Lc 22:34 - Chuj San Sebastian Bible

³⁴ —Pedro, tzwal 'ayach, yic mantzac 'oc' no 'ajtzo 'a jun 'ac'wl tic, 'ox 'ejm 'oj e'l 'a eb'an̈, chajtlto man̈ in ojcoc, xchi 'a 'a.

Chuj San Mateo Bible

³⁴ —Pedro, sval d'ayach, ayic manto oc' noc' caxlan̈ d'a jun ac'val tic, oxel ol iq'uel d'a ib'an̈ to man̈ in ojtacoc, xchi Jesús chi' d'a vin̈.

Lc 22:34 ပူးပေါင်းရင်းမြစ်များ

Mt 26:34

—Wal yel tzwal 'ayach, a 'a jun 'ac'wl tic, yic mantzac 'oc' no 'ajtzo', 'ox 'ejm 'oj e'l 'a eb'an̈, chajtlto man̈ in 'ojcoc, xchi Jesús 'a 'a.

Mt 26:74

Ax yic xlajw yaln eb' winc cha, 'ix sc'ann cot Pedro chi yowl sc'ojl Dios 'a yib'an̈, 'ix slocn sb'i Dios: —A jun winc cha, caw man̈ wojcoc, xchi 'a eb', at wal slajw yaln jun cha, 'ix 'oc' no 'ajtzo'.

Mr 14:30

—Wal yel tzwal 'ayach, a 'a jun 'ac'wl tic, yic mantzac 'oc' no 'ajtzo 'a scha'ejmal, 'ox 'ejm 'oj e'l 'a eb'an̈, chajtlto man̈ in ojcoc, xchi Jesús.

Lc 22:33

Yuj cha, xyaln Simón chi 'ixtc 'a 'a: —Mamin, caw b'ecn in c'ojl woch 'a preso et'oc, toxn̈ej 'oj in cham et'oc, xchi 'a 'a.

Lc 22:35

'Ix yaln Jesús 'a eb' scuywum 'ixtic: —Tze na coti, yic in checn ex 'at 'a jun 'el, may e pa, e cartel, yet' e xan̈b' eyijnac 'ati. ¿Tom 'ay tas ya'jnac palta 'ayx ta'? xchi 'a eb'. 'Ix ta'w eb' 'ixtc 'a 'a: —Ma'ay, caw may tas, xchi eb'.

Lc 22:61

Ax Cajlil, 'ix sutmj 'at q'ueln 'a Pedro cha. Yuj cha, 'ix snan cot tas 'ix yal Jesús 'a 'a, yic yaln 'ixtic: Yic mantzac 'oc' no 'ajtzo 'a jun 'ac'wl tic, 'ox 'ejm 'oj e'l 'a eb'an̈, chajtlto man̈ in ojcoc, xchi 'a 'a.

Jn 13:38

—'A... ¿tom yel lista aj a'n cham a b'a wu'uj? Wal yel tzwal 'ayach, a yic mantzac 'oc' no 'ajtzo 'a jun 'ac'wl tic, 'ox 'ejm 'oj e'l 'a eb'an̈, chajtlto man̈ in ojcoc, xchi Jesús 'a 'a.

Jn 18:27

Palta ax Pedro cha, 'ix yij pax 'el 'a yib'n̈ jun 'ejm xo. Xlajwn̈ej yaln jun cha, 'ix 'oc' jun no 'ajtzo'.