Jueces 16:2 - Chuj San Sebastian Bible

² A yic 'ix yab'n eb' 'aj Gaza cha, to ata 'ayc' winac, 'ix yoyn sb'a eb' 'a spatquil chon̈b' cha. 'Ix stan̈wj eb' spuertail jun chon̈b' chi 'a jun 'ac'wl cha. Sictac yaj eb' smaclni, 'ix 'ec' 'ac'wal. At 'a sq'uin̈b'il 'a junx c'u tzmil cham eb' yalni.

Chuj San Mateo Bible

² Ayic ix yab'an eb' aj Gaza chi' to ata' ayec' vin̈, ix yoyan sb'a eb' d'a spatictac pat chi', ix stan̈van spuertail chon̈ab' eb' d'a jun ac'val chi'. Numan yaj eb', ix smaclan eb' yec' ac'val chi'. Ix snaan eb' to a d'a q'uin̈ib'alil d'a junxo c'u ol smilcham vin̈ eb'.

Jueces 16:2 ပူးပေါင်းရင်းမြစ်များ

Mt 21:38

Palta ax xyiln ewinac, wan sc'och jun yunnal win chi 'a ewinac, 'ix smol aln ewin 'ixtic: 'Into a win 'unnab'il tic tzjawi. Q'uinloc 'oj cham smam, ax win 'oj 'ica'anc can lu'um. Qui milc chamoc, sec a 'ayn̈ec 'oj can lu'um, xchi ewinac.

Mt 27:1

'Ax yic 'ix sacb'i, 'ix syamn sb'a smasnil eb' sat ya'mal 'och sti eb' 'anma 'a Dios, yet' ewin 'ichmtac winc 'ay yopiso. 'Ix laj yalnc ewinac, tas 'oj yutc ewin ya'n 'och chaml 'a yib'n̈ Jesús.

Lc 21:20

A yic 'oj eyila', caw oymntac yajch eb' soldado 'a smasnil stitc Jerusalén tic, nachj cab' 'el eyu'uj, to wal slajw 'el jun chon̈b' tic.

A Tas Sc'ulejnac Eb' Schecab' Jesús Hechos 23:15

A ticnec, ax tic yet' jun tzo'n̈ xo eb' sat yajal, tze c'an 'a win comandante to tzyij cot win Pablo 'ayx q'uic'an. Tzeyal 'a winac, chajtlto 'ayt wal tas tze nib'j tzeyab' 'a Pablo cha. An̈ xo lista 'oj cutc qui b'a qui ma'n cham 'aj 'oj jawc on̈, xchi eb' israel cha.

A Tas Sc'ulejnac Eb' Schecab' Jesús Hechos 9:24

Sc'ual yac'wlil stan̈wni eb' 'a jun tzo'n̈ b'e tz'at 'a sti 'el chon̈ab', sec ata tzmil cham eb' snani. Palta xyab'n Saulo chi speclal, tas 'ix yal eb' 'a spatic.

Jueces 15:18

Ax Sansón, caw wal 'ay stacn̈ti'al, 'ix 'awj 'a Jehová, 'ix yaln 'ixtic: —Ach 'ix ac' wip yic xwa'n ganar eb'. ¿Palta tom 'oj in a cha cham yuj tacn̈ti'al, ax sjapx jun tzo'n̈ chuc chon̈b'al in yixtoc? xchi.

Jueces 16:3

Ax Sansón 'ix stan̈wj yoch chim'ac'wal, 'ix q'ue wa'an. Xlajw cha, 'ix sto'n 'elt spuertail jun niwquil chon̈b' cha, smarcoal yet' yijul. 'Ix scan̈ q'ue 'a squelab'. X'at ya'nc can 'a sjolm jun lum witz 'a yojltac 'at Hebrón.

A Ch'an̈ B'ab'el Libro Samuel 19:11

Yajn̈j wal cha, 'ix schecn 'at Saúl chi eb' soldado 'a yatut David cha, yic tz'at stan̈wnoc eb', sec ax yic tzsacb' 'eli tzmilx chamoc. Palta ax 'ix yistzil David cha, 'ix yaln 'ix 'a win 'ixtic: —Toto ma'oj a col a b'a 'a jun 'ac'wl tic, q'uic'an chamnc ach xo, xchi 'ix 'a winac.

A Ch'an̈ B'ab'el Libro Samuel 23:26

A 'a sc'axpil 'at jun witz cha, ata tz'at Saúl yet' eb' soldado, ax 'a junx sc'axpil 'eq'ui, ata tz'at David yet' eb' winc ajun yet'oc, caw tzyac' yip s'at 'elc 'a Saúl. Ax yic tox 'ix yac' ganar Saúl yoch oyn yet' eb' soldado 'a spatquil eb', jab'xoj ya'n ganar syamchj yu'uj,