Lc 24:32 - Chuj San Sebastian Bible

³² 'Ix yaln eb' 'ixtic: —Yel toni, caw xjaw qui c'ojl yu'uj, yic xyaln 'ayn̈ 'a yol b'e, yic xya'n nachjc 'el cu'uj, tastc tzyal 'a Ch'an̈ U'un̈, xchi eb'.

Chuj San Mateo Bible

³² Ix yalan eb': —Yel toni, ix och pitz'an d'a co c'ool yuuj a ix yalan d'ayon̈ d'a yol b'e, ayic ix yac'anpax nachajel cuuj tastac tz'ib'ab'ilcan d'a Slolonel Dios, xchi eb'.

Lc 24:32 ပူးပေါင်းရင်းမြစ်များ

Salmos 104:34

Comnoc wach' jun in nab'en tic tzela, yujto cojn 'ayach, ata tz'ilchj in tzaljc'ojlal.

Salmos 39:3

'Icha wal to 'ix n̈ilchj chan̈ c'ac' 'a sn̈i in c'ojl xwab'i. A yic tzin nab'tan̈n cha, 'ix wach' niwtj jun c'ac' chi xwab'i. 'Ixta to b'i'an, caw 'ip in 'awj cha'an̈.

Pr 27:17

'Icha sn̈icxq'ue ye junc q'uen yamc'ab' 'a junc yit q'uenal, 'ixta pax junc mach, tzjelnb'i yuj spaxti junc xo yit 'anmal cha.

Pr 27:9

A tas su'q'ui sjab' yet' perjuma, a chi tz'a'n qui tzaljc'ojlalec, 'ixta tzon̈ 'ajc qui tzalj yuj nab'en tzyac' junc qui wach'c'ojlec, yujto 'ay schamc'ojlal 'ayn̈ec.

Is 50:4

A jun schecb' Dios tzaln 'ixtic: A Jehová Wajlil a x'a'n jelnb'oc in paxtini, yic wach' tztac' wa'n sniwnal sc'ojl eb' c'unb'nac. 'A junjn sq'uin̈b'ial tzin nib'n wab'i' tas tzyac' in cuyu'.

Jeremías 15:16

A yic tzaln a paxti 'ayin, caw xin chajn̈ej wab'i', an̈j 'aych in tzaljc'ojlaloc, yujto ec in. Mamin Jehová, ach in Diosal, tztac' 'oj smasnil.

Jeremías 20:9

Toto tzwala, man̈x 'oj in b'inoc sb'i Dios, man̈x 'oj wal-l spaxti pax jun 'ejmoc xo, toto xin chi, ax am tz'aji, 'icha xo c'ac' 'ixta tz'aj a paxti 'ayin. Caw tz'a in b'acl yuj tzwab'i. Tzin nib'j tzin 'och wan waln 'el a paxti cha, palta matz tac' wu'uj.

Jeremías 23:29

An Jehová in, an tzwala to a in paxti', lajn yet' c'ac', lajn pax yet' q'uen almáguina to tzpoj q'uen niwc q'uen yu'uj.

Mr 4:34

Cojxn jun tzo'n̈ 'ab'x chi 'ix sc'anlb'ej, yic xyaln 'el 'a eb' 'anma'. Ax 'a eb' scuywum, c'uxn 'ix yac' nachjc 'el jun tzo'n̈ chi yuj eb'.

Lc 24:45

Xlajw cha, xya'n jawc 'a sc'ojl eb', sec tznachj 'el yuj eb' tas tz'ib'b'il can 'a Ch'an̈ U'un̈.

Jn 6:63

A jun Espíritu yic Dios, a tz'a'n qui q'uinlec. Ax qui niwnalec tic, may jac tztac' yu'uj. A jun tzo'n̈ paxti xwal 'ayx tic, caw yel yic Yespíritu Dios. Yuj cha, a tztac' ya'n e q'uinl 'a jun 'ejmn̈ej.

A Tas Sc'ulejnac Eb' Schecab' Jesús Hechos 28:23

Xlajw cha, smol aln eb', 'aja c'u tzyam sb'a eb' jun 'ejm xo. Ax 'a yic jun c'u cha, til wal eb' syam sb'a 'a 'aj 'ayc' Pablo cha. Ax 'a sq'uin̈b'ial, 'ix syamn 'och Pablo yaln 'a eb', masnto x'em c'u. 'Ix yaln 'a eb' tas wal tz'aj eb' 'anma yoch 'a yol sc'ab' Dios. 'Ix yaln pax 'a eb', tastc tz'ib'b'il can 'a ley yic Moisés, yet' tastc tz'ib'b'il can yuj eb' schecb' Dios pecti'. Caw xyac' wal snab'enoc eb', sec toq'ue tzya'ch eb' sc'ojl 'a Jesús.

A Ch'an̈ Carta D'a Eb' Hebreo 4:12

A spaxti Dios pitzn yaji, caw 'ay spoder. 'Icha junc espada caw jay ye 'a schab'il, 'ixta yaj spaxti tic. Yuj cha, 'icha to tztecx 'och 'a qui pixnec, yet' 'a qui nab'enec, 'icha junc espada tztecx 'och 'ayn̈ec. Yujto a tzch'oxn 'eli tas tzqui na junjn on̈ec, yet' tas tzlaj qui nib'jec.