Lc 2:41 - Chuj San Sebastian Bible

⁴¹ 'A junjn ab'il, tzc'ochc smam snun Jesús 'a Jerusalén, yic tz'at yilnc eb' q'uin̈ yic snanb'il cot yel eb' israel 'a libre.

Chuj San Mateo Bible

⁴¹ A vin̈ tz'alji smamoc Jesús chi' yed' ix snun, junjun ab'il xid'ec' eb' d'a Jerusalén yuj q'uin̈ yic snajicoti tas aj yelnaccot eb' israel d'a Egipto.

Lc 2:41 ပူးပေါင်းရင်းမြစ်များ

Ex 12:11

A yic tzex wa cha, lista xo cab' eyaji. 'Ayx 'och cab' e pichl yic b'eyl eyu'uj, 'ayx 'och cab' e xan̈ab', yamb'ilx cab' e c'ococh. Caw wal ji'ltixn̈ej 'oj eyutc e chin no', yujto an Jehová in, an 'oj wec' 'a jun 'ac'wl cha.

Ex 12:14

A jun c'u cha, niwn cab' yel'ch tz'ajcn 'a e sat, tzeya'ch junc niwquil q'uin̈ yic tzeyi'n chan̈ in b'i an Jehová in tic. Smasnil tiempo tze na cot jun tic, ax snan cot eb' eyunnal b'aq'uin̈. Ley tz'ajcn jun tic 'a e cal 'a smasnil tiempo.

Ex 34:23

An Jehová in an tzwala. Yowlal 'ox 'ejm tzjaw smasnil eb' winc 'a wojltac, atn 'a yic tze nan 'oxe q'uin̈ chi 'a junjn ab'il.

Lv 23:5

A 'a chan̈lajn̈e yoch b'ab'l 'uj yic junjn ab'il, 'a yic yemc'ual, ata tze na q'uin̈ yic eyelt 'a libre, yuj yi'nb'ilc chan̈ in b'i.

Nm 28:16

A 'a chan̈lajn̈e yoch b'ab'l 'uj yic junjn ab'il, ata tznax q'uin̈ eyel 'a libre yuj yi'nb'ilc chan̈ in b'i an Jehová in.

Lc 2:42

Ax Jesús x'el 'a slajchwil ab'il, ajun xo x'at yet' eb', yujto x'at yil eb' q'uin̈ 'icha xon sley.

Jn 11:55

Ax yic wan sjapx stiempoal sjaw q'uin̈ yic snanb'il cot yel eb' israel 'a libre, til wal eb' xlaj cot 'a najat, 'ix laj c'och eb' 'a Jerusalén. Yic mantzac 'och q'uin̈ cha, 'ix c'och eb' ta', sec tzb'o sb'a eb' 'icha xon sb'eyb'al.

Jn 13:1

Q'ui'noc xoj yoch q'uin̈ yic snanb'il cot yel eb' israel 'a libre. Ax Jesús, yojtac to tox 'ix jaw stiempoal yactc can jun yolyib'n̈q'uinl tic, ax spax q'ue 'a qui Mam Dios. A eb' yic 'ayc' 'a yolyib'n̈q'uinl tic, caw chamc'ojlb'il eb' yu'uj. A ticnec 'oj sch'oxo', jantc schamc'ojlal 'a eb'.

Jn 2:13

Wan sjapx jun sq'uin̈ yic snanb'il cot yel eb' israel 'a libre. Yuj cha, 'ix c'och Jesús 'a Jerusalén.

Jn 6:4

Wan sjapx stiempoal sjaw jun q'uin̈ yic snanb'il cot yel eb' israel 'a libre.

Dt 12:11

A 'a jun lugar 'oj si'l Jehová yico'oc cha, ata 'oj 'at eyac' smasnil jun tzo'n̈ xwal 'ayx tic: no noc' tzeyac' xajmb'alil, yet' no xajmb'al tze n̈ustz'a'oc, e diesmo, eyofrenda to tz'el 'a e c'ojl eya'ni, yet' e colwal to ta'wb'il eyu'uj.

Dt 12:18

Tzeyij 'at jun tzo'n̈ chi 'a jun lugar 'oj si'l Jehová yico'oc, ax 'a yojltac, ata tze mol c'uxj jun tzo'n̈ chi yet' eb' eyunnal, eb' eyisil, ewin e checab', eb' 'ix eya'mal servil, yet' eb' levita cajn 'a e cal. Ata 'oj eyac' tzaljoc e c'ojl 'a yojltac Jehová qui Diosalec yuj tas tzeyij 'a e munljel cha.

Dt 16:16

Smasnil eb' winac, yowlal 'ox'ejm tz'och eb' 'a yojltac Jehová Dios 'a junjn ab'il, atn 'a jun lugar 'oj si'l yico'oc cha. A jun tzo'n̈ q'uin̈ 'aj 'oj 'och eb' cha, atn tic: Q'uin̈ yic 'ixm pan may yich, q'uin̈ yic tzlajw spolx trigo, yet' q'uin̈ Chinama. May cab' junc mach tzsat sc'ojl yi'n 'at yofrenda 'a yojltac Jehová.

A Ch'an̈ B'ab'el Libro Samuel 1:21

'Ix c'och sc'ul s'atx win Elcana chi yet' eb' yunnal yet' eb' yistzil 'a chon̈b' Silo, 'icha xon tzyac' 'a junjn ab'il yic tz'at ya'nc xajmb'al ta'wb'il yuj 'a Jehová, 'icha yaj sleyal.

A Ch'an̈ B'ab'el Libro Samuel 1:3

'A junjn ab'il tzxit'c win Elcana chi 'a schon̈b' 'at yac' xajmb'al 'a Jehová tztac' yuj smasnil, atn 'a chon̈b' Silo. Ata 'ay chawn̈ eb' ya'mal 'och sti eb' 'anma 'a Dios, atn Hofní yet' Finees. A eb' cha, yunnal win Elí.