Josué 9:18 - Chuj San Sebastian Bible

¹⁸ Ma'ix milx eb' yuj eb' soldado cha, yujto a eb' cha, 'ix yac' eb' sti 'a Jehová Dios to matz milx eb' 'anma chi yuj eb'. Yuj jun snab'en eb' cha, 'ix cot yowl smasnil eb' israel chi 'a eb' yajl yaj 'a scal eb' cha.

Chuj San Mateo Bible

¹⁸ Palta maj yal smiljicham eb' yuj eb' israel chi', yujto toxo ix yac' sti' eb' yajalil eb' d'a sb'i Jehová sDiosal to ol yac' nivanc'olal eb' gabaonita chi' eb'. Yuj chi' ix cot yoval eb' anima d'a eb' yajal chi'.

Josué 9:18 ပူးပေါင်းရင်းမြစ်များ

A Ch'an̈ Schab'l Libro Samuel 21:7

Ma'ix 'ajx Mefi-boset 'a yol sc'ab' eb', atn jun yunnal Jonatán, yixchicn Saúl, yujn̈ej to ya'jnac David sti 'a Jonatán, 'a yojltac Jehová.

Salmos 15:4

Eb' tzpatquiln can 'el eb' patcab'il can 'el o'oj, palta yiclum tzyutj sb'a eb' 'a eb' 'ay xiwc'ojlal 'ayach. Matz jel eb' tas tzyala, palta tzyac' 'el'choc eb' sti', wach'xam tzcan eb' 'a yaln̈ yu'uj.

Ec 5:2

Tzcham wal qui nanec b'ab'el, 'ixta to b'i'an, tzqui ta'wniec junc tas 'a Dios, yujto at 'a satchan̈ 'ayq'ui, an̈ec xo tic, sat lum 'aj 'ayn̈ec 'eq'ui. Yuj cha, tzqui naln̈ejec tas tzcala.

Ec 5:6

Man̈ ca'c 'och qui mul qui comn ta'wniec junc tas, ax tz'aji, a yic tzwul schanoc junc mach to 'aych 'a yib'n̈ schani, tzcalnec to satc'ojlal cajec yic xqui ta'wniec cani. Man̈ qui tzuntzquec cot yowl sc'ojl Dios yet' tas tzcalec, yujto 'ay smay satn 'el tas tzlaj qui b'o'ec.

Ec 9:2

Palta ax tz'aji, jun lajnn̈ej pax tz'aj sjaw 'a quib'n̈ec. Tzjaw 'a yib'n̈ eb' tojl snab'en yet' 'a eb' tu snab'en, 'a eb' wach' yet' 'a eb' tu'. Tzjaw 'a yib'n̈ eb' yiclum yet' 'a yib'n̈ eb' man̈ yiclumoc, 'a eb' tzyac' xajmb'al yet' 'a eb' matz yac' xajmb'al; lajn junc may smul yet' junc 'ay smul, tzjaw 'a yib'n̈ eb' tzlocn sb'i Dios yet' eb' tzxiw slocn sb'i.

Nm 30:3

A junc 'ix cob's 'ix 'ayt 'ec' 'a smam, toto 'ay junc tas tzyal 'ix yac' 'a Jehová, mto tzyac' 'ix sti' yic matz b'o 'ix junc tas,

Dt 23:22

Toto may junc tas 'aj tzeyac' e ti eya'ni, may e mul 'oj 'ochoc,

Dt 23:23

palta toto tz'el wal 'a e c'ojl eya'n junc tas 'a Jehová Dios, yowlal tzeyac' 'el'choc e ti tzeyac' cha.

Dt 23:24

A yic tzex 'och 'a scal smunljel junc eb' quit chon̈b'ec mto junc mach, tztac' e lon sat te uva 'ay 'a scal smunljel cha, palta matz tac' eyi'n jac eyic 'a yol e pa.

Josué 9:17

Xlajw xoj cha, 'ix 'at eb' soldado israel chi 'at yil eb'; ax 'a schab'jial 'ix c'och eb' 'a schon̈b' eb' cha, atn chon̈b' Gabaón, chon̈b' Cafira, chon̈b' Beerot yet' chon̈b' Quiriat-jearim.

Josué 9:19

Ax eb' yajl cha, xyaln eb' 'ixtc 'a smasnil eb' chon̈b' cha: —An̈ec tic, 'ix ca'c qui ti 'a Jehová qui Diosalec, to matz qui milc eb' 'anma tic, yuj cha, matz tac' qui milnec eb'.