San Judas 1:3 - Chuj San Sebastian Bible

³ Ex chamc'ojlb'il wu'uj, caw xin nib'j xwa't junc in carta 'ayex, yic tzwaln 'at 'ayx yuj qui colnb'ilec. Palta ax ticnec, 'ay jun caw yowlal 'oj walb't 'ayex. Tzin tew 'at 'ayex, caw tzeyac' eyip, sec may tz'aj sjuw jun tzo'n̈ cuynb'il 'aj tzca'c 'och qui c'ojol. Yujto an̈ec yic on̈c xo Dios tic, a 'ayn̈ec ya'jnac can jun tzo'n̈ cuynb'il tic 'a jun 'ejmn̈ej.

Chuj San Mateo Bible

³ Ex xajanab'il vuuj, ijan in tz'ib'ejnacb'at jun in carta yic svalb'at d'ayex yuj co colnab'il. Axo ticnaic, ay jun más yovalil svalb'at d'ayex. Svalb'ati to tzeyac' val eyip yic max juvi juntzan̈ co c'ayb'ub'al ac'b'il d'ayon̈ d'a juneln̈ej a on̈ yic on̈xo Dios tic.

San Judas 1:3 ပူးပေါင်းရင်းမြစ်များ

Nehemías 13:25

A yuj jun cha, xin tej in b'a yet' eb', xin catb'tzej can eb'. 'Ay eb' xin mac'a, xin to'n 'el xil sjolm eb', xwa'n pax pural eb' ya'n sti 'a Dios, to man̈xtzac yij sb'a yunnal eb', yisl eb' yet' eb' chuc chon̈b'al. An̈jtona', matz tac' pax yoch eb' 'ix chuc chon̈b'al chi yistloc eb'. 'Ix waln pax 'ixtic:

Is 45:17

Ax pax an̈ israel on̈ tic on̈, caw ach 'oj on̈ a colnc 'el 'a jun 'ejmn̈ej on̈, man̈x 'a cab' b'a'n̈ 'oj quijx 'ejm on̈, man̈x 'a pax cab' b'a'n̈ 'oj qui q'uixw can pax 'el on̈.

Is 45:22

Jantcn̈ej ex cajn ex 'a 'aj tzlajw c'och sti lum lu'um, cotn̈ec 'ayin, 'oj ex in colo', cojn in ton Dios in, may junc xo.

Jeremías 9:3

Caw jeln eb' ya'n 'es, cojxn yuj 'es tzlaj q'ue'ch eb' ricoal. Man̈x 'a tas yel tzalx 'a jun nacion̈ tic. Yuj cha, tzyaln Jehová 'ixtic: Cojxn maysch'olnil tzb'o eb', caw man̈xtzac snib'j eb' tzin yalch sDiosaloc.

A Tas Sc'ulejnac Eb' Schecab' Jesús Hechos 17:3

'Ix yaln 'a eb', tas tz'ib'b'il can 'a Ch'an̈ U'un̈, chajtlto a Cristo, yowlal tzyab' syail, tzmilx chamoc. Yowlal tzpitzw pax 'a scal eb' chamnac. 'Ix yaln pax 'a eb' 'ixtic: —A Jesús wan waln yab'xil 'ayex, atn Cristo, xchi Pablo 'a eb'.

A Tas Sc'ulejnac Eb' Schecab' Jesús Hechos 18:28

Caw xyac' yip sch'oxn 'eli, chajtlto caw yelc'ojlal satnc sc'ojl eb' israel. 'Ix sc'anlb'ej spaxti Dios tz'ib'b'il can 'a Ch'an̈ U'un̈, yic yaln 'a eb' 'anma', sec tznachj 'el yuj eb', to a Jesús, atn Cristo, jun tan̈b'il xon sjaw yuj eb'.

A Tas Sc'ulejnac Eb' Schecab' Jesús Hechos 20:27

Yujto c'uxn xwalcn 'el jun tzo'n̈ cuynb'il yic Dios 'ayex. May junc xin c'ub'j 'el 'ayex.

