Jueces 3:23 - Chuj San Sebastian Bible

²³ Xlajw cha, sch'apn can Aod te n̈a cha, 'ix macchj can te', ax 'a wentnu, ata x'el winac.

Chuj San Mateo Bible

²³ Ix lajvi chi', ix smacancan te' puerta chi' vin̈, ix yac'ancanoch sc'ab' te' vin̈, ix paxta vin̈.

Jueces 3:23 ပူးပေါင်းရင်းမြစ်များ

A Ch'an̈ Schab'l Libro Samuel 13:18

'Ix spechn 'el win checb' chi 'ix 'a sti n̈a cha, caw wal sin̈n̈i xyutj win smacn te puerta cha. A 'ix Tamar cha, caw wach' yilx spichl 'ix 'aychi, 'icha spichl eb' 'ix cob'stac yisl ewin rey tzya'n̈j 'ochi.

Jueces 3:20

Ax yic xcan Aod sch'ocj yet' Eglón, 'ix snitzn 'och sb'a 'a stz'ey winac, wocn 'ejm win 'a yol jun cuarto siclab'nac yojol, ata 'ay 'a cha'an̈. 'Ix yaln 'a win 'ixtic: —'Ay jun spaxti Dios 'oj wal 'ayach, xchi. Ax yic xyab'n win Eglón jun cha, 'ix q'ue wan win 'a yol xila.

Jueces 3:22

Caw 'ip stecch win q'ue'en, yuj cha, man̈ cojnoc q'uen cuchlub' chi x'ochi, palta x'och q'uen yet' yoc 'a yol sc'ojl winac. 'Ix c'axw 'el'ch q'uen 'a yich spatc winac. Yujto caw b'a'ch winac, yuj cha, ax schib'jal win chi xmacn can 'aj x'och q'ue'en, man̈x 'ic yij 'elt Aod chi q'ue'en.

Jueces 3:24

A yic tox x'elt win Aod 'a yol te n̈a cha, 'ix jaw ewin schecb' win rey cha, ax xyiln eb' to macn te n̈a cha, 'aych pax sc'ab' te'. Xyaln eb' 'ixtic: A win rey tic, tecn to wanto am schulj winac, yuj cha, smacn can 'elt win te n̈a tic, xchi eb'.