Lc 20:36 - Chuj San Sebastian Bible

³⁶ Yujto a 'a jun tiempoal cha, man̈x b'a'n̈ 'oj cham eb'. Lajn 'oj 'aj eb' yet' eb' ángel. Caw yunnal xoj Dios eb', yujto 'oj 'ajxc pitzwc pax eb'.

Chuj San Mateo Bible

³⁶ Yujto a d'a jun tiempoal chi', man̈xo ol chamlaj eb'. Lajan ol aj eb' yed' eb' ángel. Yuninal ton Dios ol aj eb', yujto ol pitzvocxi eb'.

Lc 20:36 ပူးပေါင်းရင်းမြစ်များ

Is 25:8

'Oj satl Jehová chaml 'a jun 'ejmn̈ej, ax sucn 'el yal sat smasnil eb' 'anma'. 'Oj satl pax sq'uixwel eb' schon̈b' 'a smasnil yolyib'n̈q'uinl tic, yujto 'ixta yaj yaln cani.

Os 13:14

¿Tom 'oj ex in colcn 'el 'a yol sc'ab' yet'l chamel? Ma'ay. An 'oj ex wac' xiw 'a chaml cha, ax e satx 'el yu'uj. Man̈x 'oj 'o'ch pax in c'ojl 'ayx ex 'aj Efraín.

Zacarías 3:7

A Jehová tztac' yuj smasnil, a 'ix aln 'ixtic: B'eylb'ejn̈ej in b'eyb'al, tza yiclni smasnil tas xwac' a b'o'. Toto 'oj a b'o smasnil jun tzo'n̈ cha, to 'ixta', 'oj ach wa'ch yilmalc watut, ax a tan̈wni yet' yamq'uil. An 'oj wac' opiso och a wojltac, 'icha eb' in checb' 'aych 'a wojltac tic.

Mt 22:30

Yujto a yic 'oj pitzwc pax eb' chamnac, man̈x 'oj laj yi'lac sb'a eb'. Man̈x 'oj 'ajxoc junc 'ix yistloc junc winc ta'. Yujto lajn 'oj 'aj eb' yet' eb' ángel 'ay 'a satcha'an̈.

Mr 12:25

Yujto a yic 'oj pitzwc pax eb' chamnac, man̈x 'oj laj yi'lac sb'a eb', yujto lajn 'oj 'aj eb' yet' eb' ángel 'ay 'a satcha'an̈.

Ro 8:16

Cojc junjn on̈ 'a qui pixan, to yel yunnaln̈ec xo Dios. An̈jtona', tzyaln pax Yespíritu 'ayn̈ec.

1 Co 15:26

'Ay pax junx 'icha 'ajc'ojl yajch 'ayn̈ec 'a yolyib'n̈q'uinl tic, atn chamel. A jun cha, 'oj 'ajxc can lajwc yuj Cristo 'a slajub'.

1 Co 15:42

An̈jtona', 'ixta 'oj 'aj eb' chamnac yic 'oj pitzwc pax eb'. A qui niwnalec tic, yic tzmucxi, yic chaml yaji. Palta a yic 'oj pitzwc paxi, a qui niwnalec cha, man̈x b'a'n̈ 'oj chamoc.

1 Co 15:49

A ticnec lajn qui niwnalec yet' jun b'onc 'a lum lum cha. Ax 'a jun tiempoal cha, lajn 'oj 'aj qui niwnalec yet' jun yic satcha'an̈.

A Scarta San Pablo D'a Eb' Aj Filipos 3:21

A 'oj jelnoc jun qui niwnalec may jac swach'l tic, sec wach' lajn 'oj 'aj yet' jun yico', yujto a jun cha, caw niwn swach'il. 'Ixta 'oj on̈ yutquec yet' spoder, yujto 'ay spoder ya'n mandar smasnil tas.

Apoc 20:6

Caw wach' yic eb' tzb'ab'l pitzw cha. Yicn̈ej Dios yaj eb'. May spoder jun schab'l chaml 'a yib'n̈ eb'. 'Oj 'ajxc yopiso eb' ya'n 'och sti 'a Dios yet' 'a Cristo. Jun mil ab'il 'oj yac' eb' yajlil yet'oc.

Apoc 21:4

Man̈x 'oj scha 'oc' eb'. A wal ta', man̈x 'a chamel, man̈x 'a 'oq'uel, man̈x 'a cusc'ojlal, man̈x 'a pax yailal. Yujto jantcn̈ej tas 'ay 'a yic yalan̈, 'e'nc xo, xchi.

Apoc 22:9

Palta xyaln 'ixtc 'ayin: —Man̈ a b'o 'ixtic, yujto an tic, ya'mal in pax servil Dios et'oc, yet' eb' et creyenteal. Atn eb' schecab', yet' jantcn̈ej eb' tzyiclni tas 'ix tz'ib'x can 'a jun libro tic. A 'a Dios tzal a b'a.