Lc 13:32 - Chuj San Sebastian Bible

³² Palta xyaln 'a ewin 'ixtic: —A jun cha, lajn 'icha junc wa'ax, may jac yel'chi. 'At alc 'ixtc 'a 'a: 'Ab'i, a ticnec yet' q'uic'an, tzwij 'el ewin demonio 'a eb' 'anma', tzwa'n pax b'oxc sc'ojl eb' ya'ay, ax chab'ej, ax swach' b'o in munljel tic, xchi Jesús, xe chi 'a winac.

Chuj San Mateo Bible

³² Ix tac'vi Jesús chi' d'a eb' vin̈: —A vin̈ chi', lajan vin̈ icha noc' vaax, ¿toc ay yelc'och noc'? Ixiquec, alec d'a vin̈: A ticnaic yed' q'uic'an sviq'uel eb' enemigo d'a eb' anima, ol laj b'oxoc eb' penaay vuuj. Axo chab'ej tzin vach' b'oan in munlajel tic, xchi Jesús, xe chi d'a vin̈.

Lc 13:32 ပူးပေါင်းရင်းမြစ်များ

Cantares 2:15

Pechc e no wax yet' yune', yujto caw tzsatl e no te snun qui uva on̈, to wanto cob' snichn pax eb' te', xchi eb'.

Ez 13:4

A jun tzo'n̈ eb' tzcob' yalch sb'a in checb'oc 'a scal eb' israel, lajn wal eb' 'icha e no wax ton̈j chotn ec' 'a junc chon̈b' to lan̈chjnacx 'ejmi.

Sofonías 3:3

A eb' syajlil eb', lajn wal eb' 'icha no león tz'el yaw yuj wejel. Ax eb' juez, lajn eb' 'icha no 'ocs man̈x 'a jac sb'acl schib'j tzyactj can yico'oc junc xo c'u.

Mr 6:14

A 'a jun tiempoal cha, 'ix sat sc'ojl win rey Herodes yab'n jun tzo'n̈ tas tzb'o Jesús, yujto c'uxn xpucl speclal 'a scal smasnil 'anma'. Yuj cha, 'ix yaln win 'ixtic: —A jun cha, atn win Juan Bautista xpitzw pax 'a scal eb' chamnac, yuj cha, 'ay spoder sb'on jun tzo'n̈ cha, xchi winac.

Jn 10:32

Palta xyaln pax 'ixtc 'a eb': —Til wal tas wach' xin b'o yuj spoder in Mam 'a e cal. ¿'Aja junc chi 'i'n tzin e nib'n in e jul chamoc? xchi 'a eb'.

Jn 19:30

'Ix stz'ub'ni. Xlajwn̈ej cha, 'ix yaln 'ixtic: —Tox 'ix b'o 'el'ch smasnil, xchi. Xlajw xoj cha, 'ix 'em n̈ojnjoc, 'ix chami.

A Ch'an̈ Carta D'a Eb' Hebreo 2:10

B'ob'il smasnil tas yuj Dios, sec chequel to niwn yel'chi. Tznib'ej, to a smasnil eb' yunnal, 'oj tz'acwc swach'l eb' 'icha swach'il. Yuj wal cha, yowlal xyab' Jesucristo qui Colmal syail. 'Ixta x'aj stz'acw 'el'ch yuj Dios.

A Ch'an̈ Carta D'a Eb' Hebreo 5:9

Ax yic 'ix tz'acw 'el'chi, 'ix 'ajx yopiso ya'n colnb'il 'a jun 'ejmn̈ej, 'a smasnil 'anma tzchan 'ab'noc tas tzyala.

A Ch'an̈ Carta D'a Eb' Hebreo 7:28

Yuj ley yic Moisés, a eb' 'ochnc sat ya'malc 'och sti eb' quit chon̈b'ec 'a Dios, 'anman̈ej eb'. Palta a yic slajw yopiso jun ley cha, mun slocjnac Dios sb'i, yic ya'n yopiso junx sat ya'mal 'och qui ti 'a 'a, atn Yunnal. Yaljnac Dios yu'uj, chajtlto tz'acn 'a smasnil.