Josué 9:21 - Chuj San Sebastian Bible

²¹ 'Ixta 'ix yutj eb' yajl chi yalni sec matz cham junc'aj eb' 'anma cha. 'Ix can cajn eb' chuc chon̈b'al chi 'a scal eb' israel, sec ax eb' tz'i'w cot c'atzitz yet' a a tzc'an eb' israel cha. 'Ixta 'ix yutj eb' yajl chi ya'n 'el'choc sti cha.

Chuj San Mateo Bible

²¹ Ix yalanpax eb': Mocab' cham eb', palta to tz'ochcan eb' c'atzitzvumal yed' cuchumail d'ayon̈, xchi eb'. Icha chi' ix aj yalan eb' yajalil chon̈ab' chi'.

Josué 9:21 ပူးပေါင်းရင်းမြစ်များ

Jeremías 46:22

An Jehová in, an tzwala: A yic 'oj jawc eb' soldado wul yac' owl yet' eb' 'aj Egipto tic, caw 'oj 'at eb' 'elc 'icha s'at junc no chan 'eloc yic tzxiw no'. 'Oj jawc eb' 'ajc'ojl 'a eb', 'icha wal s'at eb' winc yet' sch'acab' yic tz'at eb' ch'acjte'.

Dt 29:10

A ticnec yamn cajc qui masnil 'a yojltac Jehová qui Diosalec: Ex yajl eyaj 'a junjn 'in̈tal, ex 'ichmtac winac, ex 'ay eyopiso, smasnil ex winac,

Dt 29:11

ex 'unin, ex 'ix, yet' e masnil ex chuc chon̈b'al cajn ex 'ec' 'a qui cal tic on̈, ex c'atztzum yet' ex cuchm a'.

Josué 10:1

Ax xyab'n sb'a Adonisedec sreyl Jerusalén, to a Josué a 'ix satn can 'el chon̈b' Hai yet' sreyal, 'ixta pax yutjnac can chon̈b' Jericó yet' sreyl 'a yaln̈tax cha. Xyab'n paxi to a eb' 'aj Gabaón 'ayx junc'ojlal 'a scal eb' yet' eb' israel cha, junn̈j yaj eb' yet' eb',

Josué 9:15

Ax Josué 'ix 'och 'a junc'ojlal yet' eb', sb'on jun strato yet' eb' yic matz cham jun tzo'n̈ eb' 'anma cha. 'Ixta pax eb' yajl yaj 'a scal eb' israel cha, 'ix yac' eb' sti' 'a yojltac Jehová, to matz milx eb' 'anma chi yuj eb'.

Josué 9:20

A tas 'oj qui b'oc yet' eb', to 'oj can cajn eb' 'a qui calec, sec ma'oj cot yowl Jehová 'ayn̈ec, yujto tox 'ix ca'c qui ti 'a 'a, xchi eb'.

Josué 9:23

A ticnec b'i'an, yujn̈ej jun e nab'en tic, tz'ochcn jun catb' tic 'a eyib'an̈. Tzex 'ochcn 'a'j servil 'a smasnil tiempo 'ayn̈ on̈, ax 'oj e tzu'l te c'atzitz, ax eyi'n cot a a 'oj c'anxoc 'a yatut qui Diosal on̈, xchi Josué chi 'a eb'.

Josué 9:27

Xya'cn 'och eb' tzu'j c'atzitz yet' cuchj cot a 'a scal eb' israel cha, yet' pax yic yet'l xajmb'al yic Jehová, atn jun lugar sic'b'il 'el yu'uj. 'Ixta 'ix 'ajcn eb' yoch 'a jun smunljel cha.