Lc 19:7 - Chuj San Sebastian Bible

⁷ Ax 'ix yiln eb' 'anma jun cha, til wal tas xlaj yal eb' 'a spatquil Jesús, yujto xc'och 'a yatut jun win maysch'olnil sb'eyb'al, 'ix 'och wan ta'.

Chuj San Mateo Bible

⁷ Axo masanil eb' anima, man̈ jantacoc ix yal eb' d'a spatic Jesús, yujto ix c'och yac' sposado d'a spat jun vin̈ chuc sb'eyb'al chi'.

Lc 19:7 ပူးပေါင်းရင်းမြစ်များ

Mt 20:11

Ax yic xchan eb' stojl cha, xcot yowl eb' 'a winac.

Mt 20:4

Yuj cha, xyaln win 'ixtc 'a eb': Toto tze nib'j tzex munlji, 'ixquec munljoc jac 'ayn 'a in lu'um. Yaln̈ej jantcto 'oj e munloc, tz'acn 'oj wac' e tojol, xchi win 'a eb'. Yuj cha, x'at eb' munljoc 'a winac.

Mt 9:11

Ax yic xyil ewin fariseo jun cha, yuj cha, xyaln ewin 'ixtc 'a eb' scuywum Jesús: —A jun e Cuymal tic, ¿tas yuj jun tzwa yet' eb' tecm 'el tumin, yet' jun tzo'n̈ xo eb' maysch'olnil sb'eyb'al tic? xchi ewinac.

Lc 15:2

Yuj cha, xcot yowl ewin fariseo yet' ewin cuywjum 'a ley yic Moisés, 'ix yaln ewin 'ixtic: —A win tic, tzchajn̈ej win eb' maysch'olnil sb'eyb'al tzc'och 'a 'a, 'in tzwa yet' eb', xchi ewinac.

Lc 19:6

'Ix yab'n win Zaqueo cha, x'emt win muc'uc, caw tzaljc'ojlal xchaj win sc'och 'a yatut.

Lc 19:8

Ax win Zaqueo cha, 'ix q'ue lin̈an, 'ix yaln 'ixtc 'a Cajlil: —Al ticnec Mamin, jantcn̈ej tas 'ay 'ayin, spacl 'oj wutoc. 'Icha wic 'oj canoc, 'ixta 'oj wac' a eb' meb'a'. Toto 'ay eb' xlaj wixtoc, xlaj welc' stumin, chan̈ 'ejm 'oj in jel 'a eb', xchi winac.

Lc 5:30

Palta ax ewin fariseo yet' jun tzo'n̈ xo spartido ewinac, atn ewin cuywjum 'a ley yic Moisés, tu xyal ewin 'a eb' scuywum Jesús. 'Ix yaln ewin 'ixtic: —¿Tas yuj junn̈j tzex wa yet' eb' tecm 'el tumin, yet' jun tzo'n̈ xo eb' maysch'olnil sb'eyb'al tic? xchi ewin 'a eb'.

Lc 7:34

Xlajw cha, in jaw an 'Ochnc in 'Anmal tic, an xo tic, tzin 'ochn̈j wac 'a 'aj 'ay jun tzo'n̈ q'uin̈. Palta 'ayx tzeyal pax wu'uj: A Jesús cha, cojn wal snib'n wa sb'a, 'u'm 'an̈ paxi, caw swach'c'ojl sb'a yet' eb' tecm 'el tumin, yet' jun tzo'n̈ xo eb' maysch'olnil sb'eyb'al, xe chi wu'uj.

Lc 7:39

Ax yic xyiln win fariseo chi jun cha, snan win 'ixtic: Toto yel schecb' Dios jun winc tic, to 'ixta', xnachj 'el yuj winac, mach jun 'ix tic tzyamn yoc. Xnachj pax 'el am yuj winac, tas yaj 'ix, yujto caw tu sb'eyb'al 'ix, xchi win yet' snab'en.