Lc 17:12 - Chuj San Sebastian Bible

¹² Ax yic wan sc'och 'a jun aldea, 'ay lajn̈wan̈ winc 'ayc' 'a yol b'e, ya'ay ewin yuj lepra. Yuj cha, ma'ix jaw ewin 'a stz'ey.

Chuj San Mateo Bible

¹² Ayic ix c'och d'a jun aldea, ay lajun̈van̈ eb' vin̈ penaay yuj jun yab'il scuch lepra. Yuj chi' maj snitzochlaj sb'a eb' vin̈ d'a stz'ey Jesús,

Lc 17:12 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 5:27

Yuj jun xa b'o tic, a slepra Naamán cha, a 'oj 'ochcn 'ayach, yet' 'a eb' en̈tl 'a smasnil tiempo, xchi Eliseo. Ax yic 'ix spojn can sb'a Giezi yet' Eliseo, 'ayx 'och lepra 'a 'a, caw sacwecnac yilx 'icha q'uen che'ew.

A Ch'an̈ Schab'il Libro Yic Yab'ixal Eb' Rey 7:3

A yic cha, 'ayc' chan̈wn̈ winc 'aych lepra 'a 'a, ata 'ayc' eb' 'a sti spuertail chon̈b' cha, 'ix laj yal-lanc eb' 'a junjn 'ixtic: —¿Tas tzwul qui b'oc 'a tic? Ton̈j chotn on̈c 'ec' qui tan̈wni qui chami.

Ex 4:7

'Ix yaln pax Dios jun 'ejm xo: —'A'x 'och a c'ab' chi 'a sn̈i a c'ojol, xchi. 'Ix ya'n pax 'och Moisés sc'ab' 'a sn̈i sc'ojl cha, ax yic 'ix yi'n pax 'elt sc'ab', caw wal wach'x yilx sniwnal chi 'icha xoni.

Nm 12:14

'Ix ta'w Jehová 'a Moisés, 'ix yalni: Toto a smam 'unx stzub'n sat, can cab' 'unx 'a q'uixwc'ojlal 'a uque c'ual. Yuj cha, 'elcn cab' 'unx 'a spatquil 'el camplamento 'a uque c'ual, 'ixta to b'i'an, tztac' sjapx 'unx eyet'oc, xchi.

Lc 18:13

Ax win tecm 'el tumn cha, najttac xcan lin̈n winac. Caw 'ix xiw winac. Toxn ma'ix q'ue q'ueln xon win jac 'a satcha'an̈. Caw man̈x oc yaj yilx win yuj scusc'ojlal. Xyaln win 'ixtic: Ach in Diosal, comnoc tz'o'ch wal a c'ojl 'ayin, to caw yel 'ajmul in si'mb'il, xchi win 'a Dios.

Lc 5:12

A 'a jun 'el, yic 'ayc' Jesús 'a jun chon̈ab', 'ix jaw jun winc 'a 'a, caw ya'ay yuj lepra. Yic 'ix yiln win Jesús, 'ix 'em cumn win 'a yojltac. 'Ix tew 'och win 'a 'a, xyaln win 'ixtic: —Mamin, comnoc tzyal a c'ojol tzin ac' b'oxoc, xchi win 'a 'a.