San Judas 1:8 - Chuj San Sebastian Bible

⁸ Palta ax eb' 'aych 'a qui calc ticnec, ton̈j tzcob' sna eb', to niwn yel'ch eb'. Yuj cha, caw tzya't eb' sniwnal 'a scal maysch'olnil, may jac yel'ch spoder Cajlilec 'a sat eb'. Ton̈j tzb'uchwj pax eb' 'a jun tzo'n̈ xo caw niwn yel'ch 'a satcha'an̈.

Chuj San Mateo Bible

⁸ Axo eb' ayoch d'a co cal ticnaic, an̈ej chucal naan yuj eb', yuj chi' syac'b'at sb'a eb' d'a scal. Malaj yelc'och spoder Dios d'a eb'. Ton̈ej sb'uchvaj eb' d'a eb' te nivac yelc'ochi.

San Judas 1:8 ပူးပေါင်းရင်းမြစ်များ

Gn 3:5

Yujto yojc Dios, to a yic 'oj e lon sat te', 'oj jacwc e nab'en, tz'acn 'oj 'aj e jelnal 'icha Dios, 'oj nachjoc 'el tas wach' yet' tas tu eyu'uj, xchi no 'a 'ix.

Ex 22:28

Man̈ eyal tu paxti 'a yib'n̈ eb' juez, mto 'a yib'n̈ eb' yajl yaj 'a yol e chon̈ab'.

Pr 30:11

'Ay mach tu yaln 'a smam, may xon 'aj tzyal junc wach' paxti 'a snun.

Pr 30:17

A mach tzpatquiln can 'el smam, matz yiclj xon tas tzyal snun, smoj wal yijx 'elt yol sat yuj no joj, ax no 'usj tzchin sniwnal.

Ec 10:20

Man̈ calc speclal win rey, man̈ qui c'ultac nacc junc tas 'a spatc winac. Man̈ calc tu paxti'al 'a yib'n̈ eb' rico, wach'xam qui ch'ocjec 'ayn̈ec 'ec' 'a yol catut, yujto 'ay smay ax no ch'ic tz'i'n 'ati, ax yab'n sb'a win 'a jun tzo'n̈ qui paxti'ec cha.

Nm 16:3

Syamn sb'a eb' smasnil, xlajw cha, xc'och eb' 'a Moisés yet' 'a Aarón xyaln eb' 'ixtic: ¡Colb' xo wal eyi'n chan̈ e b'a tic! Yujto qui masnil, yic xo Dios cajec, 'ayc' Jehová 'a qui calc qui masnil. ¿Tas yuj tzeyij chan̈ e b'a yajlilal 'a yib'n̈ schon̈b' Dios tic? xchi eb'.

Lc 11:25

Ax yic tzc'ochxi, tzyiln pax win jun 'anma cha, lajn 'icha junc n̈a caw mesb'il, caw wach' yilxi.

Lc 12:11

A yic 'oj eyijx 'at 'a jun tzo'n̈ capiya, mto 'oj eyijx 'at 'a yojltac ewin juez, mto ewin yajal, man̈ ex 'och 'il yuj tas 'oj eyutc e pacn 'a eb', man̈ e na yuj tas 'oj eyala'.

Lc 19:14

Ax eb' yit chon̈b' win cha, caw tzchichn 'och eb' 'a winac. Yuj cha, tza'n x'at chawn̈ 'oxwn̈ schecb' eb'. X'at yalnoc eb' 'ixtc 'a ewin tz'a'n yopiso winac: A wal jun winc cha, caw wal matz yal qui c'ojl tz'och win yajloc 'a qui chon̈b' chi 'on̈, xchi eb'.

A Tas Sc'ulejnac Eb' Schecab' Jesús Hechos 23:5

Yuj cha, xyaln pax Pablo 'ixtic: —Ex wit chon̈ab', man̈ wojcoc, toto a win tic, caw sat ya'mal 'och qui ti 'a Dios, to tzyal 'ixtc 'a Ch'an̈ U'un̈: Man̈ eyal tu paxti'al 'a win yajl 'a chon̈ab', xchi 'a Ch'an̈, xchi Pablo.

A Tas Sc'ulejnac Eb' Schecab' Jesús Hechos 7:27

Palta ax win wan ya'n owl cha, 'ix slemn 'och win sc'ab' 'a Moisés cha. 'Ix yaln win 'ixtc 'a 'a: ¿Mach ach 'a'n 'och juezal, yuj cha, tzon̈ a'n mandar on̈?

A Tas Sc'ulejnac Eb' Schecab' Jesús Hechos 7:39

Palta a eb' qui mam quichmec cha, ma'ix yal sc'ojl eb' syiclj tas 'ix yal Moisés. Yujn̈ej cha, 'ix spatquiln can 'el eb'. 'Ix snib'n eb' meltzjoc pax sb'a 'a Egipto.

1 Co 3:17

Toto 'ay mach tz'a'n juwc 'el yatut Dios cha, ax Dios 'oj satnc 'el jun cha. Yujto a yatut Dios, caw yicn̈ej yaji. A yatut tzwal tic, ax ton tic.

1 Ts 4:8

Toto 'ay mach tzchichn 'och 'a jun tzo'n̈ checnb'il tic, a 'a Dios wan schichn 'ochi, man̈oc 'a junc 'anma'. Palta atn Dios 'a'jnac 'och Yespíritu 'ayn̈ec.

1 Ti 1:10

eb' tzb'on 'ajmulal, eb' winc tzyixtj sb'a yet' yit wincal, eb' 'elc'm 'anma', eb' 'a'm 'es, yet' eb' tz'a'n 'och 'es 'a yib'n̈ eb' yit 'anma'il. An̈jtona', yet' eb' tzchichn 'och 'a jun cuynb'il caw yel. Yuj eb' x'ajx can jun ley cha.

A Ch'an̈ Carta D'a Eb' Hebreo 13:17

Caw tzeyiclj tas tzyal eb' tzex 'a'n cuenta. Yiclum tzeyutj e b'a 'a eb'. Yujto a eb' cha, wan ex stan̈wni eb'. Yojc eb', chajtlto 'oj yac' eb' scuenta 'a Dios. Wach' tzeyutj e b'a, sec tzalj eb' yiln jun munljel cha, sec matz cus eb'. Toto tzeyac' cus eb' yuj e tenmtaquil, caw man̈ wach'c eyico'.

A Sb'ab'el Carta San Pedro 2:17

'Ay cab' yel'ch junjn mach 'a qui satec. Tzqui chamc'ojlanc pax eb' quit creyenteal. Xiw coyc 'a Dios. Niwn cab' yel'ch pax win rey 'a qui satec.