Lc 21:10 - Chuj San Sebastian Bible

¹⁰ 'Oj yac' owl sb'a junc nacion̈ yet' junc xo nacion̈, ax junc chon̈ab', 'oj yac' owl sb'a yet' junc xo yit chon̈b'al.

Chuj San Mateo Bible

¹⁰ Ix yalanpaxi: —Ol och oval d'a scal juntzan̈ nivac nación.

Lc 21:10 ပူးပေါင်းရင်းမြစ်များ

Is 19:2

Yuj cha, xyaln Jehová 'ixtic: 'Oj wac' spoj sb'a eb' 'aj Egipto cha, ax laj ya'n junjn eb' owal: A eb' swach'c'ojl sb'a, 'oj yac' eb' owal; ax eb' chon̈ab', 'oj yac' eb' owl yet' yit chon̈b'al, ax ya'n eb' yajl owl yet' eb' yit yajlil.

Zacarías 14:13

A 'a yic jun c'ul cha, caw wal 'oj yac' Jehová niwtjoc xiwc'ojlal 'a scal eb' 'anma', junjn mach 'oj syamlac cot sb'a yet' mach ajun yet'oc, ax laj smiln cham sb'a eb'.

Mr 13:8

Yujto 'ay jun tzo'n̈ niwc chon̈b' 'oj yac' owl yet' yit niwc chon̈b'al, ax ya'n owl sb'a eb' yajl yet' eb' yit yajlil. Til wal 'aj 'oj 'ec' quixcab'. 'Oj jawc niwc wejl 'a yib'n̈ eb' 'anma'. A jun tzo'n̈ yailal cha, ton̈j tzb'ab'lj cani, 'ayt wal jun tzo'n̈ xo yel xo tu 'oj jawoc.

Lc 21:11

Til wal 'aj 'oj 'ec' jun tzo'n̈ quixcab' caw ow. Til wal 'aj 'oj yamchjc eb' 'anma yuj yab'il, ax sjaw pax niwn wejl 'a yib'n̈ eb'. 'Ay wal jun tzo'n̈ senya caw niwn yel'ch 'oj sch'ox sb'a 'a satcha'an̈, caw wal 'oj xiw chan̈ eb' 'anma yu'uj.

Lc 21:9

'Oj eyab' yab'xil jun tzo'n̈ niwc owal, ax ya'n eb' comn 'anma owl yet' eb' yajal. Palta man̈ ex xiwoc, yujto yowlal 'ixta 'oj 'ajoc. Palta man̈oc jun slajwb' tiempoal tic.

A Tas Sc'ulejnac Eb' Schecab' Jesús Hechos 11:28

'Ay jun yitb'eym eb' Agabo sb'i. 'ix q'ue wan lin̈n 'a scal eb' creyente. 'Ix 'ajx yal yuj Yespíritu Dios 'ixtic: —'Ay jun niwn wejl 'oj jawc 'a yib'n̈ smasnil yolyib'n̈q'uinl tic, xchi. Ax yic 'aych win Claudio yajlil, 'ix jaw jun niwn wejl cha.

A Ch'an̈ Carta D'a Eb' Hebreo 12:27

A jun tzo'n̈ paxti tzyal yuj jun 'ejm xo, tzyal 'el'chi, a jun tzo'n̈ tas b'ob'il yu'uj, 'oj 'ib'xoc, ax slajw 'el yu'uj. Ax jun tzo'n̈ xo matz tac' yib'xi, 'oj can 'a jun 'ejmn̈ej.