Jueces 18:20 - Chuj San Sebastian Bible

²⁰ A jun nab'en cha, 'ix schaj sc'ojl win levita cha, xyi'n 'at jun yechl comn dios, te chaleco, yet' pax jun tzo'n̈ xo yechel. Xlajw cha, 'ix 'at yet' eb' yin̈tl Dan cha.

Chuj San Mateo Bible

²⁰ Ix scha sc'ol vin̈ sacerdote tas ix yal eb' chi'. Ix yic'anec' juntzan̈ chi' vin̈ d'a eb'. Ix och vin̈ d'a scal eb', ix b'at vin̈ yed' eb'.

Jueces 18:20 ပူးပေါင်းရင်းမြစ်များ

Pr 30:15

'Ay chawn̈ yune jun no 'u'm chic', tzc'ann̈j e no cotc chi tas tzc'ux 'a junjn rato, palta may tz'aj e no sb'ut'ji. Lajn e no 'icha chan̈e tas to may xon tz'aj sc'och sc'ojol:

Is 56:11

A eb' stan̈mal in chon̈b' tic, lajn eb' 'icha no tz'i 'ayn̈j swejel, toxn may tz'aj sb'ut'ji, 'ixta eb'. Toxn may jac tas tznachj 'el yuj eb'; cojn tas tznib'j 'och eb' 'a mun yico', a chi tzlaj sayc' eb'.

Ez 13:19

Ax tic, yuj jun jopoc 'ixm cebada, mto yuj junc 'ixm pan, tzin e patquiln can 'el 'a sat eb' in chon̈ab'. 'In tzlaj e mil cham eb' 'anma to man̈ smojc schami. A eb' 'ayx 'och chaml 'a yib'an̈, a eb' tze colcn 'eli. Tzeya'n 'es 'a eb' in chon̈ab', ax eb', caw wal tzchaj sc'ojl eb' yab'n tas tze yal cha.

Ez 21:21

A yic 'oj jawc win sreyl Babilonia 'a 'aj tzpoj sb'a chab' b'e cha, 'oj 'och wan lin̈n ta', 'oj yac' scalc sb'a sjul-lab' 'a yet'ul, ax sc'anb'n sb'a 'a sdiosal. 'Oj say yil seyb' no noc' sec 'oj yojcoc 'eli, 'aja b'e 'aj 'oj 'ochoc.

Os 4:3

Yuj cha, caw wal cusltac 'oj 'ajcn slum jun nacion̈ tic. 'Oj laj 'el yip eb' 'anma cajn 'a 'a. 'Oj laj cham no calte'al noc', no ch'ic, yet' smasnil e no chay 'ay 'a yojl a mar.

Lv 26:1

'Ix yaln pax Jehová 'a Moisés 'ixtic: Man̈ e b'o jun tzo'n̈ yechl e diosaloc. Man̈ e lin̈chan̈ q'uen q'uen 'aj tzeyal e b'a 'a yol e chon̈ab'. Man̈ e jos q'uen q'uen 'aj tz'ib'x 'och yechl eb' comn dios, man̈ eyac' 'ejm e b'a 'a jun tzo'n̈ cha, yujto an Jehová in, e Diosal waji.

A Tas Sc'ulejnac Eb' Schecab' Jesús Hechos 20:33

An tic, may 'aj xin nib'j 'och stumn junc 'anma', yet' pax spichul.

A Scarta San Pablo D'a Eb' Aj Filipos 3:19

Palta a eb' cha, yowlal 'oj satcn 'el eb' 'a jun 'ejmn̈ej. An̈j tas tznib'j 'och sniwnal eb', an̈j wal ta 'aych snab'en eb', 'icha to sdiosal eb' yaj jun tzo'n̈ cha. 'Ay jun tzo'n̈ tas tzb'o eb', caw q'uixweltac. An̈j yet' jun tzo'n̈ chi tzb'an̈ sb'a eb'. Cojxn jun tzo'n̈ yic yolyib'n̈q'uinl tic tzna eb'.

A Schab'il Carta San Pedro 2:3

A eb' 'a'm 'es cha, cojxn wal tumn tznib'j 'och eb'. Yuj cha, jeln 'oj yutc eb' yaln jun tzo'n̈ 'es 'ayex, yujto tznib'j eb' tzyac' ganar stumn 'a e patquil. Palta pectix b'eyc'ojlb'ilx eb' yuj Dios. Yuj cha, yowlal 'oj satcn 'el eb' 'a jun 'ejmn̈ej. Toxn ma'oj stac' scoln 'elt sb'a eb' 'a jun yailal cha.

Jueces 17:10

—Toto 'ixta', cann̈ wet' 'a watut tic, sec wach' ach tzach 'och ya'malc 'och in ti 'a in diosal, 'icha wal in mam 'oj aji. 'Oj wac' lajn̈ec tumn plata a tojloc 'a junjn ab'il, ax wa'n pax a pichul yet' tas tza c'uxu, xchi Micaía 'a winac.

Jueces 18:19

—¡Tz'in xa chi, cojn to tzach 'at quet'oc! ¡Tzqui nib'j to ach tzach 'och ya'malc 'och qui ti', 'icha qui mam, 'ixta wal 'oj aji! Toc am man̈ wach'c tzab'i to ach tzach 'och ya'malc 'och qui ti jun c'aj on̈ an̈ yin̈tl Israel on̈ tic, 'a yib'n̈ pax to cojn a junc n̈al 'anma tza'ch sti 'a sdiosal, xchi eb' 'a 'a.

Jueces 18:21

'Ix checx b'ab'ljoc eb' 'unin, no cajb'en noc', yet' jun tzo'n̈ xo tastc 'ay 'a eb', 'ix 'och tza'n eb' soldado cha, 'ix 'at eb' b'i'an.