal yel caw wal 'oltac tz'aj eb' in chon̈b' yab'n syal 'a Egipto, tzwab' yoc' eb' yuj tas tz'aj yixtx yuj eb' 'aych yilmalc eb'. Wojtac to caw wal 'oltac tz'aj eb' in chon̈ab'.

Is 27:8

A Dios 'ix ya'ch yailal 'a yib'n̈ schon̈ab', atn 'a yic yijx 'at eb' 'icha presoal. 'Icha wal tz'aj yutz'x 'at junc tas yuj 'ic' tzcot 'a 'aj tzq'uel c'u, 'ixta wal 'ajnc yijx 'at eb'.

Is 54:7

Ach wactjcan jun tiempoal, palta yuj in chamc'ojlal 'ayach, tzach in chan pax jun 'ejm xo.

Jeremías 31:20

An Jehová in, an tzwala to a eb' 'aj Efraín tic, 'icha to wunnal yaj eb', caw xajn eb' wu'uj, yel xo chamc'ojlb'il eb' wu'uj. Wach'xam tzwac' cuenta eb', palta matz wactj in nani, caw ya tzwab' yuj eb', yujto caw niwn tz'o'ch in c'ojl 'a eb'.

Lm 3:22

Yujn̈ej schamc'ojlal Jehová, yuj cha, matz on̈ satc 'eli, yujto tz'o'chn̈ej sc'ojl 'ayn̈ec.

Os 11:8

¿Tas wal 'oj wutc ex wactn can ex 'aj Efraín, atn ex yin̈tl can Israel? ¿Tom 'oj ex in satl 'icha wutjnac chon̈b' Admá, mto 'icha wutjnac chon̈b' Seboím? Caw ya tzwab' eyu'uj, caw tzcusch pax in c'ojl ex wiln 'ochi.

Nahúm 1:12

Yuj cha, tzyal Jehová 'ixtic: Wach'xam caw niwn sb'isl eb' 'aj Asiria, wach'xam caw 'ay yip eb', palta 'oj in satl eb'. Ax xo ex 'aj Judá, an xwa'ch yailal 'a eyib'an̈, palta man̈x 'oj in b'o 'ixta'.

Lc 15:20

Yuj cha, 'ix paxt win 'a 'aj c'ochnc cha. Ax yic najt to wal sjawi, 'ix yiln sb'a smam cha, caw x'o'ch sc'ojl 'a 'a. 'Ix 'at schanoc. Caw carela x'ati. Xlajw sc'ochi, 'ix sla'n coti, stz'ub'n 'elt sti jun yunnal chi yuj tzaljc'ojlal.

Jueces 10:16

'Ix laj sma'nc poj eb' sdiosal eb' chuc chon̈b'al cha, 'ix yaln sb'a eb' 'a Jehová. Yuj cha, ma'ix techj yu'uj, 'ix cus yiln 'och syailal eb'.