Josué 6:26 - Chuj San Sebastian Bible

²⁶ Xlajw cha, xyaln Josué jun tzo'n̈ spaxti tic 'ixtic: Scatb'oc cab' Jehová junc mach tznib'j b'onc pax chan̈ jun chon̈b' tic b'aq'uin̈. Cham cab' sb'ab'l 'unnal yic tz'em smuroal yich, ax yic tz'och spuertail, a cab' win stza'n 'unn tzchami, xchi.

Chuj San Mateo Bible

²⁶ Ix lajvi chi', ix yalan jun lolonel tic vin̈aj Josué: Catab'ajocab' yuj Jehová mach sb'oanxiq'ue jun chon̈ab' tic d'a schaelal, chamocab' sb'ab'el unin ayic tz'em yich, chamocab'pax stzac'an unin ayic tz'och spuertail, xchi vin̈.

Josué 6:26 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 16:34

A 'a yic 'aych win Acab reyal, ata 'ix scha b'oj pax chan̈ win Hiel 'aj Betel chon̈b' Jericó. A wal yem yipnub'al yich jun chon̈b' cha, 'ix cham jun sb'ab'l 'unnal win tzcuch Abiram. Ax yic x'och spuertail jun chon̈b' cha, ata 'ix cham junx yunnal tza'n 'unin, tzcuch Segub. 'Ixtnta x'aj yel'ch tas yaljnac can Jehová 'a win Josúe, win yunnal Nun.

A Ch'an̈ B'ab'el Libro Yic Yab'ixal Eb' Rey 22:16

—Til wal 'ejm xwal 'ayach, to a tas yel a chi tzal 'ayn 'a sb'i Jehová, xchi win rey cha.

A Ch'an̈ Schab'il Libro Yic Yab'ixal Eb' Rey 2:4

Xlajw cha, 'ix yaln pax Elías 'ixtc 'a Eliseo cha: —Cann̈ 'a tic, yujto tzin checx 'at yuj Jehová 'a Jericó, xchi Elías. —Tzwac' in ti 'a yojltac Jehová to tzin 'at et'oc, xchi Eliseo. Xlajw cha, 'ix 'at eb' schawn̈il 'a Jericó.

Malaquías 1:4

Toto a eb' edomita yin̈tl Esaú a eb' tzaln 'ixtic: Wach'xam on̈ lajwec 'eli, palta 'oj qui b'oc pax chan̈ qui chon̈b'ec tic jun 'ejm xo, toto xchi eb', wach'xam tzb'ox chan̈ eb' schon̈ab', palta an 'oj in ma'x lan̈chjoc jun 'ejm xo. A snacion̈ eb' cha, 'oj yal eb' 'anma yuj 'ixtic: A jun nacion̈ tic, caw wal maysch'olnil, 'ayn̈j 'och pax yowl sc'ojl Jehová 'a yib'an̈, 'oj xchic eb'.

Mt 26:63

Palta caw sictacn̈ej yaji. Yuj cha, xyaln pax win 'ixtc 'a 'a: —Al 'ayn̈ on̈ toto Cristo ach, toto yel yunnalch Dios, yowlal tzal 'a sat Dios pitzan, xchi win 'a 'a.

A Tas Sc'ulejnac Eb' Schecab' Jesús Hechos 19:13

Palta 'ay jaywn̈ eb' israel 'ix b'eyq'ui. 'Ix ya'lj eb' yi'n 'el ewin demonio 'a eb' 'anma'. 'Ix ya'lj eb' sc'anlb'an sb'i Cajlil Jesús, yic tzcob' yi'nc 'el eb' ewin demonio cha. 'Ix cob' yalnc eb' 'a ewin 'ixtic: —A 'a sb'i Jesús tzcaln 'ayx on̈, 'eln̈ec. A Jesús cha, atn jun tz'ec' yal-l Pablo yab'xil, xchi eb'.

Josué 16:7

tz'atx ta', axta tz'emch 'a Atarot yet' 'a Naarat, masnto tzyamchj Jericó yu'uj, axta tz'el'ch 'a a Jordán.