Jueces 19:9 - Chuj San Sebastian Bible

⁹ Ax yic xcot jun levita chi yet' 'ix schab'l 'istzil cha, yet' jun win schecab', 'ix yaln pax win sn̈i win chi 'a 'a, chajtlto, tox x'ec' c'u, yuj cha, 'ix tew pax 'och 'a winac, yic tzcan junc xo 'ac'wl 'a tzaljc'ojlal. At 'a junc xo c'u tzseb' q'ue wan eb', tzpaxt eb' 'a yatut.

Chuj San Mateo Bible

⁹ Axo ix q'ue vaan vin̈ yic smeltzaj eb' yalani. Ix yalanxi vin̈ sn̈i' vin̈ chi' d'ay to toxo ix q'ue c'u, ix ochxi tean vin̈ d'a vin̈ yic scanxi vin̈ d'a junxo ac'val chi' d'a tzalajc'olal, axo d'a junxo c'u, sacb'i sb'at eb'.

Jueces 19:9 ပူးပေါင်းရင်းမြစ်များ

A Ch'an̈ Schab'l Libro Samuel 13:28

A yic mantzac wa eb' cha, 'ix yaln Absalón 'ixtc 'a eb' schecab': Tzeyiln sq'ue 'an̈ 'a sjolm Amnón, ax waln 'ayex to tze mil chamoc, cojn cha, tze miln cham muc'uc. Man̈ ex xiw e milni, yujto an tzwala. Caw te'n tzeyutj e b'a, man̈ ex xiwoc, xchi Absalón cha.

Pr 27:1

Man̈ eyi' chan̈ e b'a eyaln yuj tas 'oj e b'o 'a junc xo c'u, yujto man̈ eyojcoc tas yet' junx c'u cha.

Lc 24:29

Palta xyac' pural eb' syamn 'och wa'an, 'ix yaln eb' 'ixtc 'a 'a: —'Ochn̈ wan quet' on̈, yujto wan yejm c'u, wan sq'uic'b'i, xchi eb' 'a 'a. Yuj cha, x'och Jesús 'a yol n̈a, 'ix 'och wan yet' eb' ta'.

Jueces 19:10

Ax jun levita cha, man̈x 'ic yal sc'ojl tzcan junc xo 'ac'wal. 'Ix cot win yet' 'ix 'ix cha, win schecab' yet' chawn̈ no b'uru 'aych xila tz'um 'a 'a. A yic xjaw eb' 'a yojltac 'at Jebús, atn Jerusalén, wan xo s'at c'u.

Jueces 19:6

'Ix 'em wocn eb' schawn̈il, 'ix wa eb', xyu'n eb' tas xyuq'uej, ax win smam 'ix 'ix cha, 'ix tew 'och win 'a eb' to tzcan eb' junc xo 'ac'wl 'a tzaljc'ojlal.

Jueces 19:8

Ax 'a yol c'ual, 'ix seb' q'ue wan win levita chi 'a sq'uin̈b'ial, sec tzseb' paxta, palta xtew pax 'och win smam 'ix chi 'a jun 'ejm xo yic tzwa eb', sec wach' 'ay yip eb' sb'eyi. 'Ix wa eb', ya' sb'a wan sq'ue c'u.

Rt 3:7

Ax win Booz, 'ix wa'i, xyu'n tas xyuq'uej, caw wal tzalj win si'mb'il. Xlajw cha, 'ix 'ec' c'otn win sway 'a stz'ey 'aj b'uln 'ec' 'ixm cebada cha. Ax 'a yic sq'ue'ac'wlil xo, caw c'un xc'och 'ix Rut 'a stz'ey winac. 'Ix yi'n chan̈ 'ix sc'u winac, xlajw cha, 'ix 'ec' c'otn 'ix sway 'a yoctc winac.