Josué 8:33 - Chuj San Sebastian Bible

³³ Ax eb' israel chi smasnil, eb' chuc chon̈b'al cajn 'a scal eb', eb' yichm wincal chon̈ab', eb' yajl yaj 'a scal eb' soldado, yet' eb' yajl tzb'on yaj eb' 'anma', 'ix spoj eb' snan̈al; nan̈l eb' 'ix can 'a yich witz Gerizim, ax nan̈l xo eb' xcan 'a yich witz Ebal. 'Ix cot q'ueln eb' schac'ajil 'a eb' ya'mal 'och sti eb' 'anma 'a Dios, atn eb' yin̈tl can Leví, eb' 'et'jnac te scaxail strato Jehová. 'Ixta 'ix 'aj yel'ch tas yaljnac can Moisés, atn win schecb' Jehová yuj tas tz'aj yalx wach' paxti 'a yib'n̈ eb' israel.

Chuj San Mateo Bible

³³ Axo masanil eb' israel, eb' yichamtac vinaquil chon̈ab', eb' yajal soldado, eb' juez yed' eb' ch'oc chon̈ab'il ayec' d'a scal eb', cha macan̈ ix aj spojan sb'a eb' d'a stz'eytac te' scaxail strato Jehová. D'a spaticb'at jun macan̈ eb' ix can lum vitz Gerizim, axo d'a spaticb'at junxo macan̈ eb' ix can lum vitz Ebal. Ix laj cot q'uelan eb' scha macan̈il d'a eb' sacerdote yin̈tilalcan vin̈aj Leví b'achjinac te' scaxail strato Jehová chi', yic syalan vach' lolonel eb' d'a eb' israel chi', icha aj yalannaccan vin̈aj Moisés, schecab' Jehová.

Josué 8:33 ပူးပေါင်းရင်းမြစ်များ

Ex 12:49

A jun ley tic, yowlal tzyiclj smasnil eb' 'anma tz'alj 'a e cal, yet' eb' chuc chon̈b'al tzjaw cajn 'a e cal, xchi Dios.

Lv 24:22

A jun ley tic, a 'oj 'och yopiso 'a eb' chuc chon̈b'al cajn 'a e cal. An Jehová in, an tzwala, xchi Dios.

Nm 15:15

A jun in ley tic, tz'och yopiso 'ayex yet' 'a eb' chuc chon̈b'al. 'Oj sc'anlb'ocn̈ej eb' eyin̈tl b'aq'uin̈.

Nm 15:16

Junn̈j ley 'oj e c'anlb'oc ax tic, yet' pax eb' chuc chon̈b'al 'ayc' eyet'oc, xchi Dios.

Nm 15:29

Atn jun ley tic tz'och yopiso 'a e cal ax israel ex tic, yet' pax 'a eb' chuc chon̈b'al cajn 'ec' 'a e cal, toto man̈ sc'anc sc'ojl junc mach tz'och smul cha.

Jn 4:20

A eb' qui mam quichm an̈ 'aj Samaria on̈ tic on̈, a 'a jun witz tic wul yaljnac sb'a eb' 'a Dios. Palta ax xo israel ex tic, tzeyal 'ixtic: A 'a Jerusalén, ata yowlal tz'at calc qui b'a 'a Dios, xe chi, xchi 'ix.

Dt 11:29

A yic tox ex c'och yuj Jehová qui Diosalec 'a sat lum lum cha, 'oj eyalcn 'el wach' paxti 'a yich lum witz Gerizim, ax 'a yich lum witz Ebal, ata 'oj eyalcn 'el catab'.

Dt 31:12

Yowlal tzyam sb'a smasnil eb' chon̈b' tic, eb' winac, eb' 'ix 'ix, eb' 'unin, yet' eb' chuc chon̈b'al 'ayc' 'a yol e chon̈ab', sec tzyab' eb' yawtx jun ley tic. Tzcuyn eb', sec tzxiw eb' 'a Jehová Dios, tzb'eylb'an pax eb' smasnil tas tzyala.

Dt 31:25

'ix yaln 'ixtc 'a eb' yin̈tl Leví, eb' 'ajcuenta yi'n b'ey scaxail strato Jehová:

Dt 31:9

'Ix stz'ib'n can Moisés smasnil jun tzo'n̈ ley tic, xya'n can 'a eb' ya'mal 'och sti eb' 'anma 'a Dios, atn eb' yin̈tl can Leví; eb' yi'mal b'ey scaxail strato Jehová. Xya'n pax 'a eb' yichmtac wincal chon̈ab'.

Josué 23:2

xya'n 'awtxoc cot smasnil eb' yit israelal, eb' yichmtac wincal chon̈ab', eb' juez, yet' pax eb' yajl smasnil, xyaln 'a eb' 'ixtic: An tic caw 'ichm inx winac, 'ayx pax in q'uinal.

Josué 24:1

Xlajw cha, xya'n Josué syam sb'a smasnil eb' yit israelal 'a lum Siquem, xyawtn cot eb' yichmtac wincal chon̈ab', eb' yajl yaj 'a scal eb' chon̈ab' yet' pax eb' juez, 'ix c'och eb' 'a yojltac Dios.

Josué 3:14

Xlajw cha, xyi'n chan̈ eb' israel chi smantiado, 'ix 'ec' eb' 'a yojl a Jordán cha, ax eb' ya'mal 'och sti eb' 'anma 'et'jnac te scaxail trato, xb'ab'lj eb' yuj smasnil eb' chon̈b' cha.

Josué 3:3

'Ix laj yalnc eb' 'ixtc 'a eb' 'anma cha: A yic tzeyiln yi'n 'ec' eb' levita ya'mal 'och qui ti 'a Dios, te scaxail strato Jehová 'a yojl a Jordán tic, ax xo, tzex 'och tza'n e masnil yuj te'.

Josué 3:6

Xyaln 'ixtc 'a eb' ya'mal 'och sti eb' 'anma cha: 'Ijec te scaxail trato, tzex b'ab'lj yuj eb' 'anma tic yic tzex 'ec' 'a yojl a tic, xchi 'a eb'. Yuj cha 'ix sb'achn eb' te scaxail trato cha, 'ix b'ab'lj eb' yuj eb'.

Josué 4:10

Ax eb' 'et'jnac te caxa cha, 'ix 'ochcn wan lin̈n eb' 'a spacl a Jordán, ya sb'a ax eb' yit chon̈b' eb' cha, xlaj sb'o eb' tas xyal Jehová 'a Josué, caw ji'lti x'e't eb' 'a yojl a'.

Josué 4:18

cojn wal yic xq'uet eb' 'a yojl a', 'ix ste'n 'ejm eb' yoc 'a 'aj taquin̈, ax a a cha, 'ix cotx can secnjoc a 'a sb'e 'aj tzb'eyi. 'Ix b'ut'j pax 'el sb'e a cha, caw tz'elx pulnjoc a 'a sb'e 'icha xoni.

Josué 6:6

Ax Josué, 'ix yawtj cot eb' ya'mal 'och sti eb' 'anma cha, xyaln 'a eb' 'ixtic; 'Ijec te scaxail strato Jehová, tzex b'ab'lj ucwn̈oc ex yet' e cacha 'a yojltac te caxa tic, xchi.