Jueces 20:6 - Chuj San Sebastian Bible

⁶ Xlajw cha, xin me'n q'ue wan sniwnal 'ix, xin cotc poln 'ati. 'Ix wa't 'a smasnil yol qui macb'enec tic, sec wach' tzeyil e masnil tas jun mul caw wal maysch'olnil tic.

Chuj San Mateo Bible

⁶ Yuj chi' ix vic'cot snivanil ix chi', ix in xicanb'ati. Ix vac'anb'at d'a masanil yol co macb'en, yic vach' tzeyil e masanil tas ix aj yoch jun nivan mul te chucxo pax tic.

Jueces 20:6 ပူးပေါင်းရင်းမြစ်များ

Lv 18:24

Man̈ eyixtc 'el e b'a yet' jun tzo'n̈ tic, yujto a yet' jun tzo'n̈ tic, xyixtj 'el sb'a jun tzo'n̈ nacion̈ 'oj in satl 'a eyojltac.

Lv 18:30

Yuj cha, b'eylb'ejc in checnb'il, man̈ e b'eylb'oc jun tzo'n̈ b'eyb'al to yajb'entac, yujto a jun tzo'n̈ tic sb'eylb'ej eb' 'anma b'ab'l cajjnac lum lum chi 'ayex, man̈ eyixtc 'el e b'a yu'uj. An Jehová e Diosal in, an tzwala, xchi Dios.

Josué 7:15

A mach tz'ilchj yet' tas 'ayc' 'a cha, atn jun tzo'n̈ xwal to tzsatli, a jun cha, milx cab' chamoc, tzlajw cha, tz'ajx tz'a yet' yunnal yet' pax smasnil tas 'ay 'a 'a, yujto 'ix yij 'och tas maysch'olnil 'a scal yit chon̈ab', ma'ix syiclj strato wet'oc, xchi Jehová, xa chi, xchi Dios.

Jueces 19:22

Wanto wal stzalj eb' cha, 'ix jaw jun tzo'n̈ ewin 'aj chon̈b' cha, caw maysch'olnil snab'en ewinac. 'Ix 'och oyn eb' 'a spatquil te n̈a cha, syamn 'och eb' sma'n poj spuertail te'. 'Ix yaln eb' 'ixtc 'a win 'ichm winc 'ay yic te n̈a cha: —'Ac' 'elt win 'ayc' ula'il chi 'ayach. Tzqui nib'j tzquixtej, xchi ewinac.

Jueces 19:23

'Ix yaln win 'aj n̈a chi 'ixtc 'a eb': —¡Caw ma'ay, ex wit 'anma'il! ¡Tzin tew wal 'ayex, man̈ e nalb'oc e b'on maysch'olnil yet' jun winc 'ayc' ula'il 'ayn tic!

Jueces 19:29

Ax yic 'ix c'och 'a yatut cha, 'ix yi'n cot jun q'uen cuchlub', scotc tzu'n 'at win sniwnal 'ix cha. Lajchwe x'eli. Xlajw cha, xya'n 'at win 'a smasnil yol smacb'en eb' yit israelal cha.

Jueces 20:10

Ax pax 'a junjn lajn̈wan̈ 'a junjn 'in̈tal, tzcan 'a yib'n̈ eb' sayn tas tzqui c'ux an̈ soldado on̈c tic; an̈ xo qui masnil, tzon̈ 'at ca'c spac 'a eb' 'aj Gabaa yuj jun maysch'olnil sb'o eb' cha, xchi eb'.