Lc 12:52 - Chuj San Sebastian Bible

⁵² Q'uinloc 'ay own̈oc mach 'a junc n̈a. A 'oxwan̈, 'oj 'och 'ajc'ojlal 'a chawan̈. Ax eb' chawn̈ cha, 'oj 'och pax eb' 'ajc'ojlal 'a eb' oxwn̈ cha. 'Ixta wal 'oj 'aj eb' 'anma 'a jun tiempoal 'oj jawc cha.

Chuj San Mateo Bible

⁵² Q'uinaloc ay ovan̈oc d'a junoc pat, ol och oxvan̈oc ajc'olal d'a chavan̈xo. Axo eb' chavan̈ chi' ol och ajc'olal pax d'a eb' oxvan̈ chi'. Icha chi' ol aj eb' anima d'a jun tiempoal tic.

Lc 12:52 ပူးပေါင်းရင်းမြစ်များ

Salmos 41:9

Ax jun in wach'c'ojl caw 'aych cob' yipc in c'ojol, junn̈j tzin wa yet'oc, palta 'ix meltzj 'och 'ajc'ojlal 'ayin.

Lc 12:51

¿Tom tze na'a, to in jaw wul wac' junc'ojlal 'a eb' 'anma 'a yolyib'n̈q'uinl tic? Tzwal 'ayex ma'ay. Palta yuj yoch pojjb'ail in jawi.

Lc 12:53

'Ay eb' mamb'il, 'oj 'och 'ajc'ojlal 'a yunnal. 'Ay pax eb' 'unnab'il 'oj 'och 'ajc'ojlal 'a smam. An̈jtona', 'ay eb' nunb'il 'oj 'och 'ajc'ojlal 'a yune'. 'Ixta pax eb' 'uneab'il, 'oj 'och eb' 'ajc'ojlal 'a snun cha. 'Ay pax eb' 'ix tzya'ch yalib', 'oj 'och eb' 'ix 'ajc'ojlal 'a yalb' cha. An̈jtona eb' 'ix 'alb'al cha, 'oj 'och eb' 'ix 'ajc'ojlal 'a yalb' cha, xchi Jesús 'a eb'.

Jn 16:2

Yujto 'oj ex spech 'elt eb' quit israelal 'a yol scapiya. 'Ay wal jun tiempoal 'oj jawoc, yaln̈ej mach 'oj e milni, ax snan eb', to a Dios wan ya'n servil eb'.

Jn 9:16

Yuj cha, 'ay jaywn̈ ewin xcob' alnc 'a win 'ixtic: —A jun winc chi xjacn yol a sat cha, man̈ yico'oc Dios, yujto matz yiclj sc'ul 'iljelal, xchi eb' 'a winac. Palta xlaj yalnc jun tzo'n̈ xo eb': —A Jesús cha, man̈ 'ajmuloc. A junc 'ajmul, ¿tom tztac' sch'oxn junc milagro 'icha tzch'ox Jesús tic? xchi ewinac. —Yuj cha, chapoj xyutj sb'a eb'.

A Tas Sc'ulejnac Eb' Schecab' Jesús Hechos 28:24

'Ay eb' x'a'n 'och 'a sc'ojol tas 'ix yal Pablo. 'Ay pax eb' ma'ix chan 'ab'nc tas 'ix yala.