Jueces 16:7 - Chuj San Sebastian Bible

⁷ —Toto tzin jalx yet' uque'oc ch'an̈ c'utquil ch'an̈ to mantzac tacj si'mb'il, toto 'ixta', tz'el wip tic, 'icha xoj yip comn winc tzin 'ajcni, xchi.

Chuj San Mateo Bible

⁷ Ix tac'vi vin̈ d'a ix icha tic: —Tato tzin tzec'chaj d'a uqueoc ch'an̈ ch'an̈ manto juneloc sc'anchaji, tz'el vip tic, icha yip junoc comon anima tzin ajcani, xchi vin̈ d'a ix.

Jueces 16:7 ပူးပေါင်းရင်းမြစ်များ

Pr 12:19

A eb' tzpaxtin wal 'a yel, may b'a'n̈ 'oj satl eb'; ax eb' 'a'm 'es, yajn̈j wal cha, tzsatl eb'.

Pr 17:7

A eb' may snab'en, man̈ smojc yaln eb' paxti yic jelnal, 'ixta pax eb' yajal, man̈ smojc laj ya'n eb' 'es.

Ro 3:8

'Ay eb' tzcob' alnoc 'a in patic, tolab' tzwal 'ixtic: Yel xo wach' tz'och qui mulec, sec 'oj wach' checljoc 'eli, to cojn Dios wach', xin chi ab' yal eb'. A eb' tzaln jun tzo'n̈ tic, caw smoj 'oj 'ajxc can 'at eb' 'a scal yailal.

Gl 6:7

Man̈ eyixtc e b'a e nani to matz yil Dios tas tze b'o'o. May junc mach tztac' sc'ub'n 'el tas 'a sat Dios. Yuj cha, a tas tzqui b'o'ec, a chi 'oj 'ajxoc pax spacc 'ayn̈ec.

A Scarta San Pablo D'a Eb' Aj Colosas 3:9

Man̈ eyac' 'es 'a junc xo mach. Man̈ e b'o jun tzo'n̈ xwal tic, yujto a wal qui nab'enec 'a yic yalan̈, yet' qui b'eyb'alec, tox xcactjec cani.

Jueces 16:10

'Ix yaln pax 'ix Dalila 'a Sansón: —Caw wal tu 'ach, tzin extj paxti'. A ticnec tzin tew 'ayach, al wal 'ayin, tas wal tzach 'aj 'a jalxi, xchi 'ix.

Jueces 16:6

'Ix yaln 'ix Dalila 'ixtc 'a Sansón: —Tzin tew 'ayach, to tzal 'ayin 'aj wal tzcot jun ep caw wal niwquil tic, to chuc wal yel tic. ¿'Ay am wal tas tzach 'aj a jalxi yic man̈xtzac stac' a jiyn 'el a b'a? xchi 'ix 'a 'a.

Jueces 16:8

'Ix yij cot eb' syajlil eb' filisteo uque ch'an̈ c'ultquil ch'an̈ mantzac tacji, 'ix ya'n eb' 'a 'ix Dalila. A yet' jun cha, sjal 'ix Sansón cha.

Jueces 16:9

'Ay jun tzo'n̈ winc tox sc'ub'j 'el sb'a 'a yol yatut 'ix, caw 'ip x'el yaw 'ix, xyaln 'ix 'ixtic: —¡Sansón, tic tzjaw eb' filisteo ach wul smil chamoc! xchi 'ix. Yajn̈ cha, 'ix sn̈i'chtan 'at jun tzo'n̈ ch'an̈ cha, 'icha sc'unal sn̈i'chj 'at junc ch'al to tz'anc xo. Ax eb' filisteo ma'ix nachj xon 'el yuj eb' 'aj tzcot yip.

A Ch'an̈ B'ab'el Libro Samuel 19:17

Yuj cha, xyaln Saúl 'ixtc 'a 'ix Mical cha: —¿Tas yuj 'ixtc in otj in extni, 'ix a chan 'at jun 'ajc'ojl 'ayn chi 'eloc? xchi. —Yujto 'ix yal win 'ixtc 'ayin: 'Oj ach in mil chamoc, toto matz in a chaj 'at 'eloc, xchi winac, xchi 'ix.

A Ch'an̈ B'ab'el Libro Samuel 27:10

A yic tzc'anb'n Aquis junjn 'ejm 'ixtc 'a David: ¿Tas chon̈b'al xit' 'ac' lajwc ticnec? xchi. Atn 'a stojlal sur yic Judá, mto 'a stojlal sur yic Jerameel, mto 'a stojlal sur yic slum eb' ceneo, xchi David cha.