Lc 21:21 - Chuj San Sebastian Bible

²¹ A eb' 'ayc' 'a Judea, 'at cab' eb' 'elc 'a tzalctac. Ax eb' 'ayc' 'a Jerusalén tic, 'at cab' eb' 'elc jun xo. Ax eb' 'aycn 'at 'a b'esan, man̈x cab' 'oxtc eb' 'a yol chon̈b' tic.

Chuj San Mateo Bible

²¹ Axo eb' ayec' d'a yol yic Judea tic, b'atocab'can eb' elelal d'a tzalquixtac. A eb' ayec' d'a chon̈ab' Jerusalén tic, b'atocab' pax eb' elelal. Axo eb' ayb'at d'a smunlajel, man̈xoocab' ochta eb' d'a yol chon̈ab' tic,

Lc 21:21 ပူးပေါင်းရင်းမြစ်များ

Gn 19:17

Ax yic tox 'ix 'el eb' 'a sti 'el chon̈b' cha, 'ix yaln jun ángel 'a eb' 'ixtic: —¡Yelc'ojlal tzex 'ati, colc e b'a! Man̈ ex cot q'ueln 'a e patic, man̈ ex 'och wan xon jac 'a jun 'a'lic tic, 'ixquec 'a jolmctac witz, toto matz yal e c'ojl tzex satli, xchi 'a eb'.

Gn 19:26

Ax 'ix yistzil win Lot cha, najt tza'n xoj xcot 'ix, 'ix 'atcn q'ueln 'ix 'a spatic. Yuj cha, 'ix cann̈j 'ix 'a yet'ul, 'ix 'ochcn 'ix q'uenal, 'icha junc snun 'atz'am.

Pr 22:3

A mach 'ay snab'en, tzyil tas 'ay smay, yajn̈ej tzcoln sb'a 'a 'a; ax junc may snab'en, ton̈j tzwach' 'at 'a yojltac, masnto tz'ejm yuj yailal.

Jeremías 35:11

Palta ax yic xjaw Nabucodonosor sreyl Babilonia wul yac' owl 'a jun qui nacion̈ tic, on̈ cot 'eloc, 'ix qui nani to wach' a 'a Jerusalén tic on̈ jawi, yujto on̈ cot 'elc 'a eb' soldado 'aj Babilonia yet' 'a eb' soldado 'aj Siria. Yuj wal cha, a 'a Jerusalén tic cajn on̈ 'eq'ui, xchi eb'.

Jeremías 37:12

a yic cha, in 'elt an Jeremías in tic 'a yol chon̈b' cha, in 'at 'a lum lum 'a yol yic Benjamín, yic tz'at in chanc in macl lum 'a eb' wican walni.

Jeremías 6:1

¡Ex yin̈tl can Benjamín, sayc 'aj tz'at e col e b'a, 'eln̈ec 'a yol chon̈b' Jerusalén! 'Utz'jec q'uen trompeta 'a chon̈b' Tecoa, 'a'c 'och tab' ch'oxnb'ilal 'a Bet-haquerem, yujto 'ay wal jun niwquil yailal tzcot 'a stojlal norte, til wal tas tzjuw 'el yu'uj.

Nm 16:26

'Ix yaln 'ixtc 'a smasnil eb' 'anma cha: —'Ijec 'el e b'a 'a stz'ey smantiado jun tzo'n̈ 'anma maysch'olnil snab'en tic, man̈ eyam junc tas 'ay 'a eb', ax to laj x'aji, locn ex tzex cham yuj smul eb', xchi.

Mt 2:1

A 'a chon̈b' Belén 'a yol yic Judea, ata 'aljnac Jesús. A 'a jun tiempoal cha, a win Herodes 'aych sreyloc Judea cha. A yic 'ix 'alj Jesús, 'ix cot jun tzo'n̈ eb' winc tzcuch mago 'a stojlal 'aj tzq'uel c'u, 'ix jaw eb' 'a Jerusalén.

Mt 24:16

a eb' 'ayc' 'a Judea, 'at cab' eb' 'elc 'a tzalctac.

Mr 13:15

Ax eb' 'ay q'ue 'a span̈nil yib'n̈ yatut, yic tz'em paxt eb', man̈x cab' 'och eb' yic' 'elt junc tas 'a yol yatut cha, yic tz'at eb' 'eloc.

Apoc 18:4

Xlajw cha, xwab'n yoch junx paxti 'a satcha'an̈, 'ix yaln 'emt 'ixtic: —Ax xo ex wico', 'eln̈ec 'a stz'ey jun tzalx 'ixl cha, sec man̈ ex locnoc 'a jantcn̈ej maysch'olnil tzb'o'o, sec ma'oj jawc yailal 'a eyib'n̈ yet'oc.