Lc 23:49 - Chuj San Sebastian Bible

⁴⁹ Ax jantcn̈ej eb' swach'c'ojl Jesús, yet' jun tzo'n̈ eb' 'ix 'ix ajun yet'oc, yic scot 'a Galilea, najttac xcan eb' 'ix, snajt 'iln 'at eb'.

Chuj San Mateo Bible

⁴⁹ Axo jantacn̈ej eb' ojtannac Jesús yed' juntzan̈ eb' ix ix cotnac yed' d'a Galilea, najatto ix laj cotcan d'an̈jab' eb' ix.

Lc 23:49 ပူးပေါင်းရင်းမြစ်များ

Job 19:13

A Dios 'ix 'i'n 'el eb' wu'tac 'a in tz'ey yet' smasnil eb' in wach'c'ojol, 'icha xoj wal comn 'anma tzin yutj can eb'.

Salmos 142:4

'Ilt nab'n 'a in wach' c'ab', toc 'ay mach 'ayc' wet'oc, yujto may mach 'ojtnac in. May xon mach tzin colni, toc 'ay mach tz'och 'il wu'uj.

Salmos 38:11

Ax eb' in wach'c'ojol yet' eb' jun waj yet'oc, c'uxn xlaj 'el eb' 'a in tz'ey, yujto caw xniwtj in yailal.

Salmos 88:18

'Ix ej can 'el snab'en eb' in wach'c'ojl 'ayin, yet' eb' witb'eym in b'a yet'oc, ax ticnec, cojxn̈ej q'uic'q'uinl jun waj yet'oc.

Mt 27:61

Ax 'ix María Magdalena, yet' junx 'ix María, 'ix c'och eb' ta', 'ix 'em wocn eb' 'a sti q'ue'en.

Mr 15:47

Ax 'ix María Magdalena, yet' 'ix María snun José, 'ix yil eb' 'aj 'ix 'ajx can 'ochi.

Lc 23:27

Til wal 'anma x'och tza'n yu'uj, an̈jtona', til wal eb' 'ix 'ix. Xlaj 'oc' eb' 'ix yu'uj. Caw ji'jmtac yoc' eb'.

Lc 23:55

Ax eb' 'ix 'ix cotnc yet' Jesús 'a Galilea, x'at yilnoc eb' q'uen q'uen cha. Xyiln 'och eb' chajtl x'aj yajx 'och sniwnal chi 'a yojl q'ue'en.

Lc 8:2

'Ay jun tzo'n̈ eb' 'ix 'ix 'aj 'elnc ewin demonio yuj Jesús, yet' jun tzo'n̈ xo eb' 'ix, b'oxnac can sc'ojl yu'uj, ajun pax eb' yet'oc. A 'a scal eb' 'ix cha, ajun María, tzcuch pax Magdalena. Atn 'a jun 'ix chi 'aj 'elnc ucwn̈ ewin demonio yuj Jesús.