A Tas Sc'ulejnac Eb' Schecab' Jesús Hechos 28:28

Yuj cha, nachj cab' 'el eyu'uj, to a Dios wan ya'n jun colnb'il tic 'a eb' man̈ israeloc. Yujto a eb' cha, tzya'ch eb' schicn 'a 'a, xchi Pablo 'a eb'.

A Tas Sc'ulejnac Eb' Schecab' Jesús Hechos 4:12

May junc xo mach 'aj wach' tzo'n̈ colchjec, yujto a 'a yolyib'n̈q'uinl tic, may junc xo mach 'ix yac' Dios yopiso ya'n qui colnb'ilec, cojxn Jesús, xchi Pedro.

A Tas Sc'ulejnac Eb' Schecab' Jesús Hechos 6:7

A spaxti Cajlilec, caw 'ix wach' pucl 'a scal eb' 'anma'. Yuj cha, caw xwach' niwnb'i sb'isl eb' creyente 'a Jerusalén cha. Ax eb' ya'mal 'och sti eb' israel 'a Dios, caw niwn eb' xya'ch 'a sc'ojol.

A Tas Sc'ulejnac Eb' Schecab' Jesús Hechos 9:13

Palta xyaln Ananías 'ixtc 'a Cajlil: —Mamin, til wal mach xaln 'ayn yuj Saulo cha. A 'a Jerusalén, man̈ jantcoc stul 'ix yac' 'a eb' tzya'ch sc'ojl 'ayach.

A Tas Sc'ulejnac Eb' Schecab' Jesús Hechos 9:22

Palta ax Saulo cha, 'ix swach' 'a'n 'ip yaln 'eli, sec tzcheclj 'eli, chajtlto a Jesús atn Cristo. Ax eb' israel 'aj Damasco cha, toxn ma'ix nachj 'el yuj eb', tas tzyutj eb' spacn 'a 'a.

1 Co 15:3

A jun tzo'n̈ cuynb'il in chajnac, atn in b'ab'l aljnac 'ayex. To a Cristo 'ix cham yuj qui mulec, 'icha yaj stz'ib'x can 'a Ch'an̈ U'un̈.

Gl 2:5

Palta toxn ma'ix qui yiclj tas yaljnac eb' on̈. Yujto qui nib'jnac on̈, cojxn jun wach' 'ab'x caw yel 'aj tzeya'ch e nab'en.

Gl 3:28

Man̈x 'a yel'chi, toto israel on̈, mto griego on̈. Wach'xam 'ayn̈ 'och mosoal to man̈ quico'oc qui b'a, wach'xam mun quic qui b'a, toxn̈ej winac, toxn̈ej 'ix, may yel'chi, yujto junxn̈ej cajc qui masnil yet' Cristo. 'Icha to junxn̈ej 'anmal cajc qui masnil.

Gl 6:11

Tzeyil wal jun tzo'n̈ niwc letra caw an tzin tz'ib'j 'at 'ayex.

Ef 1:1

An Pablo in tic, schecb' in Jesucristo, yujto 'ixta x'el 'a sc'ojl Dios. Tic tzin tz'ib'j 'at jun in carta tic 'ayx ex yic xo Dios 'a chon̈b' Éfeso. Caw 'aych e c'ojl 'a Cristo Jesús si'mb'il.

Dt 21:9

Ax xo tic, tojln̈ej tzeyutj e b'on tas wach' 'a sat Jehová, sec 'oj eyajx niwnc'ojlal yuj schic'l junc 'anma cha.

Dt 9:10

Ata 'ix yac' Jehová chapachn̈ q'uen q'uen chi 'ayin, caw a 'ix stz'ib'n eb' q'ue'en. A jun tzo'n̈ paxti 'aych 'a eb' q'ue'en, atn jun tzo'n̈ alb'il 'elt yuj 'ayn̈ec 'a scal te c'ac', yic yamnon̈c 'a yich lum witz cha.

