Lc 6:35 - Chuj San Sebastian Bible

³⁵ Palta ax xo tic, chamc'ojlejc eb' 'ajc'ojl yajch 'ayex. Wach'n̈j cab' tzeyutj e b'a. A yic tzeya'n junc tas majnil, man̈ e na', toto 'oj e chaxi. Toto 'ixta tzeyutj e b'a, caw niwn spac 'oj e cha'. Ax scheclj 'eli, to yunnal ex xo Dios, atn jun yel xo niwn yel'chi. 'In tzch'ox swach'c'ojlal pax 'a eb' maysch'olnil.

Chuj San Mateo Bible

³⁵ Palta a ex tic, xajanejec eb' eyajc'ool, vach' tzeyutej e c'ool. Tato ay junoc tas tzeyac' majanil, man̈ e na to ol tupjoc d'ayex. Tato icha chi' tzeyutej e b'a, nivan spac ol e cha'a. Ol checlajeloc to yuninal ex Dios nivan yelc'ochi, yujto an̈eja' icha chi' Dios chi', vach' syutej sb'a d'a eb' max yac' yuj diosal yed' pax d'a eb' chuc sc'ulej d'ay.

Lc 6:35 ပူးပေါင်းရင်းမြစ်များ

Salmos 112:5

A eb' 'anma wach' snab'en, yet' schamc'ojlal eb' tzya'n eb' junc tas majnil, ax smasnil tas tzb'o eb', wach'n̈j tz'aj 'el'chi.

Salmos 145:9

Caw wal wach'ch 'a yib'n̈ smasnil, caw 'ay a chamc'ojlal 'a yib'n̈ tas b'ob'il o'oj.

Salmos 37:26

A eb' cha, smasnil tiempo tz'o'chn̈ej sc'ojl eb' 'a yit 'anma'il, tzyac' eb' majnil tas 'ay 'a 'a; ax yunnal eb', 'icha to yaxilal yaj eb' 'a scal eb' yit 'anma'il.

Salmos 58:11

'Ixta to b'i'an ax yalx 'ixtic: Caw wal wach' yic eb' te'n xyutj sb'a sb'on tojlal. Caw yel 'ay jun Dios tzb'eyc'ojlan yolyib'n̈q'uinl tic, 'oj schioc.

Pr 19:17

A mach 'ela 'a eb' meb'a', 'icha to a 'a Jehová wan ya'n junc chi majnil, ax Jehová, a 'oj 'a'noc spac jun swach' nab'enal cha.

Pr 22:9

A mach 'ela 'a yit 'anma'il, 'oj scha wach'il, yujto tzpojc' tas tzc'ux 'a scal eb' meb'a'.

Mt 5:9

A eb' 'a'm tup owal, caw wach' yic eb', yujto 'oj yal Dios yunnalc eb'.

Mr 5:7

Yuj cha, xyaln Jesús 'ixtic: —Ach demonio 'eln̈ 'a winac, xchi. Xlajw cha, caw xq'ue yaw win yaln 'ixtic: —¿Tas aln ec 'ayn ach Jesús? Ach tic, Yunnal ach Dios niwn yel'chi. Tzin tew 'aych 'a sat Dios, man̈ in extoc, xchi winac.

Lc 1:32

A jun cha, caw niwn 'oj 'aj 'el'chi. 'Oj alxc yu'uj, chajtlto Yunnal jun yel xo niwn yel'chi, atn Dios. Ax Cajlil, atn Dios cha, a 'oj 'a'nc 'och e reyloc. 'Oj 'ochcn sjelc win rey David, atn jun smam yicham.

Lc 6:36

'O'ch cab' e c'ojl 'a eb' eyit 'anma'il, 'icha tzyutj qui Mam yo'ch sc'ojl 'ayex.

Jn 13:35

Toto tzlaj e chamc'ojloc e b'a junjn ex, 'oj yojcoc 'el eb' 'anma smasnil, to yel in cuywum ex, xchi Jesús 'a eb'.

Jn 15:8

Toto niwn 'oj e satni, 'oj checljoc 'el eyu'uj, to niwn yel'ch in Mam. 'Ixta 'oj eyutc e ch'oxn 'eli, chajtlto yel in cuywum ex.

A Tas Sc'ulejnac Eb' Schecab' Jesús Hechos 14:17

Palta 'ix colwjn̈ej yet' eb', sch'oxn sb'a 'a eb'. Yuj cha, an̈ja ya'n cot n̈ab' 'a quib'n̈ec. Tzya'n sat smasnil tas tzcawjec. A tz'a'n jantcn̈ej tas tzqui c'uxec. Tzya'n pax qui tzaljc'ojlalec, xchi eb'.

2 Co 8:9

Yujto cojquec, a Cajlil Jesucristo, caw niwn swach'c'ojlal. Til wal sricoal 'a satcha'an̈, palta wul ya'jnac 'och sb'a meb'a'il, yuj schamc'ojlal 'ayn̈ec, 'ixta yutjnac sb'a, sec wach' yuj smeb'a'il cha, ax cochc ricoal 'a sat Dios.

2 Ti 3:2

Yujto 'ay eb' 'anma', mun 'oj laj schamc'ojloc sb'a. An̈j 'a q'uen tumn 'oj laj ya'ch eb' snab'en. 'Oj sb'an̈ sb'a eb', 'oj yi' chan̈ sb'a eb'. 'Oj comn b'uchwjc eb' 'a Dios. Ma'oj syiclc eb' tas tzyal smam snun. Chab'c'ojlal 'oj scha eb' junc tas. Caw maysch'olnil 'oj yutc eb' sb'eyb'al.