Josué 9:15 - Chuj San Sebastian Bible

¹⁵ Ax Josué 'ix 'och 'a junc'ojlal yet' eb', sb'on jun strato yet' eb' yic matz cham jun tzo'n̈ eb' 'anma cha. 'Ixta pax eb' yajl yaj 'a scal eb' israel cha, 'ix yac' eb' sti' 'a yojltac Jehová, to matz milx eb' 'anma chi yuj eb'.

Josué 9:15 ပူးပေါင်းရင်းမြစ်များ

A Ch'an̈ Schab'l Libro Samuel 21:2

Yuj cha, 'ix yawtn cot rey David eb' gabaonita, yic tzpaxtin yet' eb'. (A eb' gabaonita cha, man̈ israeloc eb', palta to amorreo eb'. 'Aycn eb' 'a scal eb' israel cha, atn 'a eb' 'aj ya'jnac eb' israel sti 'a pecti', to matz satl eb' yuj eb'. Palta a Saúl, 'ix ya'lj satn 'el eb', yuj swach'loc chon̈b' Israel yet' Judá yalni).

Ex 23:32

Man̈ e b'o junc e trato yet' eb', man̈ ex 'och 'emmquilal pax 'a sdiosal eb' cha.

Josué 10:1

Ax xyab'n sb'a Adonisedec sreyl Jerusalén, to a Josué a 'ix satn can 'el chon̈b' Hai yet' sreyal, 'ixta pax yutjnac can chon̈b' Jericó yet' sreyl 'a yaln̈tax cha. Xyab'n paxi to a eb' 'aj Gabaón 'ayx junc'ojlal 'a scal eb' yet' eb' israel cha, junn̈j yaj eb' yet' eb',

Josué 10:4

—Cotn̈ec, colwjan̈c wet'oc, ca'c owl yet' chon̈b' Gabaón, yujto sb'o strato yet' Josué yic 'ix 'och eb' 'a junc'ojlal yet' eb' israel, xchi.

Josué 11:19

Cojn wal eb' heveo cajn 'a chon̈b' Gabaón, cojn eb' xyac' strato yoch 'a junc'ojlal yet' eb' israel, ax smasnil jun tzo'n̈ xo eb' 'anma cha, a 'a owl xlaj lajw 'el eb'.

Josué 9:16

Yoxl xo c'u sb'on eb' jun strato cha, 'ix yab'n sb'a eb' israel to a 'a sla'nil eb', ata cajn eb' 'anma cha.