Jueces 5:17 - Chuj San Sebastian Bible

¹⁷ A eb' yin̈tl Galaad, ata xcan eb' 'a sc'axpil 'ec' a Jordán; eb' yin̈tl Dan, ata xcan eb' 'a stz'ey eb' te barco. Ax eb' yin̈tl Aser, ata xcan eb' 'a sti a mar, man̈x 'ic yij 'el sb'a eb' jac 'a stz'ey puerto 'aj wach' sc'och te barco cha.

Chuj San Mateo Bible

¹⁷ Axo pax eb' aj Galaad, ix can eb' d'a sc'axepalec' a' Jordán. Axo eb' yin̈tilal Dan, ix can eb' d'a stz'ey b'aj ay te' barco, an̈eja' pax eb' yin̈tilal Aser, ix can eb' d'a sti' a' mar, majxo el jab'oc eb' b'aj sjavi te' barco.

Jueces 5:17 ပူးပေါင်းရင်းမြစ်များ

Gn 35:25

Ax pax eb' yunnal win yet' 'ix Bilha, 'ix ya'mal servil 'ix Raquel, atn win Dan yet' Neftalí.

Am 4:3

An Jehová in, an tzwala, to caw stzol-l 'oj eyaj eyijx 'el 'a 'aj 'oj ma'xoc 'ejm lan̈chjoc jun tzo'n̈ n̈a cha, ax e julx can 'at 'a caw najt cha.

Josué 13:25

A jun tzo'n̈ slum eb' chi xyijcani, atn Jazer, yet' smasnil jun tzo'n̈ chon̈b' Galaad, yet' spacl xo lum yic eb' amonita, masnto tzc'och 'a Aroer, jun 'ay 'a yojltac 'at Rabá.

Josué 13:31

'Ix yij eb' spacl xo lum Galaad, lum Astarot yet' pax lum Edrei, atn schon̈b' win Og sreyl Basán. A smasnil jun tzo'n̈ lum tic, xyique'ej eb' yin̈tl win Maquir yunnal Manasés, a tzyal jayc'aj eb' 'a smacl cha.

Josué 22:9

'Ixtn tic xyutj eb' yin̈tl Rubén, eb' yin̈tl Gad, yet' pax spaclxo eb' yin̈tl Manasés, spojn can 'el sb'a eb' 'a scal eb' yit israelal 'a chon̈b' Silo 'a yol yic Canaán. 'Ix meltzj eb' 'a 'aj 'aycn smacl lum 'a yol yic Galaad, 'icha yaj yaln can Jehová 'a Moisés.