Lc 2:20 - Chuj San Sebastian Bible

²⁰ Ax eb' waymtam calnelu cha, xpax eb'. 'Ix yaln eb' wach' paxti 'a Dios. Xya'n eb' yuj diosal 'a 'a, yuj tastc 'ix yab' eb', 'ix yil eb', yujto x'el'ch smasnil tas 'icha xalx 'a eb' cha.

Chuj San Mateo Bible

²⁰ A eb' tan̈vum calnel chi', ix meltzajxi eb', ix yalan vach' lolonel eb' d'a Dios. Ix yac'an yuj diosal eb' d'ay yuj masanil tas ix yab' eb' yed' yuj tas ix yil eb', yujto ix elc'och masanil icha ix alji d'a eb'.

Lc 2:20 ပူးပေါင်းရင်းမြစ်များ

Salmos 106:48

Alx cab' wach' paxti 'aych Mamin Jehová, qui Diosal ach an̈ israel on̈ tic on̈, yujto 'aychn̈ej 'ec' 'a smasnil tiempo. Yal cab' smasnil 'anma 'ixtic: B'o cab' 'ixta', xchi cab' eb'. ¡Alx cab' wach' paxti 'a Jehová!

Salmos 107:15

An̈ec xo tic, calc yuj diosal 'a Jehová, yujto 'ayc'n̈ej schamc'ojlal quet'ec, caw satjub'tac yilx tz'aj scolwj 'a 'ayn̈ec an̈ 'anman̈ec tic.

Salmos 107:21

An̈ec xo tic, calc yuj diosal 'a Jehová, yujto 'ayc'n̈ej schamc'ojlal quet'ec, caw satjub'tac yilx tz'aj scolwj 'a 'ayn̈ec an̈ 'anman̈ec tic.

Salmos 107:8

An̈ec xo tic, calc yuj diosal 'a Jehová, yujto 'ayc'n̈ej schamc'ojlal quet'ec, caw satjub'tac yilx tz'aj scolwj 'a 'ayn̈ec an̈ 'anman̈ec tic.

Is 29:19

A eb' 'emmquilal yeq'ui, 'oj tzaljoc chan̈ eb' 'a Jehová, ax eb' caw meb'a', 'oj tzaljoc chan̈ eb' 'a sDiosal Israel, atn jun Dios To Cojxni.

Mt 9:8

A yic xyiln eb' 'anma jun cha, caw 'ix xiw eb'. 'Ix laj yalnc eb' wach' paxti 'a Dios, yujto caw niwn spoder 'ix yac' 'a jun mach 'a scal eb' cha.

Mr 1:7

'Ix yaln 'el 'a scal eb' 'anma 'ixtic: 'Ay wal jun tza'n sjaw wu'uj, yel xo wal niwn yel'ch 'a wib'an̈. Yuj cha, man̈ in mojc wa'n servil, wach'xam ton̈j tzin 'em n̈ojn in jiyl jac sc'ab' xan̈ab'.

Lc 18:43

Yajn̈j wal cha, 'ix jacw sat winac. Yuj cha, 'ix 'och tza'n win yu'uj. 'Ix yaln win wach' paxti 'a Dios. An̈jtona', jantc eb' 'anma x'iln jun cha, xyaln pax eb' wach' paxti 'a Dios.

A Tas Sc'ulejnac Eb' Schecab' Jesús Hechos 11:18

Ax eb' creyente 'a Jerusalén cha, yic xyab'n eb' jun tzo'n̈ tic, man̈x 'a tas xyal eb'. Cojxn wach' paxti xyal eb' 'a Dios, 'ix yaln eb' 'ixtic: —An̈jtona eb' man̈ israeloc, 'ay pax eb' 'ix yac' Dios sna sb'a, sec wach' 'oj scha pax eb' sq'uinl quet' 'a jun 'ejmn̈ej, xchi eb'.