San Judas 1:4 - Chuj San Sebastian Bible

⁴ Tzwalb't jun tzo'n̈ tic 'ayex, yujto 'ay eb' x'och 'a qui calc 'a c'ultaquil. Caw man̈ wach'c eb', yujto tzyal eb' 'ixtic: Colchjnacn̈ec xo yuj swach'c'ojlal Dios. Yuj cha, tzta'n̈j qui b'onec maysch'olnil 'icha tzqui nib'ej, xchi cob' eb'. An̈ec xo tic, cojxn Jesucristo tzon̈ 'a'nec mandar, cojxn Yajl yaj 'ayn̈ec. Palta ax eb' cha, caw tzpatquilj can 'el eb'. Tz'ib'b'il can yab'xil eb' 'a Ch'an̈ Un̈ 'a pecti', chajtlto yowlal 'oj 'atcn eb' 'a scal yailal.

Chuj San Mateo Bible

⁴ Svalb'at juntzan̈ tic d'ayex, yujto ay eb' tz'och d'a co cal d'a elc'altac. A eb' chi' te chuc eb'. Syal eb' icha tic: —Colchajnac on̈xo yuj svach'c'olal Dios. Yuj chi', yaln̈ej tas chucal co gana, syaln̈ej co c'ulani, xchi eb'. Spatiquejcanel Jesucristo eb', an̈ejton Cajal yaji. Aton eb' chi' tz'ib'ab'ilcan yab'ixal d'a Slolonel Dios d'a peca', syalani to ol b'atcan eb' d'a syaelal.

San Judas 1:4 ပူးပေါင်းရင်းမြစ်များ

A Ch'an̈ Schab'l Libro Samuel 22:5

A chamel, 'ix 'ec' oyyoc 'a in patic; 'ix jaw xiwc'ojlal 'ayn yuj eb' milm 'anma'.

Salmos 1:1

Caw wach' yic eb' matz yiclni tas tzyal eb' tu snab'en, matz 'och tza'n eb' yuj eb' tzb'on maysch'olnil, matz ya'ch pax sb'a eb' yet' eb' tzb'uchwj 'a Dios.

Salmos 62:2

Cojn tztac' in scolni, a 'aych pax wen̈loc. Ma'oj wejm yuj eb' 'ajc'ojl cha, yujto a 'a tzin col in b'a.

Mt 13:25

Ax 'a junc 'ac'wal, waync winac, xc'och jun 'ajc'ojl yajch 'a win 'a jun slum cha, xit' stzicnc can 'ejm jun tzo'n̈ 'ac trigo 'a scal strigo win cha.

Jn 17:3

Caw yel cojn ach Dios ach, a eb' 'ojtnac ach, an̈jtona yojc in pax eb' an checb'iln cot oj tic, atn eb' chi 'ay sq'uinl 'a jun 'ejmn̈ej.

A Tas Sc'ulejnac Eb' Schecab' Jesús Hechos 11:23

Ax yic xc'och Bernabé, 'ix yilni, to til wal swach'c'ojlal Dios 'ix ch'ox 'a eb'. Yuj cha, caw 'ix tzalj yuj eb', 'ix ya'n snab'enoc eb' smasnil. 'Ix yaln 'a eb' chajtlto caw te'n tzyutj sb'a eb', caw tzya'ch eb' snab'en 'a Cajlilec 'a smasnil tiempo.

A Tas Sc'ulejnac Eb' Schecab' Jesús Hechos 15:24

'Ix cab' on̈ to 'ay jun tzo'n̈ eb' mun x'at 'a qui cal on̈, xc'och eb' 'ayex. Palta man̈oc on̈ checjnac 'at eb' on̈. 'Ix cab' on̈ to tzex 'ixtx yuj tas tzyal eb' 'ayx ta'. Tecn 'ijn tzsomchj 'el e nab'en yuj eb', yujto tzyal eb' 'ixtc 'ayex: Yowlal tzex 'ajx circuncidar, yowlal tzeyiclj tas tzyal ley yic Moisés, xchi cob' eb'.

Gl 2:4

Yel toni, 'ay jun tzo'n̈ eb' yaljnac 'och sb'a creyenteal. Snib'jnac eb', to 'ajxnac circuncidar Tito cha. Palta a eb' cha, ton̈j c'ultac 'ochnc eb' 'a qui calec, sec tzyil eb', chajtl on̈ 'ajc qui colchj 'el 'a yol sc'ab' ley yic Moisés yuj Cristo Jesús. Yujto tznib'j eb' to tzon̈ 'ochc pax 'a yol sc'ab' jun ley chi jun 'ejm xo.

Gl 5:13

Ex wu'tac, ex wanab', 'awtb'iln̈ec yuj Dios, sec wach' mun quic qui b'a. Palta wach'xam mun quiquec qui b'a, man̈ yujoc cha, tztac' ca'lb'anec qui tu nab'enal. Yel xo wach' tzlaj ca'lac servil qui b'a, yuj qui chamc'ojlalec.

Ef 4:14

Yujto tznib'ej, man̈xtoc lajn on̈ 'icha eb' 'unn c'un somchj snab'en. A ticnec, 'ay eb' lajn 'icha junc barco ton̈j tz'eytz'n 'ec' yuj 'ic', yujto ton̈j tzsomchj snab'en eb' yuj jun tzo'n̈ chuc cuynb'ilal tzalx 'a eb'. Ton̈j tz'ixtx paxti eb' yuj jun tzo'n̈ eb' jeln ya'n 'es. A eb' cha, tznib'j eb' tzon̈ yij 'at 'a junc comn b'eyb'al.

