Josué 8:28 - Chuj San Sebastian Bible

²⁸ 'Ix ya'n Josué n̈usxoc chon̈b' Hai. 'Ix lan̈chj 'ejm smasnil n̈a, jun b'uln̈ xoj x'ajcni, cojxn yet'l chi checl x'ajcni.

Chuj San Mateo Bible

²⁸ Ix tz'acanb'at masanil chon̈ab' Hai chi' yuj vin̈aj Josué chi' yed' eb' vin̈ soldado, ix emcan b'ulnaj stz'ai, axon̈ej yed'tal chequel ix ajcani.

Josué 8:28 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 19:25

¿Tom may 'aj 'ix ab' yalxi to an ton Jehová in? Wuj wali tz'el'ch smasnil jun tzo'n̈ tic. Pecti xon nab'il can wu'uj to tz'el'ch jun tic, yuj cha, stac' a satn 'el jun tzo'n̈ nacion̈ caw wach' yajch smuroal, 'ix q'uecn b'uln sc'ajl o'oj.

Is 17:1

Atn jun tzo'n̈ paxti tic 'ix alx can 'el 'a yib'n̈ chon̈b' Damasco: A Damasco, man̈x chon̈b'oc, palta to cojxn yet'l checl 'oj 'ajcn chan̈ b'ulan.

Is 25:2

'Icha wal junc b'ulc q'uen q'ue'en, 'ixta x'ajcn jun tzo'n̈ chon̈b' o'oj. A jun tzo'n̈ chon̈b' caw wach' yajch yipnub'al, a 'ix lan̈chj 'ejmi. 'Ix a ma'n pax lan̈chjoc sdespacho eb' 'ajc'ojl yajch 'ayon̈, man̈x 'a b'a'n̈ 'oj b'ox chan̈ jun 'ejm xo.

Jeremías 49:2

Palta an Jehová in, an tzwala: 'Ay wal jun c'u 'oj jawoc, caw 'oj 'ab'xoc yel 'aw yic owl 'a chon̈b' Rabá, atn sniwquil chon̈b' eb' amonita. Jun b'uln̈ 'oj 'ajcn chan̈ sma'x 'ejm lan̈chjoc. Smasnil jun tzo'n̈ yaldeail, 'oj tz'a yuj c'ac'. An Jehová in, an tzwala, to 'ixta 'oj yutc eb' israel yi'n can pax 'ec' slum jun 'ejm xo.

Jeremías 50:26

Tzanxn̈ej cab' 'aj tzex 'och eyac' owl yet' eb', jacc yet'l 'aj molb'il tas tzc'ux eb'. Molb'tzejc tastc 'ay 'a eb', tzlajw cha, tze satn can 'eli. Man̈x 'a jac tas tzcani.

Jeremías 9:11

'Ix wab' spacn Jehová 'ixtic: A yic 'oj lajwc in b'on jun tzo'n̈ tic, a Jerusalén yet' Judá, jun b'uln̈ 'oj wutc in ma'n 'ejm lan̈chjoc cani. Axn̈ej no 'ocs 'oj 'ec' ta', xchi Dios.

Miqueas 3:12

Smulyujoc eb', ax slajw 'ejm Jerusalén, atn jun chon̈b' yic tzaln Sión, 'icha wal t'ocb'il lum 'oj 'ajcni. Jun b'uln̈ 'oj 'ajcn 'ejmi, ax lum tzaln 'aj 'ay yatut Dios, waymtac 'oj 'ajcni.

Dt 13:16

Tze molb'tzej smasnil tas 'ay 'a eb', tzeyi'n 'at 'a plas 'a yol chon̈b' cha. Tzlajw cha, tzeya'n 'och sc'a'l jun chon̈b' chi yet' smasnil jun tzo'n̈ tzeyij 'ec' 'a eb' cha. 'Ixta wal tzeyutj eya'n tz'a 'a yojltac Jehová qui Diosalec. A jun chon̈b' cha, jun 'eln̈ej tzlajw can 'ejmi, man̈x 'a b'a'n̈ tzb'ox sjel.

Dt 13:17

Ax xo tic, man̈ eyi'cn jac eyic 'a jun tzo'n̈ tz'ajx lajwc cha, sec ma'oj cot yowl Jehová 'a eyib'n̈ yuj jun tzo'n̈ cha. Yujto caw 'ay schamc'ojlal 'ayex, yuj cha, 'oj yac' q'uib' e b'isl 'a yol e chon̈ab', 'icha wal yaj yaln can 'a eb' qui mam quichmec.

Josué 4:9

An̈jtona', xya'n Josué tusxoc can lajchwe xo q'uen 'a yojl a Jordán cha, atn 'aj 'ochnc wan lin̈n eb' ya'mal 'och sti eb' 'anma 'et'jnac te scaxail trato. A jun tzo'n̈ q'uen cha, 'ix cann̈j eb' ta'.

Josué 8:29

Ax Josué, 'ix ya'n milxoc win sreyl Hai, xya'n t'un̈xoc q'ue sniwnal win 'a sc'ab' jun niwquil te'. T'un̈n q'ue sniwnal masnto x'em c'u. Ax yic wan sq'uic'b'i 'ix ya'n Josué jiyxoc 'emt winac. Ax 'a yol sti spuertail schon̈b' win cha, ata x'at can sniwnal win yuj eb' israel cha. 'Ix si'n can q'ue b'uln eb' q'uen q'uen 'a yib'n̈ winac, caw niwquil x'ajcn chan̈ b'uln q'ue'en.