Jueces 6:36 - Chuj San Sebastian Bible

³⁶ 'Ix yaln Gedeón 'ixtc 'a Dios: Toto caw yel an tzin a c'anlb'ej yic tza coln 'el a chon̈ab', 'icha wal xotj alni, ch'ox junc senya 'ayin.

Chuj San Mateo Bible

³⁶ Ix yalan vin̈ d'a Dios icha tic: Tato d'a val yel a in tzin ac'lab'ej a colan eb' vetisraelal tic, icha val ix aj alani, ch'ox junoc yechel d'ayin.

Jueces 6:36 ပူးပေါင်းရင်းမြစ်များ

Gn 15:8

—'Ix yaln Abram 'ixtic: Ach Wajlil Jehová, ¿tas wal tzwutj wojcan 'eli toto yel 'oj wico'oc jun lum tic? xchi.

A Ch'an̈ Schab'il Libro Yic Yab'ixal Eb' Rey 20:9

—Atn jun senya 'oj sch'ox Jehová 'aych tic, sec wach' 'oj nachjc 'el o'oj, to 'oj 'el'choc tas 'ix yala: Ach 'oj ala', toto tz'at lajn̈c'ajoc swewenal yoc c'u 'a yojltac, mto tzmeltzj lajn̈c'ajoc 'a spatic yic tzch'oxn hora 'a sat q'uen reloj, xchi Isaías.

Is 7:11

C'an el junc senya 'a Jehová qui Diosal. Tztac' sch'oxn el junc milagro 'a xab'l yich lum lum tic, mto pax 'a snajtil yib'n̈ satcha'an̈, xchi Isaías chi 'a winac.

Is 7:14

Yuj cha, caw a Dios 'oj ch'oxnc eyil junc senya cha: 'Ay jun cob's 'ix, 'oj pitzwc chan̈ jun 'unn 'a 'ix. 'Oj 'aljoc jun swinc 'unin, ax ya'n sb'ic Emanuel.

Mt 16:1

'Ay jun tzo'n̈ ewin fariseo yet' ewin saduceo xjaw 'a Jesús, yujto tznib'j ewin tzya'lj prowal. Yuj cha, sc'ann ewin yil junc milagro tzcot 'a Dios.

Jueces 6:14

'Ix 'och q'ueln Jehová 'a 'a, 'ix yaln 'ixtic: —An tzach in checb'ti. C'anlb'ej jun ep 'ac'b'il wu'uj, yic tza coln 'elt eb' et israelal 'a yol sc'ab' eb' madianita, xchi.

Jueces 6:16

Palta xyaln pax Jehová 'ixtc 'a 'a: —'Oj stac' o'oj, yujto an 'ayn 'och et'oc. 'Icha tz'aj yem junc winc to may mach tzcolni, 'ixta 'oj 'aj eb' madianita chi yem o'oj, xchi.

Jueces 6:37

A ticnec, 'oj wa'cn 'ejm jun stz'umal calnelu caw 'e'm xil 'a jun 'amc' 'aj tzte'x 'ixm trigo. Toto ax yic 'oj q'uin̈lb'oc 'eli, caw lojn no tz'um chi yuj chicb'cha'an̈, palta ax lum lum 'a stitc no tz'um cha, tacn̈ cab' lu'um, 'ixta 'oj wutc wojcan 'eli, chajtlto an 'oj in a c'anlb'oc 'a yic 'oj a colnc 'el a chon̈ab', xchi.

A Ch'an̈ B'ab'el Libro Samuel 14:10

Palta toto tzyal eb' 'ayn̈ 'ixtic: Cotn̈ec 'aj 'ayn̈ 'ec' tic, toto xchi eb', tzon̈ 'at 'aj 'ayc' eb' cha, yujto a jun cha, ch'oxnb'il 'oj 'aj 'ayon̈, chajtlto a Jehová tz'a'n 'och eb' 'a yol qui c'ab', xchi.