Jueces 6:31 - Chuj San Sebastian Bible

³¹ 'Ix ta'w Joás 'a smasnil eb' 'anma oyn 'och 'a stz'ey cha, xyaln 'ixtic: —¿Tom tzeya'ch e b'a e coln Baal? ¿Tom tze nib'j eyac' owl yu'uj? Toto 'ixta', tzann̈j mach tzcoln Baal cham cab'i', ya' sb'a mantzac sacb' 'eli. Toto yel Dios jun Baal cha, scol cab' sb'a sch'ocj 'a jun mach 'ix ma'n 'ejm jun yet'l xajmb'al cha, xchi Joás.

Chuj San Mateo Bible

³¹ Ix tac'vi vin̈aj Joás d'a masanil eb' anima oyanoch d'a spatic chi' icha tic: —¿Tom tze col jun comon dios scuchan Baal chi', tzeyac'an yovalil? Tato icha chi', chamocab' jun mach scolan Baal chi' d'a q'uin̈ib'alil tic. Tato yel Dios jun Baal chi', yac'ocab' yovalil d'a mach ix mac'an vecchaj jun yaltar chi', xchi vin̈.

Jueces 6:31 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 18:27

Ax yic x'och chimc'ual, 'ix tzewj chan̈ Elías yuj eb', 'ix yaln 'a eb' 'ixtic: —Caw 'ip eyawji, yujto dios eyaln jun, caw am witz'n yaji, 'ay't am chuljoc, mto 'ay 'aj 'ayt schec sb'a. Toq'ue to waync pax jun, pitzc 'el swayan̈, xchi 'a eb'.

A Ch'an̈ B'ab'el Libro Yic Yab'ixal Eb' Rey 18:29

Palta may xon mach tzta'w 'a eb' yic x'ec' chimc'ual. Wach'xam 'ixta', palta an̈j 'ijnoc yel yaw eb', tzlaj b'atj chan̈ eb' yic tzlaj 'el yaw eb' cha, masnto xc'och yorail 'icha yic tz'ajx tz'a no xajmb'al 'a yatut Jehová 'a yemc'ual.

A Ch'an̈ B'ab'el Libro Yic Yab'ixal Eb' Rey 18:40

Yuj cha, xyaln Elías 'ixtic: —Yamc ewin schecb' Baal, may cab' junc eb' tz'atcn 'eloc, xchi. 'Ix yamchj eb' yuj eb' 'anma cha, ax Elías 'ix 'a'n 'ijxoc 'at eb' 'a sti a niwn a Cisón, axta xmilx cham eb'.

Ex 23:2

Man̈ eya'ch e b'a yet' eb' tzb'on maysch'olnil. A yic 'ay junc tas tz'ajx eyala', tojln̈ej tzeyutj eyalni, man̈ eya'ch e b'a 'a tas tzyal smasnil eb' tu cha.

Is 41:23

Toto caw yel dios ex, alc 'ayn̈ on̈, tas wal 'oj ujc yic b'aq'uin̈. B'oc tas tztac' eyu'uj, toxn̈ej wach' mto tu', sec tzsat qui c'ojl quilni, ax qui xiw yu'uj.

Is 46:1

A jun yechl comn dios tzcuch Bel, tox 'ix 'em pacnjoc; ax jun yechl comn dios tzcuch Nebo, tox 'ix telw 'ejm 'a sat lu'um. A jun tzo'n̈ yechl comn dios cha, a no chej tzcuchnb'ey eb', caw 'al jun tzo'n̈ chi 'a no, tzc'unb' no 'a yalan̈.

Is 46:7

Tzya'n q'ue 'a sjolm squelab', tzyi'n 'ati, tzya'n q'ue 'a sat junc mexa, sin̈n̈i tzyutj can 'a yet'ul sec matz 'ib'xi. Wach'xam jantc yawj 'och jun 'ay yic chi 'a 'a, yic tzc'ann scolwal, palta matz ta'w xon jun yechl cha, matz tac' scolx 'el jun chi 'a syailal yu'uj.

Jeremías 10:11

(Ex wit israelal, alc 'a eb' chuc chon̈b'al 'ixtic: A jun tzo'n̈ comn dios, man̈oc eb' xb'on satcha'an̈ yet' lum lum tic, yuj cha, yowlal 'oj satcn 'el eb' 'a yolyib'n̈q'uinl tic. Man̈x 'a junc 'oj canoc, xe chi 'a eb'.)

Jeremías 10:5

A jun tzo'n̈ yechl cha, lajn eb' 'icha xib'tnub'al ch'ic 'a scal junc 'awb'en. Matz tac' spaxtini, yowlal to tzcuchx b'eyc'oc, yujto matz tac' sb'eyi. Man̈ ex xiw 'a jun tzo'n̈ cha, yujto matz tac' sb'on tas tu', matz tac' pax sb'on tas wach', xchi Dios.

Nm 14:6

Ax Josué yet' Caleb, locn eb' xit' 'ilnoc lum lum cha, 'ix stzilnjat eb' spichul, yic tzch'oxn 'el eb' to tzcus eb' yab'n jun tzo'n̈ paxti cha.

1 Co 8:4

Ax ticnec, 'oj wal yuj jun tzo'n̈ tas tzc'uxxi, yic tox x'ajx xajmb'al-l 'a jun tzo'n̈ tzalx 'och diosal cha. A jun tzo'n̈ tzalx 'och diosal cha, cojquec, may jac yopiso eb' 'a yolyib'n̈q'uinl tic. Yujto cojn jun Dios 'ay, may junc xo.

Ef 5:11

Man̈ eya't e b'a 'a scal jun tzo'n̈ tas tzlaj sb'o eb' q'uic'q'uinl to yaj spixan, yujto a jun tzo'n̈ tas tzlaj sb'o eb', may jac yopiso. Yel xo wach' tzeyal-li, tze ch'oxli, to may yel'ch jun tzo'n̈ cha.

Jueces 6:30

—'Ij 'elt win onnal, to 'oj qui ma' cham winac. Yujto smac' 'ejm win yet'l xajmb'al yic Baal, sch'acn 'el pax win jun te sch'oxnb'il Asherá 'ayc' 'a stz'ey jun yet'l xajmb'al tic, xchi eb'.

Jueces 6:32

A wal 'a yic jun c'u cha, 'ix ya'n eb' 'anma chi scuchcn Gedeón, Jerubaal. Yujto a Gedeón 'ix ma'n 'ejm jun yet'l xajmb'al yic Baal cha, yuj cha, 'ix yaln eb' 'ixtic: Scol cab' sb'a Baal chi 'a jun cha, xchi eb'.

A Ch'an̈ B'ab'el Libro Samuel 12:11

Yuj cha, xya'n cob' Jehová jaywn̈ eb' coljnac 'el eb' qui mam quichmec 'a yol sc'ab' eb' 'ajc'ojl cha. 'Ix jaw win Jerobaal, junx tiempoal 'ix jaw win Barac, junx tiempoal win Jefté, xlajw cha, in jaw an tic sec tzon̈ canc 'a junc'ojlal.