Lc 13:8 - Chuj San Sebastian Bible

⁸ Palta xyaln win munljum chi 'ixtc 'a 'a: Patron̈, comnoc mant tz'el te 'a jun ab'il tic. Niwnoc 'oj wa'lc in t'ocn c'unb'oc lum 'a yich, ax wa'n 'och abono 'a te'.

Chuj San Mateo Bible

⁸ Axo vin̈ smunlaj chi' ix alani: Mamin patrón, tan̈vej junocxo ab'il. Ol vac'lej in d'ocan c'unb'oc lum d'a yich te', ol vac'an och abono d'a te',

Lc 13:8 ပူးပေါင်းရင်းမြစ်များ

Salmos 106:23

Xa nalb'ej a satn 'el eb' qui mam quichm on̈, palta ax Moisés win sic'b'il 'el o'oj, 'ix tew 'aych yuj eb'; yuj cha, 'ix 'ec' yowl a c'ojl 'a yib'n̈ eb', man̈x 'ic a satl eb'.

Ex 34:9

—Mamin, ach Wajlil, toto caw yel 'ay a tzaljc'ojlal 'ayin, tzach 'at quet' on̈ 'an, yujto a eb' a chon̈b' tic caw wal pit eb', palta comnoc tzon̈ ac' niwnc'ojlal yuj qui mul on̈, yet' qui maysch'olnil tzlaj 'och 'a ojltac, sec tzon̈ a chaj 'och a chon̈b'oc on̈, xchi Moisés.

Jeremías 15:1

'Ix ta'w Jehová 'ayn 'ixtic: Man̈x 'oj 'o'ch in c'ojl 'a eb' in chon̈b' tic. Wach'xam caw a Moisés mto a Samuel tzjapx tewc 'a wojltac yuj eb' 'icha yutjnac eb' 'a yic pecti', man̈x 'oj in ta'w 'a eb'. Yuj cha, al 'a eb' chon̈b' cha, to tz'el eb' 'a wojltac, sayt cab' sb'a eb'.

Jeremías 18:20

¿Tom a yet' maysch'olnil tzpactzax wach'c'ojlal? A eb' cha, tox 'ix sna eb' tas 'oj yutc eb' in smiln chamoc. Na coti, chajtlto in 'och lin̈n 'a ojltac, yic in tew 'aych yuj eb', sec matz cot yowl a c'ojl 'a yib'n̈ eb'.

Jl 2:17

'O' cab' eb' ya'mal 'och qui tic 'a Dios, eb' tz'a'w servil 'a Jehová. A 'a snan̈l yatut Dios yet' jun yet'l xajmb'al, ata tzyal cab' eb' 'ixtic: Mamin Jehová, 'ac' niwnc'ojlal 'a quib'n̈ an̈ a chon̈b' on̈ tic. May cab' mach tzon̈ b'uchni. Man̈ on̈ a cha 'ajxoc ganar yuj jun tzo'n̈ xo chuc chon̈b'al, man̈ yal cab' eb' 'ixtc 'ayn̈ on̈: ¿'Ajtil 'ay e Diosal cha? man̈ xchic cab' eb', xchi cab' eb'.

Lc 13:7

Yuj cha, xyaln 'ixtc 'a win tzmunlj 'a slum cha: 'Ilto, yoxl ab'il xo in yamn 'och 'ec' cob' wiln jun te tic. Toxn may xon 'aj tz'ilchj junc sat wu'uj. Yuj cha, ch'acl te', nab'an̈ej macb'il lum yuj te', xchi 'a winac.

Lc 13:9

Toto 'oj satnoc, caw wach'. Toto ma'ay, ax yel te 'icha tzal cha, xchi win 'a winac.

Lc 14:35

Man̈x 'a jac yopiso. Wach'xam tz'at 'a scal lu'um, wach'xam tz'at 'a scal abono, toxn may jac yopiso. Toxn̈ej tzjulx 'eli. A jun tzo'n̈ xeyab' tic, nac wal si'mb'il, xchi Jesús 'a eb'.

Ro 10:1

Ex wu'tac, ex wanab', caw tzin nib'j tzcolchj eb' wit israelal. Atn wal jun tic tzin c'an 'a Dios.

Ro 11:14

Yujto tzin nib'ej to tzyil eb' wit chon̈b' cha, to wan e colchji, ax stz'a sc'ojl eb' eyu'uj. To 'ixta', toq'ue 'ay eb' 'oj colchjoc paxi.

A Schab'il Carta San Pedro 3:9

'Ay eb' tznani, to caw tz'ec' tiempo yuj Cajlilec cha. Ma'ix 'el'ch 'icha yaj ya'n can sti snan eb'. Palta man̈ 'ichcta tz'aj 'icha tzna eb' cha. Mantzac jawi, yujto caw 'ay sniwnc'ojlal 'ayn̈ec 'a yolyib'n̈q'uinl tic. Tznib'j to may junc 'oj satcn 'eli. Tznib'j to tzna sb'a eb' 'anma smasnil.