Lc 4:16 - Chuj San Sebastian Bible

¹⁶ Xlajw cha, 'ix 'atx Jesús, 'ix c'ochx 'a Nazaret 'aj q'uib'nac. Ax 'a yic sc'ul 'iljelal, x'och 'a yol capiya, yujto 'ixta xon sley. 'Ix q'ue lin̈an yic tzyawtn 'elt Ch'an̈ U'un̈.

Chuj San Mateo Bible

¹⁶ Ichato chi' ix c'och d'a chon̈ab' Nazaret b'aj q'uib'nac. Axo d'a sc'ual syic' yip eb' israel, ix och d'a yol spatil culto ichataxon smodo. Ix q'ue lin̈an yic syavtan Slolonel Dios Tz'ib'ab'ilcani.

Lc 4:16 ပူးပေါင်းရင်းမြစ်များ

Mt 2:23

Yic xc'och eb' ta', 'ix can cajn eb' 'a chon̈b' Nazaret. 'Ixta x'aji, sec tz'el'ch tas yaljnac can eb' schecb' Dios 'a pecti'. Tz'ib'b'il can yuj eb', chajtlto 'oj yal eb' 'anma', to 'aj Nazaret Jesús.

Lc 2:39

Yic 'ix lajw syiclni eb' 'icha tzyal sley Cajlil yuj eb' 'unn tzat 'alji, 'ix paxx eb' 'a schon̈b' 'a Nazaret, 'a yol yic Galilea.

Lc 2:42

Ax Jesús x'el 'a slajchwil ab'il, ajun xo x'at yet' eb', yujto x'at yil eb' q'uin̈ 'icha xon sley.

Lc 2:51

Xlajw cha, xpax yet' eb' 'a Nazaret. Yiclumn̈ej xyutj sb'a 'a eb', 'icha xon sley. Ax snun cha, smol jun tzo'n̈ chi 'a snab'en, caw tznab'tan̈ej.

Lc 4:15

'Ix 'ec' cuywjoc 'a junjn scapiya eb', ax eb' 'anma', c'uxn slaj yal eb' wach'il.

Lc 4:17

Yuj cha, xya'n eb' jun Ch'an̈ Un̈ 'a 'a, atn jun tz'ib'b'il can yuj jun schecb' Dios Isaías sb'i. 'Ix sjacni, sayn 'ajtil tzyal 'ixtic:

Lc 4:21

'Ix syamn 'och yaln 'el 'a eb' 'ixtic: —A 'a jun c'u tic wan eyilni to wan yel'ch tas tzyal Ch'an̈ Un̈ tic, xchi 'a eb'.

Lc 4:23

Yuj cha, xyaln 'ixtc 'a eb': —Tecn 'oj eyal 'ixtc 'ayin: Ach 'a'm remel, mun tzac' b'oxc a b'a quilnoc, til wal ab' tas xa b'o 'a Capernaum, b'o pax 'a qui chon̈b'ec tic quilnoc, 'oj e chic 'ayin.

Jn 18:20

Ax Jesús, 'ix yaln 'ixtc 'a winac: —A jun tzo'n̈ cuynb'il tic, 'in 'ix wal 'elt 'a scal eb' 'anma smasnil. Smasnil tiempo tzwal 'elt 'a yol jun tzo'n̈ e capiya, yet' 'a yamq'uil yatut Dios, 'a 'ajtil tzyam sb'a eb' quit israelal smasnil. May junc tas 'ix wal 'a c'ultaquil.

A Tas Sc'ulejnac Eb' Schecab' Jesús Hechos 17:2

Ax Pablo, x'och 'a yol jun n̈a chi yet' eb', 'icha xon sley yic tz'och 'a junjn capiya. 'Oxe sc'ul 'iljelal xit' yalcn 'el yab'x eb' israel cha.