Jueces 14:18 - Chuj San Sebastian Bible

¹⁸ Ax 'a yic wan sq'uic'b' 'a yucl c'ul cha, 'ix 'at eb' filisteo chi 'at yal 'ixtc 'a Sansón: May junc xo tas yel xo wal chi' 'a yib'n̈ no yal chab'. May junc xo tas yel xo wal 'ay yip 'a yib'n̈ no león, xchi ewinac. 'Ix ta'w Sansón 'a eb' 'ixtic: Yujto xe montj eyab' 'a 'ix in q'uixnal tic, yuj cha, sta'n eya'n spac chi 'ayin, toto ma'ay, toxn ma'ix nachj xon 'el eyu'uj, xchi 'a eb'.

Chuj San Mateo Bible

¹⁸ Axo d'a q'uic'b'alil d'a yuquil c'ual chi', ix b'at yalan eb' vin̈ d'a vin̈aj Sansón chi' icha tic: Malaj junocxo tas te chi' d'a yichan̈ noc' yalchab'. Malaj pax junocxo te ay yip d'a yichan̈ noc' choj, xchi eb' vin̈. Ix tac'vi vin̈ icha tic: Yujn̈ej to ix e montej eyab' d'a ix vetb'eyum tic, yuj chi' ix nachaj eyalan tas syalelc'ochi, xchi vin̈.

Jueces 14:18 ပူးပေါင်းရင်းမြစ်များ

A Ch'an̈ Schab'l Libro Samuel 1:23

Ach Saúl yet' 'ach Jonatán, caw chamc'ojlb'ilx wu'uj, caw nib'b'ilx paxi, junn̈j eyec' 'a yic pitzn ex to, junn̈j ex 'aj pax e chami. 'Ec'b'al sjelnal e b'ey 'icha no salt'iw. Yel xo 'ec'b'al eyip 'a e no león.

Salmos 81:16

Q'uinloc syiclj eb' israel tas xwal cha, to 'ixta', ax 'ixm trigo caw wach' a xwac' swa eb', xwa'n am yuc' eb' no calte'al yal chab', xchi Dios.

Pr 30:30

Atn no león, caw wal 'ay smay no', toxn matz 'at no 'elc yuj junc 'anma';

Ez 1:10

A sat eb' 'a yojltac, lajn yilx 'icha sat 'anma'. A 'a swach' c'ab' eb', lajn yilx 'icha sat no león. A 'a surito eb', lajn yilx 'icha sat no wacax, ax 'a spatquil eb', lajn yilx 'icha sat no salt'iw. 'Ixtnta wal yilx sat eb' cha.

Jueces 14:17

Ax 'ix, 'oc'ln̈ej sb'o 'ix 'a yojltac win 'a uque c'ul cha, yic 'aych cob' sq'uin̈ eb'. Palta 'aychn̈ej 'ix smontn win 'a junjn c'u, ax 'a yucl c'u chi b'i'an, 'ix yaln win 'a 'ix tas tzyal 'el'ch jun tzo'n̈ paxti cha. Cojn wal yic xyab'n 'ix tas yaji, 'ix 'at yalnc yab' eb' yit chon̈b' cha.

Jueces 14:19

Xlajw cha, 'ix japx Yespíritu Jehová 'a yib'n̈ Sansón, 'ix 'at sma'nc cham lajn̈schawinc eb' filisteo 'a chon̈b' Ascalón. 'Ix yi'n 'el spichl eb' cha, ax jun tzo'n̈ pichl chi xyac' stojloc eb' x'a'n spac jun tzo'n̈ paxti cha. Caw wal 'ay cot yowl si'mb'il yic 'ix pax 'a yatut smam.