Jueces 19:24 - Chuj San Sebastian Bible

²⁴ 'Ay jun 'ix wisl caw wal cob'sto, yet' pax jun 'ix 'ix ajun yet' winac. A eb' 'ix tztac' wa'n 'el 'ayex, yic tze b'on tas tze nib'j 'a eb' 'ix. Palta man̈ e nalb'oc e b'on maysch'olnilal yet' jun winc tic, xchi winac.

Chuj San Mateo Bible

²⁴ Ina jun ix visil cob'esto yed' pax jun ix ix yed'nac jun vin̈ vinac tic. A eb' ix tic, syal vac'anel eb' ix d'ayex yic tze c'ulan tas e gana chi' d'a eb' ix, palta man̈ e c'ulej chucal chi' d'a jun vin̈ tic, xchi vin̈.

Jueces 19:24 ပူးပေါင်းရင်းမြစ်များ

Gn 19:8

'Ay chawn̈ eb' 'ix wisl caw cob'es, mant 'a winc tzc'umj eb' 'ix, tztac' wi'n 'elt eb' 'ix 'ayex, yic wach' tze b'o tas tze nib'j 'a eb' 'ix. Ax 'a ewin tic, may cab' tas tu tze b'o 'a ewinac, ton̈j 'ayl ewin wul in sc'umoc, yuj cha, yowlal tzin col eb', xchi 'a ewinac.

Gn 34:2

Ax win Hamor win heveo syajlil chon̈b' cha, 'ay jun yunnal tzcuch Siquem. Xyiln 'och win Siquem chi 'ix cob's cha, 'ix ya'n pural win yixtn 'ix.

Ro 3:8

'Ay eb' tzcob' alnoc 'a in patic, tolab' tzwal 'ixtic: Yel xo wach' tz'och qui mulec, sec 'oj wach' checljoc 'eli, to cojn Dios wach', xin chi ab' yal eb'. A eb' tzaln jun tzo'n̈ tic, caw smoj 'oj 'ajxc can 'at eb' 'a scal yailal.

Dt 21:14

Toto ax 'a spatquil xo, man̈xtzac snib'j pax win 'ix, tztac' ya'n 'el win 'ix 'a libre, palta matz tac' schon̈n win 'ix, matz tac' pax tz'och 'ix ya'malc servil winac, yujto tox xjuw 'el 'ix yuj winac.

Jueces 19:25

Caw ma'ix schaj eb' yab' tas xyal win 'ichm winc cha. Yuj cha, 'ix ya'n 'elt win levita chi 'ix yistzil chi 'a yol caye. Smasnil 'ac'wl 'ix yixtj ewin 'ix, masnto sacb'i, 'ixta to b'i'an 'ix yactn can ewin 'ix.