Lc 22:39 - Chuj San Sebastian Bible

³⁹ Xlajw cha, x'elt Jesús 'a yol n̈a. 'Ix 'at 'a tzaln Olivo 'icha xon sley. Ax eb' scuywum, x'och tza'n eb' yu'uj.

Chuj San Mateo Bible

³⁹ Ix lajvi chi', ix elta Jesús d'a yol jun pat b'aj ix va eb' chi', ix b'at d'a tzalan Olivo ichataxon smodo. Ix och pax tzac'an eb' sc'ayb'um yuuj.

Lc 22:39 ပူးပေါင်းရင်းမြစ်များ

Mt 21:1

Yic wan sc'och Jesús yet' eb' scuywum 'a sla'nil Jerusalén, 'ix jaw eb' 'a chon̈b' Betfagé 'a yich lum tzaln Olivo. Ax Jesús, 'ix checn 'at chawn̈ eb' scuywum.

Mt 26:30

Xlajw sb'itnan eb' jun b'it 'a Dios, x'elt eb', 'ix 'at eb' 'a tzaln Olivo.

Mr 11:11

Yic xjaw Jesús 'a yol chon̈b' Jerusalén, 'ix 'och 'a yamq'uil yatut Dios, 'ix 'ec' q'uel-loc, xyiln smasnil jun tzo'n̈ tas 'ayc' ta'. Palta wan s'at c'u, yuj cha, x'at 'a chon̈b' Betania yet' eb' scuywum slajchwan̈il.

Mr 11:19

Ax 'a sq'uic'b'alil, x'elx yet' eb' scuywum 'a jun chon̈b' cha.

Mr 13:3

Xlajw cha, x'at eb' 'a tzaln Olivo, 'a yojltac 'at yatut Dios. Ata x'em wocn Jesús, ax Pedro, Jacobo, Juan, yet' Andrés, sch'ocj eb' 'ayc' yet'oc. 'Ix sc'anb'n eb' 'ixtc 'a 'a:

Mr 14:26

Xlajw sb'itnan eb' jun b'it 'a Dios 'ix 'elt eb', 'ix 'at eb' 'a tzaln Olivo.

Lc 21:37

Junjn c'u xcuywj Jesús 'a yamq'uil yatut Dios, ax 'a junjn 'ac'wal, xc'ochc' wayc 'a tzaln Olivo.