Josué 8:31 - Chuj San Sebastian Bible

³¹ 'Ix sb'o 'icha yaj yaln can Moisés 'a eb' yit israelal, 'icha pax yajcn 'a ch'an̈ libro yic ley 'a 'aj tzyal 'ixtic: A q'uen q'uen man̈ tzeyb'iloc, a q'uen tzc'anx 'a junc yet'l xajmb'al, xchi. A 'a yib'n̈ jun yet'l xajmb'al cha, ata 'ix laj yac'q'ue eb' xajmb'al to tz'a smasnil yet' xajmb'al yic junc'ojlal.

Chuj San Mateo Bible

³¹ Ix sc'ulej vin̈ icha ajnac yalancan vin̈aj Moisés schecab' Jehová d'a eb' israel chi', icha yajcan b'aj tz'ib'ab'ilcan jun c'ayb'ub'al icha tic: A q'uen q'ueen man̈ tzeyb'iloc, a q'uen tz'och d'a junoc altar, xchi jun c'ayb'ub'al chi'. Axo d'a yib'an̈ q'uen chi' ix n̈usjitz'a silab' d'a yichan̈ Jehová, aton silab' stz'ab'at smasanil yed' silab' sch'oxan junc'olal yed' Dios.

Josué 8:31 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 14:6

Palta ma'ix smil cham yunnal eb' xcham cha, yujto tz'ib'b'il can 'a ch'an̈ libro yic ley Moisés, 'a 'aj tzyal Jehová 'ixtic: A eb' mamb'il, matz tac' smilx cham eb' yuj smul yunnal, an̈jtona', matz tac' pax smilx cham eb' 'unnab'il yuj smul eb' mamb'il, palta junjn mach mun tzcham yuj smul, xchi.

A Ch'an̈ Schab'il Libro Yic Yab'ixal Eb' Rey 22:8

Xlajw cha, 'ix yaln Hilcías sat ya'mal 'och sti eb' 'anma 'a Dios 'a win 'ajtz'ib' Safán, chajtlto 'ix chax ch'an̈ slibroal ley 'a yol yatut Jehová. 'Ix yac' Hilcías ch'an̈ 'a win Safán yic tzyawtni.

2 Cr 25:4

Palta ma'ix milx cham yunnal eb', yujto a tzyal tas tz'ib'b'il can 'a ch'an̈ ley yic Moisés, 'a 'aj tzyal Jehová 'ixtic: A eb' mamb'il matz tac' scham eb' yuj smul yunnal, an̈jtona', matz tac' scham eb' 'unnab'il yuj smul eb' mamb'il, junjn mach tzcham yuj smul, xchi.

2 Cr 35:12

tzyi'n 'el eb' no xepual xajmb'al to tz'a smasnil, tzpojn 'ec' eb' 'a junjn macn̈ eb' to yican sb'a, yic tzya'n eb' 'a Jehová, 'icha yaj stz'ib'xcan 'a ch'an̈ libro yic Moisés. An̈jtona', 'ixtnta xyutj eb' sb'on no wacax.

Esdras 6:18

Xlajw cha, x'ajx 'och junjn c'aj eb' ya'mal 'och sti eb' 'anma 'a Dios 'a stzol-l yiln yopiso, yet' jun tzo'n̈ xo eb' levita, x'ajx yopiso eb' 'a yatut Dios 'a Jerusalén, 'icha yaj stz'ib'x can 'a ch'an̈ libro yic Moisés.

Nehemías 13:1

A 'a yic jun tiempoal cha, 'ix 'awtx ch'an̈ libro yic Moisés yab' eb' chon̈ab'. X'ilchj 'a ch'an̈ chajtlto a eb' amonita yet' eb' moabita, may b'a'n̈ tztac' yoch eb' 'a scal eb' schon̈b' Dios

Ex 18:12

Xlajwn̈ej cha, xya'n win Jetro chi jun xajmb'al yuj yaln wach' paxti 'a Dios; 'ay jun tzo'n̈ xo xajmb'al xyac'a. 'Ix c'och pax Aarón yet' eb' yichm wincal chon̈b' Israel 'a winac, 'ix mol wa eb' 'a yojltac Jehová yet' win sn̈i Moisés cha.

Ex 24:5

Yajn̈j wal cha, 'ix yaln 'a jun tzo'n̈ eb' quelmtac winac to tzmil cham eb' no quelm wacax, yic tz'och no xajmb'alil, yet' xajmb'al yic junc'ojlal tz'ajx 'a Jehová.

Mt 12:26

An̈jtona', 'ixta pax win Satanás, toto tzpoj sb'a win yet' ewin yit demonioal, ¿tom najtl 'oj yac' yopiso winac?

Dt 27:2

A yic 'oj eyec' 'a yol a Jordán, ax e c'och 'a sat lum lum 'oj yac' Jehová qui Diosalec 'ayex, tze tuscn chan̈ nan̈loc q'uen niwc q'ue'en, tzeya'ch poc spixloc, tze sucn 'och tan̈ 'a eb' q'ue'en.

Dt 27:8

Ax 'a eb' q'uen q'uen cha, ata wach' tzeyutj e tz'ib'n can 'och jun tzo'n̈ cuynb'il tzwalcn 'ayx tic, xchi Moisés.

Josué 1:8

May cab' b'a'n̈ tzcan awtn ch'an̈ un̈ 'aj tz'ib'b'il can ley, sc'ual, yac'wlil a cuyn ch'an̈, sec wach' 'oj a yiclc tas tz'ib'b'il can 'a ch'an̈. Toto 'oj a yicloc, wach' 'oj 'el'choc smasnil tas 'oj a b'o'.