Lc 15:19 - Chuj San Sebastian Bible

¹⁹ Man̈x smojc tzin al onnaloc. Comnoc toxn̈ej tzin a mosoej, 'oj in chioc, xchi winac.

Chuj San Mateo Bible

¹⁹ Man̈xo in al uninaloc. Ichocab' junoc a majan tzin ajcani, xin chama, xchi vin̈.

Lc 15:19 ပူးပေါင်းရင်းမြစ်များ

Gn 32:10

Caw man̈ in mojc tzac' a chamc'ojlal 'ayin, yet' a wach'c'ojlal 'aych wet'oc. 'Ix in ej 'e't 'a a Jordán yic cojn jun in c'occh wet'i, ax ticnec chab' xo camplamento tzin 'aj 'el'chi, 'ayx pax tas 'ay 'ayin.

Job 42:6

Yuj cha, tznachj 'el wu'uj to may jac wel'chi, yel xo wach' tzin 'emwocn 'a sat lu'um, mto 'a scal stan̈il c'ac' yic tzin nan in b'a yuj tas xwala, xchi Job.

Salmos 84:10

Yel xo wach' 'ayn 'ec' junc c'u 'a yamq'uil atut, 'a yib'n̈ junc mil ab'il 'ayn 'ec' 'a junc xo lugar. Yel xo wach' tzin c'och 'a spuertail atut yic tzin 'och 'emmquilal 'aych ach in Diosal, 'a yib'n̈ to a 'a yatut eb' maysch'olnil sb'eyb'al 'aj tzin 'aj cajan.

Lc 15:18

'Oj in pax 'a in mam cha, ax waln 'ixtc 'a 'a: Mamin, caw x'och in mul 'a Dios, x'och pax in mul 'ayach.

Lc 15:20

Yuj cha, 'ix paxt win 'a 'aj c'ochnc cha. Ax yic najt to wal sjawi, 'ix yiln sb'a smam cha, caw x'o'ch sc'ojl 'a 'a. 'Ix 'at schanoc. Caw carela x'ati. Xlajw sc'ochi, 'ix sla'n coti, stz'ub'n 'elt sti jun yunnal chi yuj tzaljc'ojlal.

Lc 5:8

Yic 'ix yiln Simón Pedro jun cha, 'ix 'em cumn 'a yojltac Jesús, 'ix yaln 'ixtic: —Mamin, mamtzac ej 'el a b'a 'a in tz'ey, yujto an tic caw 'ajmul in, xchi.

1 Co 15:9

Yuj cha, an tic, may wel'ch 'a scal jun tzo'n̈ xo eb' schecb' Jesucristo cha. Palta a eb' cha, caw 'ec'b'al yel'ch eb' 'a wib'an̈. Caw man̈ in mojc walx 'och schecb'oc yet' eb', yujto caw wa'jnac 'och eb' yiglesia Dios 'a syailal.

A Sb'ab'el Carta San Pedro 5:6

Yuj cha, 'emmquilal tzcutjec qui b'a 'a yol sc'ab' Dios, yujto caw niwn spoder. Toto 'ixta', niwn xo 'oj cajc 'el'ch yu'uj, yic 'oj jawc stiempoal.