Josué 8:14 - Chuj San Sebastian Bible

¹⁴ Ax xyiln sb'a win sreyl chon̈b' Hai cha, to 'ay tas wan sc'och 'a 'a. Yuj cha, caw 'ix seb' q'ue wa'an, 'ix ya'n lista smasnil soldado. 'Ix 'elt yac' owl yet' eb' israel 'a lum 'a'lic tz'emch 'a sti a Jordán. Man̈ yojcoc eb' toto 'ay pax nan̈l xo eb' soldado chi c'ub'b'il 'el 'a spatquil 'at jun chon̈b' cha.

Chuj San Mateo Bible

¹⁴ Axo yic ix yilanelta vin̈ sreyal Hai chi' to ay tas van sc'och d'a vin̈, yuj chi' ix pet q'ue vaan vin̈, ix yac'an lista masanil eb' vin̈ soldado vin̈. Ix elta vin̈ yac' oval yed' eb' israel chi' d'a jun ch'olan tz'emc'och d'a sti' a' Jordán, palta man̈ yojtacoc vin̈ tato ay eb' vin̈ soldado toxo ix sc'ub'ejel sb'a d'a spatic chon̈ab' chi'.

Josué 8:14 ပူးပေါင်းရင်းမြစ်များ

Ec 9:12

An̈ 'anman̈ec tic, man̈ cojcoquec jantc qui q'uinal; 'icha tzyac' no chay tzcan 'a yojl ch'an̈ chim, mto 'icha no ch'ic tzcan 'a ya'al, 'ixta 'on̈ec, may tas nan cujec, ax tz'aji, ata tz'el-l tza'n̈joc junc tas 'a quib'n̈ec.

Is 19:11

Yel xo wal may snab'en eb' yajl yaj 'a chon̈b' Zoán, ax eb' 'a'm nab'en yaj 'a win faraón 'a Egipto, jun 'eln̈ej may jac yel'ch snab'en eb' cha. Cob' ste'wtzej sb'a eb' yaln 'ixtc 'a win faraón cha: An̈ tic on̈ yin̈tl on̈ can eb' jeln on̈, atn eb' ya'jnac reyl 'a yic pecti cha, xchi cob' eb'.

Is 19:13

A eb' yajl yaj 'a chon̈b' Zoán, caw may snab'en eb'. A eb' yajl yaj 'a chon̈b' Menfis, 'ix schaj 'ixtxoc paxti sb'a eb'. A jun tzo'n̈ eb' yajl chi tzjucb'tzan jun tzo'n̈ xo eb' 'aj Egipto 'a tas man̈ tojloc.

Dn 4:31

Wanto wal yaln win rey jun tzo'n̈ paxti cha, 'ix yab'n win yalx 'emt jun paxti 'a satchan̈ 'ixtic: Maclj ab' jun tzo'n̈ paxti tic ach rey Nabucodonosor. A opiso cha, tox 'ix 'ijx 'ec' 'ayach.

Mt 24:39

Palta ma'ix nachj 'el xon jac yuj eb', masnto xjaw jun yaxn̈ab' cha, ata xcham eb' smasnil. 'Icha 'ajnc eb' 'a jun tiempoal cha, 'ixta 'oj 'aj eb' 'anma', yic 'oj in jaw tza'njoc.

Mt 24:50

Ax 'a jun c'u yic tzna eb' moso cha, to matz jaw win patron̈ cha, ata 'oj jawc 'a yorail man̈ yojcoc eb',

Dt 1:1

A 'a jun libro tic tz'ib'b'il can jun tzo'n̈ paxti 'ix yal Moisés 'a eb' israel yic 'ayc' eb' 'a lum cusltac lum 'a sla'nil xo sti a Jordán 'a stojlal 'aj tzq'uel c'u 'a lum tzcuch Arabá. Ata 'ay lum 'a yojltac a Chac Mar, 'a snan̈l jun tzo'n̈ chon̈b' tic, atn Parán, Tofel, Labán, Hazerot yet' Dizahab.

Josué 8:13

'Ixta 'ix yutj spojn can snan̈l eb' soldado cha. Chac'aj 'ix yutj can 'el eb', junc'aj eb' xcan 'a stojlal 'aj tz'em c'u, ax junc'aj eb' xcan yet' smantiado 'a stojlal norte. Ax 'a jun 'ac'wl cha, 'ix b'ab'lj Josué, 'ix c'och 'a spacl jun 'a'lic cha.

Josué 8:15

Ax Josué, 'icha to xiw yuj eb', 'ixta xyutj sb'a 'a eb'. 'Ix 'at 'elc yet' eb' soldado yuj eb' 'aj chon̈b' Hai. 'Ix 'at eb' 'a sb'el lum cusltac lu'um.

Josué 8:16

Smasnil eb' soldado 'a jun chon̈b' cha, 'ix 'ajx jun ley 'a eb', to smasnil eb' tz'at pechnc Josué yet' eb' soldado cha. Ax x'aji, yel xo caw najt 'ix 'el eb' 'a schon̈b' cha.

Josué 8:5

An xo 'oj in c'och yet' smasnil eb' 'anma tic 'a sti 'elt jun chon̈b' cha. A yic 'oj 'eltc eb' 'anma chi yac' owl quet' on̈, ax qui 'at 'elc yuj eb' on̈. 'Icha on̈ yutjec eb' 'a b'ab'l cha.

A Schab'il Carta San Pedro 2:3

A eb' 'a'm 'es cha, cojxn wal tumn tznib'j 'och eb'. Yuj cha, jeln 'oj yutc eb' yaln jun tzo'n̈ 'es 'ayex, yujto tznib'j eb' tzyac' ganar stumn 'a e patquil. Palta pectix b'eyc'ojlb'ilx eb' yuj Dios. Yuj cha, yowlal 'oj satcn 'el eb' 'a jun 'ejmn̈ej. Toxn ma'oj stac' scoln 'elt sb'a eb' 'a jun yailal cha.

Jueces 20:37

Ax eb' soldado sc'ub'j 'el sb'a cha, yajn̈ej 'ix 'och eb' 'a Gabaa, 'ix smiln eb' smasnil eb' cajn ta'.