Josué 9:11 - Chuj San Sebastian Bible

¹¹ Yuj cha, ax eb' qui yajlil on̈ yet' eb' quit chon̈b' on̈, xyal eb' 'ayn̈ 'ixtc on̈: 'Ijec tas tze c'ux 'a yol b'e, tz'at e saync eyil eb' israel 'aj 'ay eb', tzeyaln 'a eb' 'ixtic: An̈ tic on̈, tzyaln̈j qui c'ojl tzon̈ 'och e checb'oc, tzqui nib'j tzqui b'oc jun qui trato, xe chi 'a eb', xchi eb' 'ayn̈ on̈.

Chuj San Mateo Bible

¹¹ Yuj chi', ix yal eb' cajalil yed' eb' quetchon̈ab': Iq'uecb'at e vael d'a yoltac b'e b'at eyilan eb' israel chi' b'aj ayeq'ui. Tzeyalani to tzon̈ och schecab'oc eb', sco b'oan junoc co trato yed' eb', xchi eb' d'ayon̈.

Josué 9:11 ပူးပေါင်းရင်းမြစ်များ

Gn 43:12

'Ijec 'at e tumin yic tze mann 'ixm trigo cha, tzeyi'n pax 'at q'uen tumn xyac' meltzjoc ewin 'a yol sti e coxtl cha, tecn ton̈j sat sc'ojl ewinac.

A Ch'an̈ Schab'il Libro Yic Yab'ixal Eb' Rey 10:5

Ax jun smayltoma win rey 'a sdespacho, yet' jun sgobernadoral chon̈b' cha, yet' eb' yichm wincal chon̈ab', yet' pax eb' yilmal eb' yunnal Acab, 'ix 'at ya'nc eb' alxc 'a Jehú 'ixtic: An̈ tic on̈ a checb' caj on̈; 'oj qui b'o smasnil tas 'oj ala', palta may junc 'oj qui si'ch reyal. B'o tas 'icha tza nib'ej, xchi eb'.

Ester 8:17

A yic xc'och jun ley chi 'a smasnil lugar yet' 'a smasnil chon̈ab', a smasnil eb' israel cha, caw wal stzalj chan̈ eb'. 'Ix ya'n 'och eb' jun q'uin̈, 'ix laj wa eb'. Til wal eb' 'anma 'aj chon̈b' chi xya'ch sb'a israelal yet' eb' israel cha, yuj xiwc'ojlal eb' 'a eb'.

Lc 9:3

Yic mantzac 'at eb', 'ix yaln 'a eb' 'ixtic: —Man̈ eyic' jac yic e b'e. Man̈ eyic' e c'ococh, e pa, yet' tas tze c'uxu, mto e tumin, man̈ eyic pax e jel-lab' pichul.

Josué 1:11

'Ixquec 'a smasnil camplamento, tzeyaln can 'a eb' 'anma', to tzyac' lista eb' tas tzc'uxu, yujto chab'ej tzon̈ 'e'c 'a yojl a Jordán yic tz'at qui chanec lum lum tzyac' Jehová qui Diosalec quico'oc, xchi 'a eb'.

Josué 9:10

'Ix cab' speclal tas x'aj chawn̈ eb' sreyl eb' amorreo yu'uj, eb' cajn 'a sc'axpil 'ec' sti a Jordán, atn win Sihón sreyl Hesbón yet' win Og sreyl Basán, cajn 'a chon̈b' Astarot.

Josué 9:12

A yic on̈ cot ex qui sayq'ui, caw wal q'uixn 'ixm wal tic yic xqui'n coti, ax ticnec c'uxmtac xo, tacn̈ xo 'ixim.

Josué 9:8

—An̈ tic on̈, tzyaln̈j qui c'ojl tzon̈ 'och e checb'oc, xchi eb' 'a Josué. —¿Mach 'ayx yic ax tic? ¿'ajtil tzex coti? xchi Josué chi 'a eb'.