Lc 23:44 - Chuj San Sebastian Bible

⁴⁴ A yic wan yoch chimc'ual, 'ix 'och q'uic'q'uinl 'a smasnil yolyib'n̈q'uinal, masnto 'a las tres.

Chuj San Mateo Bible

⁴⁴ Ayic toxo tz'och chimc'ualil, ix q'uic'b'i q'uinal d'a masanil yolyib'an̈q'uinal tic masanto d'a a las tres yic yemc'ualil.

Lc 23:44 ပူးပေါင်းရင်းမြစ်များ

Salmos 105:28

'Ix ya' cot Dios jun niwquil q'uic'q'uinl 'a yib'n̈ eb' 'anma smasnil, palta ma'ix schaj eb' 'aj Egipto chi yab' tas xyal cha.

Jl 2:31

'Oj 'och q'uic'q'uinl 'a c'u, ax 'uj caw chac 'oj 'aj 'icha chic'. A jun tzo'n̈ tic, 'oj ujoc 'a yic mantzac jaw sc'ul in jaw an Jehová in tic. A jun c'u cha, caw niwn yel'chi, caw 'ay smay.

Am 5:18

'Oltac wal eb' tznib'j tzjaw jun c'u yic yowl sc'ojl Jehová. ¿Eyojc am wal tas 'oj jawc 'a eyib'n̈ 'a jun c'u cha? A wal 'a jun c'u cha, q'uic'q'uinl xoj 'oj 'ajoc, man̈x 'a sacq'uinal.

Am 8:9

An Jehová in, an tzwal 'ixtc yuj jun c'u 'oj jawc cha: Caw wal chimc'ual, ax wa'n 'och q'uic'q'uinal, yic wach' yem yoc c'u, ax wa'n q'uic'b'oc 'el yolyib'n̈q'uinl tic.

Mt 27:45

Ax 'a chimc'ual, 'ix 'och q'uiq'uinl 'a smasnil yolyib'n̈q'uinal, masnto 'a las tres.

Mt 27:52

A eb' q'uen q'uen olb'il 'aj 'aych eb' chamnac, 'ay q'uen xlaj jacwi. Ax eb' creyente chamnc xo, niwn eb' xpitzw pax yet' sniwnal.

Mr 15:39

Ax win syajlil ewin soldado 'ayc' 'a yojltac Jesús, 'ix yab'n win yel yaw. 'Ix yiln win chajtl x'aj schami. Yuj cha, xyaln win 'ixtic: —A jun tic, wal yel Yunnal Dios, xchi winac.

Jn 19:14

A yic 'ix 'em wocn cha, wan yoch chimc'ual. Q'ui'noc xoj yoch q'uin̈ cha. 'Ix yaln pax 'elt win 'a scal eb' 'ixtic: —'Iltec, yaj win e reyl tic, xchi 'elt win 'a eb'.

A Tas Sc'ulejnac Eb' Schecab' Jesús Hechos 2:20

'Oj 'och q'uic'q'uinl 'a c'u, ax 'uj caw chac 'oj 'aj 'icha chic'. A jun tzo'n̈ tic, 'oj ujoc 'a yic mantzac jaw sc'ul in jaw an Eyajl in tic. A jun c'u cha, caw niwn yel'chi, caw satjub'tac.