Lc 21:16 - Chuj San Sebastian Bible

¹⁶ Palta 'ay ex, a e mam e nun, eyu'tac, mto jun tzo'n̈ xo eb' e yican, mto eb' e wach'c'ojl 'oj sutmjc 'och 'ayex. 'Ayx 'oj ex smil cham eb'.

Chuj San Mateo Bible

¹⁶ Palta a ex tic, a e mam e nun, eb' eyuc'tac, eb' e c'ab' eyoc yed' eb' eyamigo, ol meltzaj och eb' ajc'olal d'ayex. Ay ex ol ex smilcham eb'.

Lc 21:16 ပူးပေါင်းရင်းမြစ်များ

Jeremías 12:6

A eb' o'tac, yet' eb' ecan, caw wal 'ajc'ojl xo yajch eb' 'ayach, c'ultacl tz'el yaw eb' yaln tas 'a a patquil. Wach'xam caw wach' tzyutj paxtinc sb'a eb' 'ayach, palta man̈ a'ch eb' yipc a c'ojol, xchi 'ayin.

Jeremías 9:4

Ach Jeremías, a smasnil eb' a wach'c'ojol, yet' eb' o'tac, caw tzyac' eb' 'es 'a apatic, yuj cha, man̈x a'ch eb' yipc a c'ojol.

Mt 10:21

A 'a jun tiempoal cha, 'ay eb' 'u'tacab'il 'oj ya'ch yu'tac 'a yol sc'ab' chamel. 'Ay pax eb' mamb'il 'ixta 'oj yutc sb'a 'a yunnal. An̈jtona', 'ay pax eb' 'unnab'il 'oj yac' owl yet' smam, ax ya'n 'och eb' smam chi 'a yol sc'ab' chamel.

Mr 13:12

A eb' 'u'tacab'il, 'ay eb' 'oj ya'ch yu'tac 'a yol sc'ab' chamel, 'ixta 'oj yutc pax sb'a jun tzo'n̈ eb' mamb'il 'a yunnal. Ax eb' 'unnab'il, 'ay eb' 'oj yac' owl yet' smam, ax smiln cham eb' smam cha.

Lc 12:53

'Ay eb' mamb'il, 'oj 'och 'ajc'ojlal 'a yunnal. 'Ay pax eb' 'unnab'il 'oj 'och 'ajc'ojlal 'a smam. An̈jtona', 'ay eb' nunb'il 'oj 'och 'ajc'ojlal 'a yune'. 'Ixta pax eb' 'uneab'il, 'oj 'och eb' 'ajc'ojlal 'a snun cha. 'Ay pax eb' 'ix tzya'ch yalib', 'oj 'och eb' 'ix 'ajc'ojlal 'a yalb' cha. An̈jtona eb' 'ix 'alb'al cha, 'oj 'och eb' 'ix 'ajc'ojlal 'a yalb' cha, xchi Jesús 'a eb'.

Lc 21:15

Yujto an 'oj ex wac' paxtinoc, ax wa'n jun jelnal 'ayex. Yuj cha, may junc eb' tzchichn 'och 'ayx 'oj eya'n ganar. May junc eb' tza'wni sjelnal 'icha jun 'oj wac' 'ayex.

Lc 21:17

Ax eb' 'anma smasnil, 'oj chichnc 'och eb' 'ayex, yujto 'aych e nab'en 'ayin.

A Tas Sc'ulejnac Eb' Schecab' Jesús Hechos 12:2

'Ix ya'n win tzu'xc 'el sjolm Jacobo, yu'tac Juan.

A Tas Sc'ulejnac Eb' Schecab' Jesús Hechos 7:59

Wan xo sjuln cham eb', 'ix leslwi Esteban, 'ix yaln 'ixtic: —Ach Wajlil Jesús, chaj in pixan, xchi.

Apoc 12:11

A eb' cha, xyac' ganar eb' ya'n techjoc, yujto chamnc jun tzcuch Calnelu yuj eb', 'elnc can schiq'uil. 'Ix yac' ganar eb', yujto te'n xyutj eb' ya'n testigoal sb'a yu'uj. Ma'ix xiw eb' schami, caw xyaln̈j sc'ojl eb' ya'n cham sb'a yu'uj.

Apoc 2:13

[Wojtac, jantcn̈ej tas tze b'o'o.] Wojtac, to 'ayx 'ec' 'a jun chon̈b' 'aj tzyac' Satanás yajlil, palta an̈ja yiclum ex 'ayin. A Antipas, caw yel ya'jnac testigoal sb'a wu'uj. 'Ix milx cham 'a e cal, 'a 'aj 'ayc' Satanás cha, palta an̈ja ma'ix eyactj can eya'n 'och e c'ojl 'ayin.

Apoc 6:9

A jun tzcuch Calnelu cha, a yic 'ix sn̈i'chtan jun yol seyo, 'ix wiln jun yet'l 'aj tz'a xajmb'al. A 'a yalan̈, ata 'ay spixn eb' milb'il cham yuj spaxti Dios, yujto ya'jnac testigoal sb'a eb' yu'uj.