1 Ti 5:8

Toto 'ay eb' creyente matz colwj 'a smam snun, 'a smam yu'tac, yet' 'a eb' 'ay 'a yol yatut, may jac yel'ch scuynb'il Cristo 'a eb'. 'Ec'b'al xo stul eb' 'a yib'n̈ eb' man̈ creyenteoc xoni.

2 Ti 2:12

Toto tzca' techjoc syal yet'oc, 'oj coch yajlil yet'oc. Toto 'ayn̈ tzcala, to man̈ on̈ yico'oc, ax yaln paxi, to man̈ on̈ yico'oc jun xo.

2 Ti 3:6

A eb' 'anma cha, 'ay eb' 'oj c'ultac 'och 'a yol jun tzo'n̈ n̈a. Ax yixtn paxti eb' jun tzo'n̈ eb' 'ix 'ix man̈ nab'enal yaji. A eb' 'ix 'ix cha, juwnac xon 'el snab'en eb' yuj maysch'olnil. Til wal jun tzo'n̈ maysch'olnil tznib'j 'och eb', an̈jta 'aych snab'en eb'.

A Sb'ab'el Carta San Pedro 2:16

An̈ec tic, libre xo cajec. Yuj cha, 'ixta cab' tzcutjec qui b'a. Palta matz tac' qui nanec, to tztac' qui comn b'onec maysch'olnil, yujn̈ej to libre cajec. Ocxo jun, qui nac coti, chajtlto on̈ 'ochc ya'malc servil Dios.

A Sb'ab'el Carta San Pedro 2:8

Tzyaln pax junx tic 'ixtic: 'Icha junc q'uen 'aj tztench eb' 'anma yoc, tztelw eb' yu'uj, 'ixta 'oj 'aj 'a sat eb', xchi 'a Ch'an̈. Yujto 'ixta Cristo 'a sat eb' matz ya'ch sc'ojl 'a 'a. Ton̈j tzsomchj 'el eb' yu'uj, yujto matz yiclj eb' spaxti'. Yictax pecti', checl xon yaj eb', to 'ixta 'oj yutc sb'a eb'.

A Sb'ab'el Carta San Pedro 4:18

An̈ec tojl xo qui nab'en, teb'il 'oj qui colchjec. Toto 'ixta 'oj cajc an̈ec tic, ¿ocxom wal eb' may yel'ch Dios 'a sat, yet' eb' maysch'olnil sb'eyb'al?

A Schab'il Carta San Pedro 2:10

'Ay eb' caw tzya'ch snab'en sb'on jun tzo'n̈ maysch'olnil tznib'j 'och yet' sniwnal. May jac yel'ch Cajlilec 'a sat eb', yujto matz chaj eb' 'ajxc mandar sb'a yu'uj. Atn eb' chi 'oj wach' 'ajx can 'och 'a syailal. Man̈xtzac xiw eb' jac sb'on jun tzo'n̈ maysch'olnil cha. Toxn̈ej tzcomn b'oj eb' 'icha tznib'ej. 'In matz xiw eb' sb'uchwj 'a jun tzo'n̈ caw niwn spoder.

A Schab'il Carta San Pedro 2:7

Cojxn wal win Lot colchjnac 'el 'a scal eb', yujto tojl yutjnac snab'en. Yic 'ayt 'ec' eb', caw 'ochnc pitz'n cusc'ojlal 'a spixn yuj eb'.

A Schab'il Carta San Pedro 3:7

A satcha'an̈ yet' sat lum tic, an̈ja 'ayc' ticnec. Palta yaljnac can Dios, to yowlal 'oj cann̈j 'ixtic, masnto 'oj 'ajxc 'emt c'ac' 'a 'a. Atta 'oj jawc jun c'u yic b'eyc'ojlal. Ax eb' may yel'ch Dios 'a sat, 'oj satcn 'el eb' 'a jun 'ejmn̈ej ta'.

1 Jn 2:22

Tic tzwalb't 'ayex, machtc eb' tz'a'n 'es. Atn eb' tzalni to a Jesús, man̈ 'Ac'b'ilc Yopiso Colwjumal. Atn eb' 'ajc'ojl yajch 'a 'a, yujto tzyal eb' to man̈ Yunnalc Dios. An̈jtona', matz ya'ch pax eb' sc'ojl 'a qui Mam Dios.

San Judas 1:15

Atta 'oj sb'eyc'ojloc smasnil 'anma'. Jantcn̈ej eb' maysch'olnil, 'oj ya'ch yailal 'a yib'n̈ eb' yuj smul, yujto maysch'olnil eb'. A eb' tu tzaln 'a spatc Cajlilc cha, eb' caw maysch'olnil snab'en, 'oj ya'ch pax yailal 'a yib'n̈ eb', xchi win Enoc cha.

San Judas 1:18

yaljnac can eb' 'ixtic: A 'a jun slajb' tiempoal, 'ay eb' 'oj comn b'uchwjoc. 'Oj sb'eylb'oc eb' jun tzo'n̈ maysch'olnil tznib'j 'ochi, xchi eb'.

Apoc 15:4

Toc 'ay junc mach ma'oj xiw 'aych Mamin. Toc 'ay junc ma'oj alnoc wach' paxti 'ayach. Yujto cojxn ach caw wach'chn̈ej. 'Oj cot eb' 'anma 'a junjn nacion̈, 'oj wul yal sb'a eb' 'ayach. Yujto xlaj yil eb', chajtlto caw tojl tzotj a b'eyc'ojlwi, xchi eb'.