A Scarta San Pablo D'a Eb' Aj Filipos 1:1

An Pablo in tic, yet' Timoteo, ya'mal on̈ servil Jesucristo on̈. Tic tzca't jun qui carta tic 'ayx e masnil ex yic xo Dios 'a Filipos, ex junxn̈ej eyaj yet' Cristo Jesús. Tzqui tz'ib'j pax 'at 'ayx ex yilmal eb' creyente ta', yet' pax 'ayx ex diácono.

A Scarta San Pablo D'a Eb' Aj Filipos 1:27

Palta wach'xam 'oj in c'ochx 'ayex, wach'xam ma'ay, caw wach'n̈j tzeyutj e b'eyb'al 'icha tzyal jun wach' 'ab'x yic Cristo. Toto 'ixta', 'oj wab' eyab'xil, chajtlto an̈ja te'n ex, to an̈ja junn̈j yaj e nab'en ta'. 'Oj wab' paxi, to junn̈j tzeyutj eya'n 'och e c'ojl 'a jun wach' 'ab'x yic colnb'il, caw te'n tzeyutj e b'a 'a 'a.

A Scarta San Pablo D'a Eb' Aj Colosas 1:2

tzin tz'ib'j 'at jun in carta tic 'ayx ex yic xo Dios 'a chon̈b' Colosas. Caw 'aych e c'ojl 'a Cristo si'mb'il. Tzin nib'j tzyac' qui Mam Dios swach'c'ojlal yet' sjunc'ojlal 'ayx ta'.

1 Ts 2:2

A 'a chon̈b' Filipos, b'ab'l 'e'nc on̈ on̈. Eyojtac, caw niwn syal 'ec' cab'jnac ta 'on̈. Caw ya'jnac eb' 'anma stul 'ayn̈ on̈. Ax yic qui c'och 'a e chon̈b' cha, caw cab'jnac pax syal ta 'on̈. Palta a qui Diosalec 'ochnc quet' on̈. Yuj wal cha, ma'on̈ xiw caln 'el wach' 'ab'x 'a e cal on̈.

1 Ti 1:18

Ach Timoteo, chamc'ojlb'ilch wuj 'icha junc wunnal. Tzwalb't jun tzo'n̈ checnb'il tic 'ayach, sec 'oj a munlj 'icha yaj yaln can jun tzo'n̈ eb' o'oj, yic yajx yal eb' yuj Dios. Yuj cha, 'icha junc soldado caw wach' tzyutj sb'a 'a yopiso, 'ixta wal tzotj a'n 'ip a munlj 'a yic Dios. Caw te'n tzotj a b'a a'n 'och a c'ojl 'a 'a. Caw tza tan̈wj a b'a yet' a nab'en 'a smasnil tiempo.

1 Ti 6:12

'Icha junc soldado, caw te'n tzyutj sb'a, 'ixta tzotj a'n 'och a c'ojl 'a Cajlil. 'Ixta tzotj a chan a q'uinl 'a jun 'ejmn̈ej. Yuj wal a q'uinal, ach yawtn 'och Dios yico'oc. Caw wach' xotj aln 'a sat nan̈l eb' x'ab'n alni, chajtlto a Jesucristo Cajlil.

2 Ti 1:13

A jun tzo'n̈ cuynb'il wa'jnac 'ayach, caw yel, atn scuynb'il Dios. Yuj cha, caw tza b'eylb'ej jun tzo'n̈ cuynb'il cha. A ticnec, junxn̈ej caj yet' Cristo Jesús. Yuj cha, caw tza'ch 'a a c'ojol. 'Ay cab' pax a chamc'ojlal 'a 'a.

Tito 1:4

Ach Tito, tic tzwa't jun in carta tic 'ayach. Yel 'icha wunnal ach, yujto wu'uj, tza'n 'och a c'ojl 'a Cristo wet'oc. Ya' cab' qui Mam Dios yet' Cajlil Jesucristo qui Colmal, swach'c'ojlal yet' sjunc'ojlal 'ayach. ['O'ch cab' sc'ojl 'aych ta'].

