Lc 2:12 - Chuj San Sebastian Bible

¹² 'Oj eyila', b'ac'b'il 'och nip 'a jun tz'ulc 'unn cha, 'ayc' 'a yol jun sjucb' no chej 'aj tzwa no'. 'Ixta 'oj 'aj snachj 'el eyu'uj to a', xchi jun ángel cha.

Chuj San Mateo Bible

¹² Ol eyila', ayoch sb'al jun unin chi'. Ayec' d'a yol b'aj sva noc' chej, icha chi' ol aj snachajel eyuuj to a', xchi jun ángel chi'.

Lc 2:12 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 19:29

Xlajw cha, 'ix yaln Isaías 'ixtc 'a Ezequías: 'Ay jun senya 'oj ch'oxxoc eyil yuj tastc tot 'oj ujoc: 'Oj e wa 'ixm trigo mun tzpac' 'a jun ab'il tic yet' 'a junx ab'il; palta ax 'a yoxl ab'il, ax xo 'oj eyawc tas 'a lum lu'um, ax e jach'w paxi, 'oj eyawc eyuva ax e lon sat.

A Ch'an̈ Schab'il Libro Yic Yab'ixal Eb' Rey 20:8

A yic mantzac b'ox sc'ojl win Ezequías c'anb'n win 'a Isaías 'ixtic: —¿Tas junc senya 'oj wila' yic tznachj 'el wu'uj to a Jehová 'oj 'a'n b'oxc in c'ojol, yet' pax yic 'oj in 'at 'a yatut Jehová 'a chab'j cha? xchi 'a 'a.

Salmos 22:6

An xo tic, man̈x in 'anmac tzwab'i. Lajn in 'icha junc no a'ay. Caw tzetztac wilx 'a yol sat eb' 'anma', patcab'iln pax 'el yuj eb' wit 'anma'il.

Ex 3:12

'Ix ta'w pax Jehová, 'ix yaln 'ixtic: —Wal yel an 'oj woch et'oc, 'ay jun ch'oxnb'il 'oj wac' 'ayach, chajtlto an tzach in checb'ti. Ax yic tox 'ix 'elt eb' in chon̈b' chi oj 'a Egipto cha, ax wul eya'nc 'ejm e b'a 'ayn 'a jun witz tic, xchi Dios.

Is 7:11

C'an el junc senya 'a Jehová qui Diosal. Tztac' sch'oxn el junc milagro 'a xab'l yich lum lum tic, mto pax 'a snajtil yib'n̈ satcha'an̈, xchi Isaías chi 'a winac.

Is 7:14

Yuj cha, caw a Dios 'oj ch'oxnc eyil junc senya cha: 'Ay jun cob's 'ix, 'oj pitzwc chan̈ jun 'unn 'a 'ix. 'Oj 'aljoc jun swinc 'unin, ax ya'n sb'ic Emanuel.

Lc 2:13

Yajn̈j wal cha, til wal eb' ángel xcot 'a satcha'an̈, xwul sch'oxnc sb'a eb' yet' junx ángel cha, xyaln eb' wach' paxti 'a Dios, xlaj yalnc eb' 'ixtic:

Lc 2:7

Ata x'alj jun sb'ab'l 'une 'ix. Sb'an 'och 'ix nip 'a jun 'unn cha. Xlajw cha, sc'otn 'ec' 'ix 'a yol jun sjucb' no chej 'aj tzwa no', yujto caw man̈x 'a 'aj x'aj eb' 'a mesón.

A Ch'an̈ B'ab'el Libro Samuel 2:34

A jun tic 'oj 'och ch'oxnb'ilal 'ayach, to a chawn̈ eb' onnal, atn win Hofní yet' win Finees, to junn̈j c'u 'aj 'oj cham eb' schawn̈il.