Lc 12:47 - Chuj San Sebastian Bible

⁴⁷ Q'uinloc 'ay junc moso 'ojtnac, tas tznib'j spatron̈ tzb'o'o, palta man̈ listaoc tzyutj sb'a. Matz yiclj tas tzyal spatron̈ cha. A jun cha, caw niwn yailal 'oj 'ajxc 'och 'a yib'an̈.

Chuj San Mateo Bible

⁴⁷ Q'uinaloc ay junoc checab' ojtannac tas sgana spatrón d'ay. Palta man̈ listaoc syutej sb'a, max sc'anab'ajej paxi. Te nivan yaelal ol ochcan d'a yib'an̈.

Lc 12:47 ပူးပေါင်းရင်းမြစ်များ

Lc 12:41

Yuj cha, 'ix sc'anb'n Pedro 'ixtc 'a 'a: —Mamin, ¿an̈j am 'ayn̈ xal jun 'ab'x tic on̈, mto yet' 'a eb' 'anma smasnil? xchi.

Lc 12:46

A jun c'u 'aj tzna jun moso cha, to matz jaw spatron̈ cha, palta ata tzjaw tza'n̈joc winac. Toxn man̈ yojcoc, toto a 'a jun rato chi tzjaw win patron̈ cha. Ax win 'oj 'a'nc 'och wal junc yailal 'a yib'n̈ jun smoso cha, ax ya'n can 'at win 'a 'aj 'ayc' jun tzo'n̈ eb' ma'ix ya'ch xon sc'ojl 'a Dios.

Jn 12:48

A eb' may wel'ch 'a sat, eb' matz yiclni in paxti', toxn 'ayc' xon jun 'oj 'a'nc 'och syailal eb', atn in paxti tzwalcn tic. Yuj in paxti tic, 'oj 'ajxc 'och syailal eb' 'a slajb' c'ual.

Jn 19:11

Yuj cha, 'ix yaln Jesús 'ixtc 'a winac: —Yujto a Dios 'a'jnac opiso tic, toto ma'ay, may xon jac aln ec 'ayin. Yuj cha, a jun in 'a'n 'och 'a yol a c'ab', a 'ec'b'al smul 'a eb'an̈, xchi Jesús 'a winac.

Jn 9:41

—Octom xnachj 'el eyu'uj, chajtlto matz uj eyiln yic Dios. Toto 'ixta', ma'ix can e mul 'a eyib'an̈. Palta 'in tzeyala, to caw tztac' eyiln yic Dios cha, yuj cha, 'oj cann̈j e mul 'a eyib'an̈, xchi 'a eb'.

A Tas Sc'ulejnac Eb' Schecab' Jesús Hechos 17:30

A 'a yic pecti', man̈ yojcoc eb' 'anma', toto 'ay Dios. Yuj cha, niwn yutjnac sc'ojl 'a eb'. Palta ticnec, a tzalni to yowlal tzna sb'a smasnil 'anma 'a yolyib'n̈q'uinl tic.

Santiago 4:17

Toto cojtquec tas wach' tznib'j Dios tzqui b'o'o, palta matz qui b'o paxi, to 'ixta', tz'och qui mulc 'a 'a.