A Ch'an̈ Carta D'a Eb' Hebreo 13:22

Ex wu'tac, ex wanab', tzin tew 'at 'ayex, caw niwn tzeyutj e c'ojl 'a jun tzo'n̈ paxti tzwalb't 'ayx tic, yic tzwa'n e nab'enoc. Janc'n̈ej tas tzwalb't 'ayx 'a jun in carta tic.

A Ch'an̈ Carta D'a Eb' Hebreo 6:9

Palta ex chamc'ojlb'il cuj on̈, wach'xam xcalb't jun tzo'n̈ tic 'ayx on̈, tzca'ch yipc qui c'ojl on̈, to wan e chan swach'c'ojlal Dios. Yuj cha, cojc on̈, to 'ayx e colnb'il.

A Sb'ab'el Carta San Pedro 5:12

A cu'tac Silvano tic, wojc xon snab'en, caw yiclum. A 'oj 'i'nc 'at jun in carta tic 'ayex. A jayb'eln̈ paxti xwalb't tic, yu'uj ax swach' jaw e nab'en ta'. A jun tzo'n̈ tic tzalni, tas tzyutj Dios ya'n swach'c'ojlal 'ayn̈ec 'a yel. Caw te'n tzeyutj e b'a 'a swach'c'ojlal tic.

A Schab'il Carta San Pedro 1:1

An tic Simón Pedro in, ya'mal in servil Jesucristo. Schecb' in paxi. Tic tzin tz'ib'j 'at jun in carta tic 'ayx tzeya'ch e c'ojl 'a Dios quet' on̈. Caw niwn swach'l eyic quet' on̈, yujto 'aych qui c'ojlec 'a 'a. 'Ixta tzon̈ 'ajec, yujto a qui Diosalec, atn qui Colmal Jesucristo, caw tojl snab'en.

A Schab'il Carta San Pedro 2:21

A eb' 'ixta tzyutj sb'a cha, octom wal ma'ix ya'ch xon eb' snab'en 'a jun wach' b'eyb'al tic. Toto 'ixta', wach' to wal yic eb'. Ocxo jun, xya'ch eb' snab'en 'a 'a. Ax ticnec, xyactj can pax eb' jun checnb'il yic Dios 'ac'b'il 'a eb'. Yuj cha, yel xo wal caw maysch'olnil yic eb' ticnec.

San Judas 1:1

An tic Judas in, ya'mal in servil Jesucristo. Wu'tac in b'a yet' Jacobo. Tic tzin tz'ib'j 'at jun in carta tic 'ayx ax 'awtb'ilx xo 'el yuj qui Mam Dios. Chamc'ojlb'ilx xo yu'uj. Tan̈b'ilx xo yuj Jesucristo.

San Judas 1:17

Ax xo chamc'ojlb'ilx wu'uj, tzlaj e na cot jun tzo'n̈ 'oj walb't 'ayx tic. Yictax pecti', a eb' schecb' Cajlil Jesucristo,

San Judas 1:20

Palta ax xo chamc'ojlb'ilx wu'uj, caw tze wach' te'wtzej e b'a 'a jun cuynb'il 'aj 'aych e c'ojol, yujto cojxn jun tic yic Dios. Caw tzex leslwi yet' spoder Yespíritu.

Apoc 12:11

A eb' cha, xyac' ganar eb' ya'n techjoc, yujto chamnc jun tzcuch Calnelu yuj eb', 'elnc can schiq'uil. 'Ix yac' ganar eb', yujto te'n xyutj eb' ya'n testigoal sb'a yu'uj. Ma'ix xiw eb' schami, caw xyaln̈j sc'ojl eb' ya'n cham sb'a yu'uj.

Apoc 2:10

Man̈ ex xiw yuj jun tzo'n̈ yailal 'oj jawc 'a eyib'an̈. 'Ayx 'oj eyajx 'och 'a preso yuj win diablo. 'Ixta 'oj ex yutc win ex ya'n prowal. Lajn̈e c'u 'oj eyab' syail. Palta yiclumn̈ej tzeyutj e b'a, masnto 'oj e chami. Toto 'ixta 'oj eyutc e b'a, 'oj wac' spac 'ayex, atn e q'uinl 'a jun 'ejmn̈ej.