Lm 3:29 - Chuj San Sebastian Bible

²⁹ Yowlal tzquijec 'ejm qui b'a 'a 'a, lemb'il tz'o'ch to sc'ojl 'ayn̈ec.

Chuj San Mateo Bible

²⁹ Yovalil tzon̈ och ejmelal, tzon̈ em n̈ojan d'a sat luum, talaj tz'oc' sc'ol Jehová d'ayon̈.

Lm 3:29 ပူးပေါင်းရင်းမြစ်များ

2 Cr 33:12

Palta ax yic xyab'n wal syal cha, 'ix leslwi 'a Jehová sDiosal, xyi'n 'ejm sb'a si'mb'il 'a yojltac sDiosal yet' eb' smam yicham.

Job 16:15

Caw wal tzin cus si'mb'il, xwa'n 'och jun tzo'n̈ in n̈achtac pichl yuj cusc'ojlal, ax smasnil tas 'ay 'ayin, c'uxn 'ix lajw 'ejmi.

Job 40:4

¿Tas wal 'oj wutc in ta'wi, toc 'ay jac xon wel'chi? Yel xo wach' to sictac tzin cani.

Jeremías 31:17

An Jehová in, an tzwala to tztac' a'n 'och yipc a c'ojl yuj tas 'oj ujc yic b'aq'uin̈. A eb' one', 'oj meltzj cot pax eb' 'a schon̈b' tic.

Ez 16:63

'Oj wac' niwnc'ojlal 'a yuj tas sb'o cha, palta 'oj sna coti, man̈x 'a wal b'a'n̈ 'oj sb'an̈ sb'a, to an tzwala, xchi Dios, xa chi 'a yib'n̈ Jerusalén, xchi 'ayin.

Jl 2:14

Meltzjan̈c 'a 'a, toq'ue matz ya'ch yailal 'a quib'n̈ec, ax tz'aji, tzya'n cot yaxilal 'a quib'n̈ec, atn qui trigo, yet' yal qui uva. Yuj cha, 'ay tas tztac' ca'nec ofrendail 'a 'a.

Jonás 3:9

Toq'ue tzat tztac' sjeln Dios snab'en 'a q'uib'n̈ec, yic tz'och wan yowl sc'ojol, toto 'ixta', matz on̈ chamec, xchi win rey 'a jun ley cha.

Sofonías 2:3

'A'c 'och e b'a 'a yol sc'ab' Jehová e masnil, ax 'emmquilal tzeyutj e b'a eyiclni tojlal 'a yolyib'n̈q'uinl tic. B'oc stojlal, yet' pax 'emmquilal, sec toq'ue 'oj e colchj 'a yic 'oj jawc jun c'u yic 'oj ya'nc Jehová yowl sc'ojol.

Lc 18:13

Ax win tecm 'el tumn cha, najttac xcan lin̈n winac. Caw 'ix xiw winac. Toxn ma'ix q'ue q'ueln xon win jac 'a satcha'an̈. Caw man̈x oc yaj yilx win yuj scusc'ojlal. Xyaln win 'ixtic: Ach in Diosal, comnoc tz'o'ch wal a c'ojl 'ayin, to caw yel 'ajmul in si'mb'il, xchi win 'a Dios.

Ro 3:19

Cojquec, jantcn̈ej tas tz'ib'b'il can 'a ley, a tzaln 'a eb' 'aych 'a yol sc'ab', sec wach' may junc mach 'oj stac' scoln sb'a. Yuj cha, smasnil 'anma 'a yolyib'n̈q'uinl tic, 'oj b'eyc'ojlaxc eb' yuj Dios.